Punjab News Channel

Punjab News Channel

Online Web News Channel (ਆਨਲਾਈਨ ਵੈੱਬ ਨਿਊਜ਼ ਚੈਨਲ)

ads

Latest

Post Top Ad

Your Ad Spot

Thursday, 26 April 2018

ਸੰਤ ਭਿੰਡਰਾਂਵਾਲਿਆਂ ਬਾਰੇ ਗਲਤ ਸ਼ਬਦਾਵਲੀ ਵਰਤਣ ਵਾਲਿਆਂ ਤੇ ਕਾਰਵਾਈ ਕਰੇ ਸਰਕਾਰ-ਜਥੇਦਾਰ ਹਰਪ੍ਰੀਤ ਸਿੰਘ

8:07:00 pm 0
ਕਿਹਾ ਭਾਈ ਮਿੰਟੂ ਦੇ ਅਕਾਲ ਚਲਾਣੇ ਮੌਕੇ ਭੰਗੜੇ ਪਾਉਣ ਵਾਲਿਆਂ 'ਤੇ ਵੀ ਹੋਵੇ ਬਣਦੀ ਕਾਰਵਾਈ
ਤਲਵੰਡੀ ਸਾਬੋ, 26 ਅਪ੍ਰੈਲ਼ (ਗੁਰਜੰਟ ਸਿੰਘ ਨਥੇਹਾ)- ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲੇ ਸਿੱਖ ਕੌਮ ਦੀ ਮਹਾਨ ਧਾਰਮਿਕ ਸਖਸ਼ੀਅਤ ਹਨ ਜਿਨਾਂ ਨੇ ਕੌਮ ਦੀ ਅਣਖ ਇੱਜਤ ਲਈ ਸ਼ਹਾਦਤ ਦਿੱਤੀ ਤੇ ਉਨਾਂ ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਤੋਂ ਮਹਾਨ ਸ਼ਹੀਦ ਕਰਾਰ ਦਿੱਤਾ ਹੋਇਆ ਹੈ। ਇਹਨਾਂ ਵਿਚਾਰਾਂ 'ਤੇ ਸਾਂਝ ਪਾਉਂਦਿਆਂ ਬੀਤੇ ਦਿਨੀਂ ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆਂ ਖਿਲਾਫ ਸ਼ੋਸਲ ਮੀਡੀਆ 'ਤੇ ਗਲਤ ਸ਼ਬਾਦਵਲੀ ਦਾ ਪ੍ਰਯੋਗ ਕਰਨ ਦੀਆਂ ਖਬਰਾਂ ਸਾਹਮਣੇ ਆਉਣ ਤੋਂ ਬਾਅਦ ਅੱਜ ਤਖਤ ਸ੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਸਰਕਾਰ ਤੋਂ ਸੰਤਾਂ ਬਾਰੇ ਗਲਤ ਸ਼ਬਦ ਵਰਤਣ ਵਾਲੇ ਵਿਅਕਤੀ ਖਿਲਾਫ ਕਾਰਵਾਈ ਦੀ ਮੰਗ ਕੀਤੀ ਹੈ।
ਅੱਜ ਤਖਤ ਸ੍ਰੀ ਦਮਦਮਾ ਸਾਹਿਬ ਤੋਂ ਜਾਰੀ ਪ੍ਰੈੱਸ ਬਿਆਨ ਵਿੱਚ ਗਿਆਨੀ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ਸੰਗਤ ਨੇ ਉਨਾਂ ਨੂੰ ਲਿਖਤੀ ਦਰਖਾਸਤ ਦਿੱਤੀ ਹੈ ਕਿ ਲੁਧਿਆਣੇ ਦਾ ਨਵੀਨ ਗੁਪਤਾ ਨਾਮੀ ਇੱਕ ਸ਼ਰਾਰਤੀ ਅਨਸਰ ਜੋ ਸ਼ਿਵ ਸੈਨਾ ਦਾ ਆਗੂ ਕਹਾਉਂਦਾ ਹੈ ਨੇ ਸੰਤ ਭਿੰਡਰਾਂਵਾਲਿਆਂ ਬਾਰੇ ਗਲਤ ਸ਼ਬਦਾਵਲੀ ਦਾ ਪ੍ਰਯੋਗ ਕੀਤਾ ਹੈ। ਉਨਾਂ ਕਿਹਾ ਕਿ ਅਜਿਹੀ ਕੋਸ਼ਿਸ ਪੰਜਾਬ ਦੇ ਸ਼ਾਂਤ ਮਾਹੌਲ ਨੂੰ ਲਾਂਬੂ ਲਾਉਣ ਵਰਗੀ ਹੈ। ਉਨਾਂ ਨੇ ਸੂਬਾ ਸਰਕਾਰ ਨੂੰ ਕਿਹਾ ਕਿ ਉਹ ਸਿੱਖ ਸੰਗਤਾਂ ਦੀਆਂ ਭਾਵਨਾਵਾਂ ਭੜਕਾਉਣ ਦੇ ਦੋਸ਼ਾਂ ਤਹਿਤ ਉਕਤ ਅਨਸਰ ਖਿਲਾਫ ਸਖਤ ਕਾਰਵਾਈ ਕਰੇ। ਜਥੇਦਾਰ ਨੇ ਬੀਤੇ ਦਿਨੀ ਜੇਲ੍ਹ ਵਿੱਚ ਅਕਾਲ ਚਲਾਣਾ ਕਰ ਗਏ ਭਾਈ ਹਰਮੰਦਿਰ ਸਿੰਘ ਮਿੱਟੂ ਦੇ ਅਕਾਲ ਚਲਾਣੇ ਮੌਕੇ ਭੰਗੜਾ ਪਾਉਣ ਵਾਲੇ ਕੁਝ ਅਨਸਰਾਂ ਖਿਲਾਫ ਵੀ ਸਰਕਾਰ ਤੋਂ ਸਖਤ ਕਾਰਵਾਈ ਮੰਗੀ ਹੈ।
Read More

ਮਾਰੂਤੀ ਕਾਰ 'ਚ ਸਵਾਰ ਚਾਰ ਵਿਅਕਤੀਆਂ ਕੋਲੋਂ ਕਿਲੋ ਚੂਰਾ ਪੋਸਤ ਬਰਾਮਦ

8:06:00 pm 0
ਤਲਵੰਡੀ ਸਾਬੋ, 26 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਪੰਜਾਬ ਪੁਲਿਸ ਵੱਲੋ ਨਸ਼ੇ ਖਿਲਾਫ ਚਲਾਈ ਮੁਹਿੰਮ ਤਹਿਤ ਸੀ ਆਈ ਏ 02 ਦੀ ਟੀਮ ਨੇ ਚਾਰ ਲੋਕਾਂ ਨੂੰ ਵੱਡੀ ਮਾਤਰਾ ਵਿੱਚ ਭੁੱਕੀ ਚੂਰਾ ਪੋਸਤ ਸਮੇਤ ਗ੍ਰਿਫਤਾਰ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ, ਪੁਲਿਸ ਵੱਲੋਂ ਮਾਮਲਾ ਦਰਜ ਕਰਕੇ ਜਾਂਚ ਸੁਰੂ ਕਰ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਸੀ ਆਈ ਏ 02 ਦੇ ਏ ਐਸ ਆਈ ਗੁਰਿੰਦਰ ਸਿੰਘ ਨੇ  ਪੁਲਿਸ ਪਾਰਟੀ ਸਮੇਤ ਪਿੰਡ ਮਿਰਜੇਆਣਾ ਤੋਂ ਕੋਰੇਆਣਾ ਰੋਡ 'ਤੇ ਨਾਕਾਬੰਦੀ ਕੀਤੀ ਹੋਈ ਸੀ ਤਾਂ ਅੱਗੇ ਤੋਂ ਇੱਕ ਮਰੂਤੀ ਕਾਰ ਪੀ ਬੀ 13 ਐਚ 0922 ਆ ਰਹੀ ਸੀ ਜਦੋਂ ਉਹਨਾਂ ਪੁਲਿਸ ਦਾ ਨਾਕਾ ਦੇਖ ਕੇ ਗੱਡੀ ਪਿੱਛੇ ਲਿਜਾ ਕੇ ਭਜਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਪੁਲਿਸ ਪਾਰਟੀ ਨੇ ਉਹਨਾਂ ਨੂੰ ਕਾਬੂ ਕਰ ਲਿਆ। ਪੁਲਿਸ ਨੇ ਜਦੋ ਗੱਡੀ ਦੀ ਤਲਾਸ਼ੀ ਲਈ ਤਾਂ ਉਸ ਵਿੱਚੋਂ 40 ਕਿਲੋ ਭੁੱਕੀ ਚੂਰਾ ਪੋਸਤ ਬਰਾਮਦ ਕੀਤਾ ਗਿਆ। ਪੁਲਿਸ ਨੇ ਗੱਡੀ ਅਤੇ ਚੂਰਾ ਪੋਸਤ ਆਪਣੇ ਕਬਜੇ ਵਿੱਚ ਲੈ ਕੇ ਗੱਡੀ ਚ' ਸਵਾਰ ਚਾਰੇ ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ। ਏ ਐਸ ਆਈ ਗੁਰਿੰਦਰ ਸਿੰਘ ਨੇ ਦੱਸਿਆ ਕਿ ਫੜੇ ਗਏ ਕਥਿਤ ਦੋਸ਼ੀਆਂ ਵਿੱਚ ਅੰਗਰੇਜ ਸਿੰਘ, ਬਲਰਾਜ ਸਿੰਘ, ਫਕੀਰ ਸਿੰਘ ਅਤੇ ਹਰਮਿੰਦਰ ਸਿੰਘ ਵਾਸੀ ਗੁਰੂਸਰ ਜਗਾ ਸ਼ਾਮਿਲ ਸਨ। ਸੀ ਆਈ ਏ ਸਟਾਫ 02 ਦੀ ਟੀਮ ਨੇ ਚਾਰੇ ਲੋਕਾਂ ਨੂੰ ਥਾਣਾ ਤਲਵੰਡੀ ਸਾਬੋ ਵਿਖੇ ਮਾਮਲਾ ਦਰਜ ਕਰਵਾ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
Read More

ਤਲਵੰਡੀ ਸਾਬੋ ਪੁਲਿਸ ਨੇ ਤਿੰਨ ਲੋਕਾਂ ਨੂੰ ਸ਼ਰਾਬ ਸਮੇਤ ਕੀਤਾ ਕਾਬੂ, ਮਾਮਲਾ ਦਰਜ

8:05:00 pm 0
ਤਲਵੰਡੀ ਸਾਬੋ, 26 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਸਥਾਨਕ ਪੁਲਿਸ ਨੇ ਨਸ਼ੇ ਖਿਲਾਫ ਚਲਾਈ ਮੁਹਿੰਮ ਦੇ ਤਹਿਤ ਦੋ ਮਾਮਲਿਆਂ ਵਿੱਚ ਸ਼ਰਾਬ ਸਮੇਤ ਤਿੰਨ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ, ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਥਾਣਾ ਤਲਵੰਡੀ ਸਾਬੋ ਦੇ ਏ.ਐਸ.ਆਈ ਸੁਖਪਾਲ ਸਿੰਘ ਪੁਲਿਸ ਪਾਰਟੀ ਸਮੇਤ ਜਗਾ ਰਾਮ ਤੀਰਥ ਤੋਂ ਪਿੰਡ ਬਹਿਮਣ ਨੂੰ ਗਸ਼ਤ ਕਰ ਰਹੇ ਸਨ ਤਾਂ ਅੱਗੇ ਤੋਂ ਮੋਟਰਸਾਈਕਲ ਸਪਲੈਂਡਰ (ਪੀ ਬੀ 03 ਏ ਕੇ 8116) 'ਤੇ ਦੋ ਵਿਅਕਤੀ ਆ ਰਹੇ ਸਨ ਜਦੋਂ ਸ਼ੱਕ ਦੇ ਅਧਾਰ 'ਤੇ ਰੋਕ ਕੇ ਉੇਹਨਾਂ ਦੀ ਤਲਾਸ਼ੀ ਲਈ ਗਈ ਤਾਂ ਉਹਨਾਂ ਕੋਲੋਂ 48 ਬੋਤਲਾਂ ਸ਼ਰਾਬ ਠੇਕਾ ਦੇਸੀ ਹਰਿਆਣਾ ਬਰਾਮਦ ਕੀਤੀਆਂ ਗਈਆਂ। ਪੁਲਿਸ ਨੇ ਮੋਟਰਸਾਈਕਲ ਅਤੇ ਸ਼ਰਾਬ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਕੇ ਕਥਿਤ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਕਥਿਤ ਦੋਸ਼ੀਆਂ ਦੀ ਪਛਾਣ ਗੁਰਪਿਆਰ ਸਿੰਘ ਅਤੇ ਅਜੈ ਸਿੰਘ ਵਾਸੀ ਮੌੜ ਖੁਰਦ ਤੋਂ ਕੀਤੀ ਹੈ। ਏ.ਐਸ.ਆਈ ਸੁਖਪਾਲ ਸਿੰਘ ਨੇ ਦੱਸਿਆ ਕਿ ਦੋਵਾਂ ਖਿਲਾਫ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
ਦੂਜੇ ਮਾਮਲੇ ਵਿੱਚ ਥਾਣਾ ਤਲਵੰਡੀ ਸਾਬੋ ਦੇ ਹੌਲਦਾਰ ਰਣਧੀਰ ਸਿੰਘ ਪੁਲਿਸ ਪਾਰਟੀ ਸਮੇਤ ਪਿੰਡ ਗੁਰੂੈਸਰ ਜਗਾ ਤੋਂ ਬਹਿਮਣ ਵੱਲ ਜਾ ਰਹੇ ਸਨ ਤਾਂ ਸਾਹਮਣੇ ਤੋਂ ਇੱਕ ਵਿਅਕਤੀ ਬਿਨ੍ਹਾਂ ਨੰਬਰੀ ਮੋਟਰਸਾਈਕਲ ਪਲਟੀਨਾ 'ਤੇ ਆ ਰਿਹਾ ਸੀ ਜਦੋਂ ਉਸ ਦੀ ਰੋਕ ਕੇ ਤਲਾਸ਼ੀ ਲਈ ਗਈ ਤਾਂ ਉਸ ਤੋ 12 ਬੋਤਲਾਂ ਸ਼ਰਾਬ ਠੇਕਾ ਦੇਸੀ ਹਰਿਆਣਾ ਬਰਾਮਦ ਕੀਤੀਆਂ ਗਈਆਂ। ਪੁਲਿਸ ਨੇ ਮੋਟਰਸਾਈਕਲ ਅਤੇ ਸ਼ਰਾਬ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਕੇ ਕਥਿਤ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਿਸ ਨੇ ਕਥਿਤ ਦੋਸ਼ੀ ਦੀ ਪਛਾਣ ਜਸਵੀਰ ਸਿੰਘ ਵਾਸੀ ਮਾਨਸਾ ਤੋਂ ਕੀਤੀ ਹੈ। ਹੌਲਦਾਰ ਰਣਧੀਰ ਸਿੰਘ ਨੇ ਦੱਸਿਆ ਕਿ ਕਥਿਤ ਦੋਸ਼ੀ ਖਿਲਾਫ ਮਾਮਲਾ ਦਰਜ ਕਰਕੇ ਜਾਂਚ ਸੁਰੂ ਕਰ ਦਿੱਤੀ ਗਈ ਹੈ।
Read More

ਪਿੰਡ ਨੰਗਲਾ ਦੀ ਅਨਾਜ ਮੰਡੀ ਵਿੱਚ ਕਿਸਾਨ, ਮਜ਼ਦੂਰ ਪੀ ਰਹੇ ਹਨ ਦੂਸ਼ਿਤ ਪਾਣੀ

8:02:00 pm 0
ਪਾਣੀ ਵਿੱਚੋਂ ਨਿੱਕਲ ਰਹੇ ਹਨ ਮਰੇ ਹੋਏ ਡੱਡੂ ਅਤੇ ਮਾਰ ਰਹੀ ਹੈ ਬੁਦਬੂ
ਤਲਵੰਡੀ ਸਾਬੋ, 26 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਸਬ ਡਵੀਜਨ ਤਲਵੰਡੀ ਸਾਬੋ ਦੇ ਪਿੰਡ ਨੰਗਲਾ ਦੀ ਅਨਾਜ ਮੰਡੀ ਵਿੱਚ ਜਿੱਥੇ ਸਫਾਈ ਦਾ ਬੁਰਾ ਹਾਲ ਅਤੇ ਛਾਂ ਦਾ ਕੋਈ ਪ੍ਰਬੰਧ ਨਹੀਂ ਹੈ ਉੱਥੇ ਮੰਡੀ ਅੰਦਰ ਕਿਸਾਨ ਅਤੇ ਮਜ਼ਦੂਰ ਦੂਸਿਤ ਪਾਣੀ ਪੀ ਕੇ ਪੀਣ ਯੋਗ ਪਾਣੀ ਦੀ ਵੱਡੀ ਸਮੱਸਿਆ ਨਾਲ ਦੋ ਚਾਰ ਹੋ ਰਹੇ ਹਨ, ਜਿਸ ਨੂੰ ਲੈ ਅੱਜ ਦੇਰ ਸ਼ਾਮ ਕਿਸਾਨ ਯੂਨੀਅਨ ਆਗੂਆਂ ਦੀ ਅਗਵਾਈ 'ਚ ਕਿਸਾਨਾਂ, ਮਜ਼ਦੂਰਾਂ ਨੇ ਪੰਜਾਬ ਸਰਕਾਰ ਅਤੇ ਮੰਡੀ ਪ੍ਰਬੰਧਕਾਂ ਖਿਲਾਫ ਰੋਸ ਪ੍ਰਗਟ ਕਰਦਿਆਂ ਜੰਮ ਕੇ ਨਾਅਰੇਬਾਜ਼ੀ ਕੀਤੀ।
ਇਸ ਮੌਕੇ ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਸਿੱਧੂਪੁਰ) ਦੇ ਜ਼ਿਲ੍ਹਾ ਸਹਾਇਕ ਸਕੱਤਰ ਯੋਧਾ ਸਿੰਘ ਨੰਗਲਾ ਨੇ ਦੱਸਿਆ ਕਿ ਪਿੰਡ ਨੰਗਲਾ ਦੀ ਅਨਾਜ ਮੰਡੀ ਵਿੱਚ ਪੀਣ ਯੋਗ ਪਾਣੀ ਦਾ ਢੁਕਵਾਂ ਪ੍ਰਬੰਧ ਨਹੀਂ ਹੈ ਅਤੇ ਕਿਸਾਨ, ਮਜ਼ਦੂਰ ਬਹੁਤ ਹੀ ਦੂਸ਼ਿਤ ਪਾਣੀ ਪੀ ਰਹੇ ਹਨ ਜਿਸ ਨਾਲ ਕਈ ਪ੍ਰਕਾਰ ਦੀਆਂ ਬਿਮਾਰੀਆਂ ਲੱਗਣ ਦਾ ਉਹਨਾਂ ਨੂੰ ਖਦਸ਼ਾ ਹੈ। ਉਹਨਾਂ ਹੋਰ ਦੱਸਿਆ ਕਿ ਮੰਡੀ ਵਿੱਚ ਕਣਕ ਲੈ ਕੇ ਆ ਰਹੇ ਕਿਸਾਨਾਂ ਅਤੇ ਕੰਮ ਕਰ ਰਹੇ ਮਜ਼ਦੂਰ ਤਾਂ ਇਹ ਦੂਸ਼ਿਤ ਪਾਣੀ ਪੀਣ ਲਈ ਮਜ਼ਬੂਰ ਹਨ। ਉਹਨਾਂ ਦੱਸਿਆ ਕਿ ਉਹ ਪਿੰਡ ਦੇ ਸਰਕਾਰੀ ਸਕੂਲ ਦੀ ਡਿੱਗੀ 'ਚੋਂ ਇਹ ਪਾਣੀ ਪੀ ਰਹੇ ਹਨ ਜਿਸਨੂੰ ਸਕੂਲ ਦੇ ਬੱਚੇ ਵੀ ਪੀਂਦੇ ਹਨ ਅਤੇ ਇਸ ਡਿੱਗੀ ਦਾ ਉਪਰਲਾ ਢੱਕਣ ਵੀ ਲਾੱਕ ਨਹੀਂ ਹੈ ਜਿਸ ਲਈ ਕੋਈ ਵੀ ਸ਼ਰਾਰਤੀ ਅਨਸਰ ਇਸ ਡਿੱਗੀ ਵਿੱਚ ਕੋਈ ਜ਼ਹਿਰੀਲੀ ਚੀਜ਼ ਪੀ ਪਾ ਸਕਦਾ ਹੈ ਜਿਸ ਨਾਲ ਕੋਈ ਵੀ ਅਣਸੁਖਾਵੀਂ ਘਟਨਾ ਵਾਪਰ ਸਕਦੀ ਹੈ।
ਕਿਸਾਨ ਆਗੂ ਨੇ ਆਪਣੀ ਮੰਗ ਨੂੰ ਦੁਹਰਾਉਂਦਿਆਂ ਕਿਹਾ ਕਿ ਉਹ ਕਿਸੇ ਵੀ ਪ੍ਰਸ਼ਾਸ਼ਨਿਕ ਅਫਸਰ ਨਾਲ ਗੱਲ ਕਰਦੇ ਹਾਂ ਤਾਂ ਅੱਗੋਂ ਜਵਾਬ ਮਿਲਦਾ ਹੈ ਉਹਨਾਂ ਦੀ ਗੱਲ ਡੀ ਸੀ ਸਾਹਾਬ ਤੱਕ ਪਹੁੰਚਾ ਦਿੱਤੀ ਹੈ। ਉਹਨਾਂ ਇੱਕ ਸਵਾਲ ਦੇ ਜਵਾਬ ਵਿੱਚ ਕਿਹਾ ਕਿ ਇੱਕ ਪਾਸੇ ਸਰਕਾਰ ਮੰਡੀਆਂ ਦੇ ਪ੍ਰਬੰਧਾਂ ਬਾਰੇ ਬਹੁਤ ਨਾਅਰੇ ਮਾਰਦੀ ਹੈ ਪ੍ਰੰਤੂ ਦੂਜੇ ਪਾਸੇ ਸਰਕਾਰ ਪੀਣ ਯੋਗ ਪਾਣੀ ਦਾ ਪ੍ਰਬੰਧ ਨਹੀਂ ਕਰ ਸਕਦੀ ਤਾਂ ਉਹ ਕਿਸਾਨਾਂ ਦੀਆਂ ਹੋਰ ਮੰਗਾਂ ਕਿੱਥੋਂ ਪੂਰੀਆਂ ਕਰ ਸਕੇਗੀ। ਮਜ਼ਦੂਰ ਮਹਿੰਗਾ ਸਿੰਘ ਬਹਿਣੀਵਾਲ ਨੇ ਕਿਹਾ ਉਹ ਬਹੁਤ ਜਿਆਦਾ ਗੰਦਾ ਪਾਣੀ ਪੀ ਰਹੇ ਹਨ। ਉਹਨਾਂ ਕਿਹਾ ਕਿ ਉਹ ਆਪ ਪੈਸੇ ਦੇ ਕੇ ਪਾਣੀ ਮੰਗਵਾ ਰਹੇ ਹਨ ਪ੍ਰੰਤੂ ਫਿਰ ਵੀ ਸ਼ੁੱਧ ਪਾਣੀ ਨਹੀਂ ਮਿਲ ਰਿਹਾ। ਉਹਨਾਂ ਮੰਗ ਕੀਤੀ ਕਿ ਉਹਨਾਂ ਨੂੰ ਸ਼ੁੱਧ ਪੀਣ ਯੋਗ ਪਾਣੀ ਦਿੱਤਾ ਜਾਵੇ ਤਾਂ ਕਿ ਉਹਨਾਂ ਦੀ ਸਿਹਤ ਨਾਲ ਕੋਈ ਖਿਲਵਾੜ ਨਾ ਹੋਵੇ। ਇਸ ਸਮੱਸਿਆ ਸਬੰਧੀ ਜਦੋਂ ਐੱਸ. ਡੀ. ਐੱਮ. ਤਲਵੰਡੀ ਸਾਬੋ ਨੂੰ ਜਾਣੂੰ ਕਰਵਾਇਆ ਗਿਆਂ ਤਾਂ ਉਹਨਾਂ ਕਿਹਾ ਕਿ ਉਹ ਹੁਣੇ ਹੀ ਇਸ ਬਾਰੇ ਸੈਕਟਰੀ ਮਾਰਕੀਟ ਕਮੇਟੀ ਨੂੰ ਕਹਿ ਦਿੰਦੇ ਹਨ।
Read More

ਟ੍ਰਿਨਿਟੀ ਕਾਲਜ ਜਲੰਧਰ ਵਿਖੇ 28 ਅਪ੍ਰੈਲ ਨੂੰ ਤੀਸਰਾ ਡਿਗਰੀ ਵੰਡ ਪ੍ਰੋਗਰਾਮ (ਕੋਨਵੋਕੈਸ਼ਨ) ਕਰਵਾਇਆ ਜਾਵੇਗਾ

7:32:00 pm 0

ਜਲੰਧਰ 26 ਅਪ੍ਰੈਲ (ਜਸਵਿੰਦਰ ਆਜ਼ਾਦ)- ਸਥਾਨਕ ਟ੍ਰਿਨਿਟੀ ਕਾਲਜ ਜਲੰਧਰ ਵਿਖੇ ਕਾਲਜ ਦੇ ਡਾਇਰੈਕਟਰ ਰੈਵ. ਫਾਦਰ. ਪੀਟਰ ਜੀ ਵਲੋਂ ਇਕ ਪ੍ਰੈਸ ਕਾਨਫਰੈਂਸ ਕਰਵਾਈ ਗਈ। ਜਿਸ ਵਿਚ ਉਹਨਾ ਦੱਸਿਆ ਕਿ ਸਾਨੂੰ ਬੜੀ ਖੁਸ਼ੀ ਹੈ ਕਿ  ਮਿਤੀ ੨੮ ਅਪ੍ਰੈਲ ੨੦੧੮ ਨੂੰ ਤੀਸਰਾ ਡਿਗਰੀ ਵੰਡ ਪ੍ਰੋਗਰਾਮ (ਕੋਨਵੋਕੈਸ਼ਨ) ਕਰਵਾਇਆ ਜਾਵੇਗਾ। ਇਸ ਮੌਕੇ ਸ. ਨਵਜੋਤ ਸਿੰਘ ਸਿੱਧੂ (Manister of Local Government, Tourism , Cultural Affairs & Museums of State of Punjab) ਅਤੇ ਪੰਜਾਬ ਅਤੇ ਹਿਮਾਚਲ ਪ੍ਰਦੇਸ਼ ਦੇ ਬਿਸ਼ਪ ਰੈਵ. ਡਾ. ਫਰੈਂਕੋ ਮੁਲੱਕਲ ਜੀ ਮੁੱਖ ਮਹਿਮਾਨ ਵਜੋਂ ਪਹੁੰਚਣਗੇ।ਇਹਨਾਂ ਤੋਂ ਇਲਾਵਾ ਜਲੰਧਰ ਦੇ ਮੇਅਰ ਸ਼੍ਰੀ ਜਗਦੀਸ਼ ਰਾਜਾ ਜੀ, ਸ਼੍ਰੀ ਰਾਜਿੰਦਰ ਬੇਰੀ (ਐਮ.ਐਲ.ਏ.) ਅਤੇ ਸ. ਪ੍ਰਗਟ ਸਿੰਘ ਜੀ (ਐਮ.ਐਲ.ਏ.), ਵੀ ਵਿਸ਼ੇਸ਼ ਤੌਰ 'ਤੇ ਪਹੁੰਚਣਗੇ।ਇਸ ਮੌਕੇ ਕਾਲਜ ਦੇ ਡਾਇਰੈਕਟਰ ਰੈਵ. ਫਾਦਰ ਪੀਟਰ ਜੀ, ਰੈਵ. ਫਾਦਰ ਜੋਂਸਨ ਜੀ, ਪ੍ਰਿਸੀਪਲ ਅਜੇ ਪਰਾਸ਼ਰ ਜੀ ਵੀ ਹਾਜਰ ਹੋਣਗੇ। ਇਸ ਮੌਕੇ ਲਗਭਗ ੨੦੦ ਵਿਦਿਆਰਥੀਆ ਨੂੰ ਡਿਗਰੀਆ ਵੰਡੀਆ ਜਾਣਗੀਆ।ਮਿਤੀ ੨੭ ਅਪ੍ਰੈਲ ੨੦੧੮ ਨੂੰ ਟ੍ਰਿਨਿਟੀ ਕਾਲਜ ਵਿਖੇ ਵੱਖ-ਵੱਖ ਵਿਭਾਗਾਂ ਦੇ ਵਿਦਿਆਰਥੀਆਂ ਦੀ (Alumni) ਅਲੂਮਨੀ ਮੀਟਿੰਗ ਵੀ ਕਰਵਾਈ ਜਾਵੇਗੀ।
ਟ੍ਰਿਨਿਟੀ ਕਾਲਜ ਉੱਤਰੀ ਭਾਰਤ ਦਾ ਇਕ ਅਜਿਹਾ ਚੈਰੀਟੇਬਲ ਕਾਲਜ ਹੈ ਜੋ ਗੁਰੂ ਗੋਬਿੰਦ ਸਿੰਘ ਐਵੀਨਿਊ ਚੁਗਿੱਟੀ  ਜਲੰਧਰ ਸ਼ਹਿਰ ਵਿੱਚ ਸਥਾਪਿਤ ਹੈ।ਇਹ ਕਾਲਜ ਪੰਜਾਬ ਅਤੇ ਪੰਜਾਬੋ ਬਾਹਰ ਦੇ ਸੂਬਿਆ ਦੇ ਆਰਥਿਕ ਪੱਖੋਂ ਕਮਜੋਰ, ਅਣਗੋਲੇ ਪਰ ਸਿੱਖਿਆ ਪੱਖੋਂ ਹੋਣਹਾਰ ਵਿਦਿਆਰਥੀਆਂ ਦੀ ਭਲਾਈ ਲਈ ਬਿਨ੍ਹਾਂ ਕਿਸੇ ਭੇਦਭਾਵ ਤੋਂ ਵਿਸ਼ੇਸ਼ ਤੌਰ ਤੇ ਯਤਨ ਕਰਦਾ ਹੈ। ਕਾਲਜ ਦੀ ਦ੍ਰਿਸ਼ਟੀ, ਕਾਰਜ ਉਦੇਸ਼ ਅਤੇ ਮੋਟੋ  “ਜੀਵਨ ਦੀਆਂ ਉੱਚਾਈਆਂ ਵੱਲ” ਹੈ ਜੋ ਹਰ ਵਿਦਿਆਰਥੀ ਨੂੰ ਅਗੇ ਵਧਣ, ਅਨੋਖੀ ਜ਼ਿੰਦਗੀ ਬਤੀਤ ਕਰਨ ਅਤੇ ਸਮਾਜਿਕ ਜਿੰਮੇਵਾਰੀ ਨੂੰ ਨਿਭਾਉਣ ਪ੍ਰਤੀ ਪ੍ਰੇਰਿਤ ਕਰਦਾ ਹੈ। ਕਾਲਜ ਦੇ ਹਰ ਵਿਦਿਆਰਥੀ ਨੂੰ ਆਪਣਾ ਉਦੇਸ਼ ਪ੍ਰਾਪਤ ਕਰਨ ਲਈ ਪ੍ਰੇਰਿਤ ਕੀਤਾ ਜਾਂਦਾ ਹੈ। ਸਿੱਖਿਆ ਦਾ ਵਿਸ਼ੇਸ਼ ਢੰਗ, ਨੈਤਿਕ ਕਦਰਾਂ ਕੀਮਤਾਂ ਦੀ ਸਿੱਖਿਆ, ਪਾਰਦਰਸ਼ੀ ਇਮਤਿਹਾਨ/ਨਿਰੀਖਣ, ਤੇਰਾਂ ਪ੍ਰਕਾਰ ਦੇ ਵਿਸ਼ੇਸ਼ ਵਜੀਫੇ, ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਆਦਿ ਵਰਗੀਆਂ ਵਿਸ਼ੇਸ਼ਤਾਵਾਂ ਇਸ ਕਾਲਜ ਨੂੰ ਦੂਸਰੇ ਕਾਲਜਾਂ ਤੋਂ ਵੱਖਰਤਾ ਪ੍ਰਦਾਨ ਕਰਦੇ ਹਨ।
Read More

ਕਰਾਟੇ ਚੈਂਪਿਅਨਸ਼ਿਪ ਵਿੱਚ ਲਗਾਤਾਰ ਨਾਮ ਚਮਕਾਉਂਦੀ ਆ ਰਹੀ ਸੇਂਟ ਸੋਲਜਰ ਵਿਦਿਆਰਥਣ ਸਨਮਾਨਿਤ

7:27:00 pm 0
ਜਲੰਧਰ 26 ਅਪ੍ਰੈਲ (ਜਸਵਿੰਦਰ ਆਜ਼ਾਦ)- ਪਹਿਲਾ ਜਲੰਧਰ ਸਕੂਲ ਕਰਾਟੇ ਚੈਂਪਿਅਨਸ਼ਿਪ 2017 ਵਿੱਚ ਗੋਲਡ, ਦੂਸਰੀ ਜਲੰਧਰ ਵੁਸ਼ੁ ਚੈਂਪਿਅਨਸ਼ਿਪ 2017 -18 ਵਿੱਚ ਗੋਲਡ ਮੈਡਲ, 20ਵੀਂ ਸਭ ਜੂਨਿਅਰ ਪੰਜਾਬ ਸਟੇਟ ਵੁਸ਼ੁ ਚੈਂਪਿਅਨਸ਼ਿਪ 2017 ਵਿੱਚ ਬਰੋਂਜ ਅਤੇ ਹਾਲ ਹੀ ਵਿੱਚ ਅਠਵੇਂ ਸਾਉਸ ਏਸ਼ਿਆ ਹਾਕੁਕਾਈ ਕਰਾਟੇ ਚੈਂਪਿਅਨਸ਼ਿਪ 2018 ਵਿੱਚ ਤੀਸਰਾ ਸਥਾਨ ਪ੍ਰਾਪਤ ਕਰ ਸੇਂਟ ਸੋਲਜਰ ਡਿਵਾਇਨ ਪਬਲਿਕ ਸਕੂਲ ਲੰਬਾਪਿੰਡ ਵਿਦਿਆਰਥਣ ਸੁਰੈਇਆ ਸਿੰਘ ਬਖਸ਼ੀ ਨੇ ਸੰਸਥਾ ਅਤੇ ਮਾਪਿਆ ਦਾ ਨਾਮ ਰੌਸ਼ਨ ਕੀਤਾ। ਚੇਅਰਮੈਨ ਅਨਿਲ ਚੋਪੜਾ, ਵਾਇਸ ਚੇਅਰਪਰਸਨ ਸ਼੍ਰੀਮਤੀ ਸੰਗੀਤਾ ਚੋਪੜਾ ਨੇ ਵਿਦਿਆਰਥਣ ਨੂੰ ਸਨਮਾਨਿਤ ਕਰਦੇ ਹੋਏ ਪ੍ਰਿੰਸੀਪਲ ਸ਼੍ਰੀ ਯਸ਼ਪਾਲ ਸ਼ਰਮਾ ਅਤੇ ਮਾਪਿਆਂ ਨੂੰ ਵਧਾਈ ਦਿੰਦੇ ਹੋਏ ਭਵਿੱਖ ਲਈ ਸ਼ੁਭ ਕਾਮਨਾਵਾਂ ਦਿੱਤੀਆਂ ਅਤੇ ਕਿਹਾ ਕਿ ਵਿਦਿਆਰਥਣਾਂ ਨੇ ਮੈਡਲ ਪ੍ਰਾਪਤ ਕਰ ਆਪਣੇ ਮਾਪਿਆਂ, ਸੰਸਥਾ ਦਾ ਨਾਮ ਚਮਕਾਇਆ ਹੈ ਅਤੇ ਇੰਨੀ ਛੋਟੀ ਉਮਰ ਵਿੱਚ ਇੱਕ ਵੱਡੀ ਅਚੀਵਮੇਂਟ ਪ੍ਰਾਪਤ ਕੀਤੀ ਹੈ। ਉਨ੍ਹਾਂਨੇ ਵਿਦਿਆਰਥਣ ਨੂੰ ਹੋਰ ਵੀ ਮਿਹਨਤ ਕਰ ਅੱਗੇ ਵਧਣ ਨੂੰ ਪ੍ਰੇਰਿਤ ਕੀਤਾ ਅਤੇ ਭਰੋਸਾ ਦਿੱਤਾ ਕਿ ਸੇਂਟ ਸੋਲਜਰ ਹਮੇਸ਼ਾ ਉਸਦੇ ਨਾਲ ਹੈ। ਚੇਅਰਮੈਨ ਸ਼੍ਰੀ ਚੋਪੜਾ ਨੇ ਵਿਦਿਆਰਥਣ ਨੂੰ ਫੀਸ ਦੀ 50% ਸਕਾਲਰਸ਼ਿਪ ਦਿੰਦੇ ਹੋਏ ਭਰੋਸਾ ਦਿੱਤਾ ਕਿ ਭਵਿੱਖ ਵਿੱਚ ਵਿਦਿਆਰਥਣ ਨੂੰ ਸੇਂਟ ਸੋਲਜਰ ਵਲੋਂ ਸੁਵਿਧਾਵਾਂ ਪ੍ਰਦਾਨ ਕੀਤੀਆਂ ਜਾਣਗੀਆਂ। ਵਾਇਸ ਚੇਅਰਪਰਸਨ ਸ਼੍ਰੀਮਤੀ ਚੋਪੜਾ ਨੇ ਦੱਸਿਆ ਕਿ ਵਿਦਿਆਰਥਣ ਸੁਰੈਇਆ ਹੁਣ ਸੰਸਥਾ ਦੇ ਨਾਮ ਨਾਲ ਦੇਸ਼ ਦਾ ਨਾਮ ਚਮਕਾਉਣ ਲਈ ਜਾਪਾਨ ਵਿੱਚ ਅਗਲਾ ਮੈਚ ਖੇਡਣ ਜਾ ਰਹੀ ਹੈ।
Read More

ਅਮਰਦੀਪ ਸਿੰਘ ਸ਼ੇਰਗਿੱਲ ਮੈਮੋਰੀਅਲ ਕਾਲਜ ਦਾ ਪੀ.ਜੀ.ਡੀ.ਬੀ.ਐੱਮ. ਦਾ ਨਤੀਜਾ ਸੌ ਪ੍ਰਤੀਸ਼ਤ ਰਿਹਾ

7:24:00 pm 0
ਜਲੰਧਰ 26 ਅਪ੍ਰੈਲ (ਜਸਵਿੰਦਰ ਆਜ਼ਾਦ)- ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵੱਲੋਂ ਐਲਾਨੇ ਗਏ ਪੋਸਟ ਗਰੈਜੂਏਟ ਡਿਪਲੋਮਾ ਇਨ ਬਿਜ਼ਨੈੱਸ ਮੈਨੇਜਮੈਂਟ ਸਮੈਸਟਰ ਪਹਿਲਾ ਦੇ ਨਤੀਜਿਆਂ ਵਿੱਚ ਅਮਰਦੀਪ ਸਿੰਘ ਸ਼ੇਰਗਿੱਲ ਮੈਮੋਰੀਅਲ ਕਾਲਜ ਦਾ ਨਤੀਜਾ 100 ਪ੍ਰਤੀਸ਼ਤ ਰਿਹਾ ਜੋ ਕਿ ਜਿਲ੍ਹੇ ਭਰ ਵਿੱਚ ਉੱਤਮ ਰਿਹਾ। ਐਲਾਨੇ ਗਏ ਨਤੀਜਿਆਂ ਵਿੱਚ ਵਿਦਿਆਰਥਣ ਸਤਿੰਦਰਜੀਤ ਕੌਰ ਸਪੁੱਤਰੀ ਸ. ਸੁਖਵਿੰਦਰ ਸਿੰਘ ਵਾਸੀ ਕੰਗ ਜਗੀਰ ਨੇ 64.6 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕਰਕੇ ਕਾਲਜ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਇਸੇ ਤਰ੍ਹਾਂ ਜਸਪ੍ਰੀਤ ਕੌਰ ਸਪੁੱਤਰੀ ਸ. ਜਸਵਿੰਦਰ ਸਿੰਘ ਵਾਸੀ ਸਰਹਾਲ ਕਾਜੀਆਂ ਨੇ 62.3 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕਰਕੇ ਕਾਲਜ ਵਿੱਚ ਦੂਸਰਾ ਸਥਾਨ ਹਾਸਲ ਕੀਤਾ ਅਤੇ ਰਾਜਦੀਪ ਸਿੰਘ ਸਪੁੱਤਰ ਸ. ਤੀਰਥ ਸਿੰਘ ਵਾਸੀ ਬਾਂਸੀਆਂ ਢੱਕ ਨੇ 59.6 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕਰਕੇ ਕਾਲਜ ਵਿੱਚ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਇਸ ਸ਼ਾਨਦਾਰ ਪ੍ਰਾਪਤੀ ਤੇ ਕਾਲਜ ਪ੍ਰਿੰਸੀਪਲ ਡਾ. ਗੁਰਜੰਟ ਸਿੰਘ ਨੇ ਕਾਮਰਸ ਅਤੇ ਮੈਨੇਜ਼ਮੈਂਟ ਵਿਭਾਗ ਦੇ ਮੁਖੀ ਡਾ. ਕਰਮਜੀਤ ਕੌਰ ਅਤੇ ਸਾਰੇ ਪ੍ਰਾਧਿਆਪਕਾਂ ਨੂੰ ਵਧਾਈ ਦਿੱਤੀ ਅਤੇ ਵਿਦਿਆਰਥੀਆਂ ਨੂੰ ਹੋਰ ਮਿਹਨਤ ਕਰਨ ਲਈ ਪ੍ਰੇਰਿਆ। ਕਾਲਜ ਦੇ ਬਾਨੀ ਚੇਅਰਮੈਨ ਸ. ਗੁਰਚਰਨ ਸਿੰਘ ਸ਼ੇਰਗਿੱਲ ਅਤੇ ਸ. ਸੁਰਿੰਦਰ ਸਿੰਘ ਢੀਂਡਸਾ ਨੇ ਸਮੂਹ ਕਾਮਰਸ ਅਤੇ ਮੈਨੇਜ਼ਮੈਂਟ ਵਿਭਾਗ ਨੂੰ ਮੁਬਾਰਕਬਾਦ ਦਿੰਦਿਆਂ ਉਨ੍ਹਾਂ ਦੀ ਸ਼ਲਾਘਾ ਕੀਤੀ।

Read More

Wednesday, 25 April 2018

ਸੇਂਟ ਸੋਲਜਰ ਦਾਨਿਸ਼ਮੰਦਾ ਵਿੱਚ ਫੇਅਰਵੈੱਲ ਪਾਰਟੀ, ਸਤਵਿੰਦਰ ਮਿਸਟਰ ਅਤੇ ਹਰਸਿਮਰਨ ਬਣੀ ਮਿਸ ਫੇਅਰਵੈੱਲ

10:04:00 pm 0
ਜਲੰਧਰ 25 ਅਪ੍ਰੈਲ (ਗੁਰਕੀਰਤ ਸਿੰਘ)- ਜਲੰਧਰ, 25 ਅਪ੍ਰੈਲ:- ਸੇਂਟ ਸੋਲਜਰ ਕਾਲਜ ਬਸਤੀ ਦਾਨਿਸ਼ਮੰਦਾ ਵਲੋਂ ਬੀ.ਏ, ਬੀ.ਕਾਮ, ਬੀ.ਸੀ.ਏ, ਬੀ.ਬੀ.ਏ, ਬੀ.ਐਸ.ਸੀ, ਐਮ.ਐਸ.ਸੀ, ਪੀ.ਜੀ.ਡੀ.ਸੀ.ਏ ਦੇ ਫਾਇਨਲ ਯੀਅਰ ਦੇ ਵਿਦਿਆਰਥੀਆਂ ਲਈ ਜਾਂਦੇ ਕਦਮਾਂ ਦੀ ਸਾਂਝ ਫੇਅਰਵੈੱਲ ਪਾਰਟੀ ਦਾ ਪ੍ਰਬੰਧ ਕੀਤਾ ਗਿਆ ਜਿਸ ਵਿੱਚ ਡਾਇਰੈਕਟਰ ਡਾ. ਕੇ.ਕੇ ਚਾਵਲਾ ਮੁੱਖ ਮਹਿਮਾਨ ਦੇ ਰੂਪ ਵਿੱਚ ਮੌਜੂਦ ਹੋਏ ਜਿਨ੍ਹਾਂ ਦਾ ਸਵਾਗਤ ਵਿਦਿਆਰਥੀਆਂ ਅਤੇ ਸਟਾਫ ਮੈਂਬਰਜ਼ ਵਲੋਂ ਕੀਤਾ ਗਿਆ। ਪ੍ਰੋਗਰਾਮ ਦੀ ਸ਼ੂਰੁਆਤ ਸ਼ਮ੍ਹਾਂ ਰੌਸ਼ਨ ਕਰਦੇ ਹੋਏ ਕੀਤੀ ਗਈ। ਆਪਣੇ ਸੀਨਿਅਰਜ਼ ਨੂੰ ਅਲਵਿਦਾ ਕਹਿੰਦੇ ਹੋਏ ਵਿਦਿਆਰਥੀਆਂ ਵਲੋਂ ਡਾਂਸ, ਸਕਿੱਟ, ਗੀਤ ਆਦਿ ਪੇਸ਼ ਕੀਤੇ ਗਏ ਅਤੇ ਸੀਨਿਅਰਜ਼ ਵਿਦਿਆਰਥੀਆਂ ਲਈ ਮਾਡਲਿੰਗ ਅਤੇ ਮਨੋਰੰਜਕ ਗੇਮਸ ਦਾ ਪ੍ਰਬੰਧ ਕੀਤਾ ਗਿਆ। ਕਾਲਜ ਵਿੱਚ ਚੰਗੀ ਪ੍ਰਫਾਰਮੈਂਸ ਨੂੰ ਦੇਖਦੇ ਹੋਏ ਸਤਵਿੰਦਰ ਸਿੰਘ ਨੂੰ ਮਿਸਟਰ ਫੇਅਰਵੈੱਲ, ਹਰਸਿਮਰਨ ਨੂੰ ਮਿਸ ਫੇਅਰਵੈੱਲ, ਕਮਲਜੀਤ ਨੂੰ ਮਿਸਟਰ ਹੈਂਡਸਮ, ਸ਼ੀਨਾ ਨੂੰ ਮਿਸ ਚਾਰਮਿੰਗ ਚੁਣਿਆ ਗਿਆ। ਡਾਇਰੈਕਟਰ ਡਾ.ਕੇ.ਕੇ ਚਾਵਲਾ ਵਲੋਂ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕਰਦੇ ਹੋਏ ਉਨ੍ਹਾਂ ਦੇ ਉੱਜਵਲ ਭਵਿੱਖ ਲਈ ਕਾਮਨਾ ਕੀਤੀ ਗਈ।
Read More

ਕਹਾਣੀ (ਕੋਮਲ ਕਲੀਆਂ)

11:08:00 am 0
ਪਵਿੱਤਰ ਸਿੰਘ ਮੇਰਾ ਬਚਪਨ ਦਾ ਸਾਥੀ ਜ਼ੋ ਕਿ ਜੁੱਸੇ ਤੋਂ ਵੀ ਤਕੜਾ ਸੀ ਤੇ ਉੇਸ ਦੀ ਪਤਨੀ ਵੀ ਪੜੀ ਲਿਖੀ ਸੀ। ਅਚਾਨਕ ਤਿੰਨ ਕੁ ਵਰੇ ਪਹਿਲਾਂ ਮੇਰੇ ਘਰੇ ਆਇਆ ਤੇ ਅੰਦਰ ਆਉਣ ਤੇ ਇੱਕ ਮਿਠਾਈ ਦਾ ਡੱਬਾ ਅਤੇ ਨਾਲ ਕਾਰਡ ਮੇਰੇ ਘਰ ਵਾਲੀ ਨੂੰ ਫੜਾਇਆ ਏਨੇਵਿੱਚ ਉਸ ਮੇਰੇ ਘਰ ਵਾਲੀ ਨੇ ਇਸ ਕਾਰਡ ਵੰਡਣ ਦਾ ਸਬੱਬ ਪੁੱਛਿਆ ਤਾਂ ਪਵਿੱਤਰ ਸਿੰਘ ਨੇ ਕਿਹਾ “ਸਾਡੇ ਬੇਟੀ ਹੋਈ ਹੈ ਉਸ ਦੀ ਲੋਹੜੀ ਪਾਉਣੀ ਹੈ ਤੇ ਤੁਸੀਂ ਵੀ ਜਰੂਰੀ ਆਉਣਾ” ਚਾਹ ਪਾਣੀ ਨੂੰ ਜ਼ੋਰ ਲਾਇਆ ਤਾਂ ਆਪਣੇ ਰੋਝਵੇਂ ਦੱਸਦੇ ਹੋਏ ਚੱਲੇ ਗਏ ਤੇ ਜਾਂਦੇ ਹੋ ਮਾਤਾ ਜੀ ਨੂੰ ਵੀ ਪ੍ਰੋਗਰਾਮ ਤੇ ਆਉਣ ਦੀ ਤਕੀਦ ਕਰ ਗਏ।
ਉਹਨਾਂ ਦੇ ਜਾਣ ਉਪਰੰਤ ਮੇਰੀ ਮਾਤਾ ਬੋਲਣ ਲੱਗੀ “ਫੋਟ ਭਲਾ ਲੋਕਾਂ ਦੀ ਤਾਂ ਮੱਤ ਹੀ ਮਾਰੀ ਗਈ ਐ, ਕੁੜੀਆਂ ਦੀ ਲੋਹੜੀ ਪਾਉਂਦਾ ਅੱਜ ਤੱਕ ਕੋਈ ਸੁਣਇਆ ਨਹੀਂ ਕਦੇ, ਕਮਲੇ ਹੋ ਗਏ ਨੇ ਭਾਈ ਸਭ” ਮੈਂ ਕਿਹਾ “ਬੇਬੇ ਹੁਣ ਜਮਾਨਾ ਬਦਲ ਗਿਆ ਹੈ ਕੁੜੀਆਂ ਮੁੰਡਿਆਂਵਿੱਚ ਕੋਈ ਫ਼ਰਕ ਨਹੀਂ ਰਿਹਾ ਲੋਕ ਤਰੱਕੀ ਗਏ ਨੇ” ਮਾਤਾ ਜੀ ਕਹਿਣ ਲੱਗੇ “ਚੰਗਾ ਭਾਈ ਜਿਉਂ ਤੁਹਾਨੂੰ ਠੀਕ ਜਾਪਦਾ ਹੈ”
ਫੰਕਸ਼ਨ ਵਾਲੇ ਦਿਨ ਅਸੀਂ ਆਪਣੇ ਨਿਸ਼ਚਿਤ ਸਮੇਂ ਤੇ ਗਏ ਬਣਦਾ ਸ਼ਗਨ ਵਿਹਾਰ ਕੀਤਾ ਤੇ ਪਵਿੱਤਰ ਸਿੰਘ ਤੇ ਉਸ ਦੀ ਪਤਨੀ ਜ਼ਸਨੀਤ ਬੇਟੀ ਨੂੰ ਆਪਣੀ ਗੋਦੀ ਵਿੱਚ ਚੁੱਕਿਆ ਬੜੀ ਖੁੱਸ਼ੀ ਵਿੱਚ ਸਾਰਿਆ ਦੀ ਆਓ ਭਗਤ ਕਰ ਰਹੇ ਸਨ ਤੇ ਪ੍ਰੋਗਰਾਮ ਵੀ ਵਧੀਆ ਲੱਗਾ ਜਿਸ ਦੀ ਖ਼ਾਸ ਗੱਲ ਇਹ ਸੀ ਕਿ ਇਕ ਲੜਕੀ ਦੀ ਅੱਜ ਲੋਹੜੀ ਪਾਈ ਜਾ ਰਹੀ ਹੈ ਇਹੋ ਗੱਲ ਦਿਲ ਨੂੰ ਟੁੰਬ ਰਹੀ ਸੀ।
ਅੱਜ ਮੈਂ ਕਿਸੇ ਕੰਮ ਲਈ ਸਰਕਾਰੀ ਦਫ਼ਤਰ ਵਿਖੇ ਗਿਆ ਤਾਂ ਵੇਖਿਆ ਸਾਹਮਣੇ ਪਵਿੱਤਰ ਸਿੰਘ ਆਪਣੇ ਪਰਿਵਾਰ ਨਾਲ ਆ ਰਿਹਾ ਸੀ ।ਰਾਜ਼ੀ ਖੁੱਸ਼ੀ ਪੁੱਛਿਆ ਤੇ ਜਿਸ ਲੜਕੀ ਦੀ ਲੋਹੜੀ ਪਾਈ ਸੀ ਉਹ ਵੀ ਹੁਣ ਤਕੜੀ ਹੋ ਗਈ ਸੀ। ਮੈਂ ਉਸ ਦਾ ਸਿਰ ਪਲੋਸਿਆ ਤੇ ਉਸ ਨੇ ਵੀ ਨਿੱਕੇ ਜਿਹੇ ਹੱਥ ਜੋੜ ਕੇ ਬੜੇ ਹੀ ਅਦਬ ਨਾਲ ਮੈਨੂੰ ਅੰਕਲ ਜੀ ਆਖ ਕੇ ਬੁਲਾਇਆ। “ਪਵਿੱਤਰ ਸਿੰਹਾਂ ਅੱਜ ਕਿੱਧਰ ਸਰਕਾਰੀ ਦਫ਼ਤਰਾਂਵਿੱਚ ਫਿਰਦੇ ਹੋ ਸੁੱਖ ਤਾਂ ਹੈ” ਮੇਰੀ ਗੱਲ ਸੁਣਦੇ ਹੀ ਉਹ ਬੋਲ ਪਿਆ “ਮੈਂ ਆਪਣੇ ਪਰਿਵਾਰ ਦੀ ਸੁਰੱਖਿਆ ਲਈ ਕਿਸੇ ਹਥਿਆਰ ਦਾ ਲਾਇਸੰਸ ਅਪਲਾਈ ਕਰਨ ਦੀ ਸੋਚ ਨਾਲ ਆਇਆ ਹਾਂ” ਮੈਂ ਕਿਹਾ “ਤੁਹਾਨੂੰ ਕਿੱਥੇ ਲੋੜ ਪੈ ਗਈ ਹੈ ਨਾ ਤਾਂ ਤੁਹਾਡੀ ਕਿਸੇ ਨਾਲ ਦੁਸਮਣੀ ਹੈ ” ਮੇਰੀ ਗੱਲ ਸੁਣਦੇ ਹੀ ਪਵਿੱਤਰ ਸਿੰਘ ਨੇ ਟੋਕ ਕੇ ਕਿਹਾ “ਤੁੰ ਕਿਸ ਦੀਨ ਦੁਨੀਆਂ ਵਿੱਚ ਰਹਿੰਦਾ ਹੈਂ, ਅੱਜ ਕੱਲ ਦੁਸਮਣ ਭਾਵੇਂ ਘੱਟ ਹਨ ਅਤੇ ਕੁੱਝ ਕੁ ਲੋਕਾਂ ਵਿੱਚੋਂ ਇਨਸਾਨੀਅਤ ਵੀ ਖੰਭ ਲਾ ਕੇ ਉਡ ਗਈ ਹੈ ਹੁਣ ਤਾਂ ਦਰਿੰਦਗੀ ਤੇ ਵਹਿਸ਼ੀਪੁਣਾ ਵੱਧ ਗਿਆ ਇੱਥੋਂ ਤੱਕ ਕਿ ਕਈ ਨੰਨੀਆਂ ਬੱਚੀਆਂ ਨੂੰ ਵੀ ਬੇਦਰਦੀ ਨਾਲ ਆਪਣੀ ਹਵਸ ਦਾ ਸ਼ਿਕਾਰ ਬਣਾ ਰਹੇ ਹਨ ਤੂੰ ਲਗਦਾ ਕਦੇ ਅਖ਼ਬਾਰ ਨਹੀਂ ਪੜੀ ”  ਪਵਿੱਤਰ ਸਿੰਘ ਭਾਵਕ ਜਿਹਾ ਹੋ ਕੇ ਕਹਿਣ ਲੱਗਾ “ਯਾਰਾ ਫੇਰ ਅਜ਼ਹਾਰ ਕੀਤੇ ਰੋਸਾਂ ਦਾ ਕੀ ਫਾਇਦਾ ਇਸ ਲਈ ਜਿੰਨਾ ਚਿਰ ਆਪਣਾ ਸਾਹ ਹੈ, ਉਨ੍ਹਾਂ ਚਿਰ ਇੱਕ ਗਾਰਡ ਵਾਂਗ ਆਪਣੀ ਧੀ ਅਤੇ ਜਿੱਥੋਂ ਤੱਕ ਬਾਕੀ ਧੀਆਂ ਦੀ ਰੱਖਿਆ ਵੀ ਕਰਾਂਗਾ ਤੇ ਮਾੜੀਆਂ ਨਜ਼ਰ ਨਾਲ ਦੇਖਣ ਵਾਲਿਆਂ ਤੋਂ ਜਿੰਨੀ ਕੁ ਹੋ ਸਕੀ ਰੱਖਿਆ ਕਰਾਂਗਾ ਕਿਉਂਕਿ ਅੱਜ ਕੱਲ ਬੱਚੀਆ ਅਸਰੁਖਿਅੱਤ ਹਨ ਇਸ ਲਈ ਸਾਨੂੰ ਖੁੱਦ ਅਤੇ ਸਮਾਜ ਨੂੰ ਜਾਗਰੂਕ ਹੋ ਕੇ ਇਨ੍ਹਾਂ ਦੀ ਰੱਖਿਆ ਲਈ ਤੱਤਪਰ ਰਹਿਣਾ ਚਾਹੀਦਾ ਹੈ” ਉਸ ਦੀਆਂ ਗੱਲਾਂ ਸੁਣ ਕੇ ਮੇਰੇ ਜਿਹਨ ਵਿੱਚ ਪਿਛਲੇ ਦਿਨੀ ਹਵਸ ਦਾ ਸ਼ਿਕਾਰ ਹੋਈਆਂ ਕੋਮਲ ਕਲੀਆਂ ਦੀ ਯਾਦ ਆਉਂਦੇ ਸਾਰ ਹੀ ਅੱਖਾਂ ਵਿੱਚ ਨਮੀ ਆ ਗਈ ਤੇ ਪਵਿੱਤਰ ਸਿੰਘ ਦੇ ਹੋਸਲੇਂ ਦੀ ਦਾਦ ਦਿੰਦੇ ਹੋਏ ਉਸ ਦੇ ਮੋਢੇ ਤੇ ਹੱਥ ਰੱਖ ਕੇ ਬਿਨਾਂ ਕੁੱਝ ਬੋਲੇ ਹੀ ਮੈਂ ਅਗਾਂਹ ਨੂੰ ਤੁਰ ਪਿਆ।  
-ਵਿਨੋਦ ਕੁਮਾਰ, ਸਟੇਟ ਐਵਾਰਡੀ, ਆਰੀਆ ਨਗਰ, ਕਰਤਾਰਪੁਰ (ਜਲੰਧਰ), ਮੋ. 098721 97326

Read More

ਸਰਕਾਰੀ ਸਕੂਲ ਰਾਜਗੜ੍ਹ ਕੁੱਬੇ ਦੀ ਰਮਨਦੀਪ ਕੌਰ ਨੇ ਬਾਰਵੀਂ 'ਚੋਂ ਮਾਰੀ ਬਾਜ਼ੀ

9:53:00 am 0
ਤਲਵੰਡੀ ਸਾਬੋ, 24 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਰਾਜਗੜ੍ਹ ਕੁੱਬੇ ਦਾ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋਂ ਬਾਰਵੀਂ ਦਾ ਨਤੀਜਾ ਐਲਾਨਿਆ ਗਿਆ ਜੋ ਕਿ ਬਹੁਤ ਹੀ ਸ਼ਾਨਦਾਰ ਰਿਹਾ। ਕਾਲਜ ਵਿੱਚ ਚੱਲ ਰਹੇ ਕਾਮਰਸ, ਸਾਇੰਸ ਅਤੇ ਆਰਟਸ ਕੋਰਸ ਦਾ ਨਤੀਜਾ 100% ਰਿਹਾ ਅਤੇ ਰਮਨਦੀਪ ਕੌਰ ਪੁੱਤਰੀ ਗੁਰਦੀਪ ਸਿੰਘ 367/450 (87.55%) ਅੰਕ ਲੈ ਕੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ।
ਸਕੂਲ ਪ੍ਰਿੰਸੀਪਲ ਸ. ਜਗਸੀਰ ਸਿੰਘ ਨੇ ਸਟਾਫ ਨੂੰ ਵਧਾਈ ਦਿੱਤੀ ਅਤੇ ਬੱਚਿਆਂ ਨੂੰ ਆਸ਼ੀਰਵਾਦ ਦਿੰਦਿਆਂ ਭਵਿੱਖ ਲਈ ਸ਼ੁਭ ਕਾਮਨਾਵਾਂ ਅਤੇ ਹੋਰ ਮਿਹਨਤ ਕਰਕੇ ਬੁਲੰਦੀਆਂ ਨੂੰ ਛੂਹਣ ਲਈ ਪ੍ਰੇਰਿਤ ਕੀਤਾ ਤਾਂ ਜੋ ਕਿ ਆਪਣੇ ਮਾਪਿਆਂ ਅਤੇ ਸੰਸਥਾ ਦਾ ਨਾਮ ਹੋਰ ਰੌਸ਼ਨ ਕਰਨ। ਇਸ ਮੌਕੇ ਸ. ਬਲਵੰਤ ਸਿੰਘ ਲੈਕਚਰਾਰ, ਉਰਮਲਜੀਤ ਕੌਰ ਮਾਨ, ਕੌਸਮ ਵਰਮਾ, ਸੁਮਨ ਰਾਣੀ, ਗੁਰਮੇਲ ਕੌਰ ਅਤੇ ਅੰਮ੍ਰਿਤਪਾਲ ਕੌਰ ਤੋਂ ਇਲਾਵਾ ਸਮੁੱਚਾ ਸਟਾਫ ਹਾਜ਼ਰ ਸਨ।
Read More

117 ਸਾਲ ਦੀ ਬੇਬੇ ਭਗਵਾਨ ਕੌਰ ਦੇ ਦੇਹਾਂਤ ਨਾਲ ਫੈਲੀ ਸੋਗ ਦੀ ਲਹਿਰ

9:52:00 am 0
ਤਲਵੰਡੀ ਸਾਬੋ, 24 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਸਬ ਡਵੀਜਨ ਤਲਵੰਡੀ ਸਾਬੋ ਦੇ ਪਿੰਡ ਜੀਵਨ ਸਿੰਘ ਵਾਲਾ ਦੀ ਸਮੁੱਚੇ ਇਲਾਕੇ ਅੰਦਰ ਸਭ ਤੋਂ ਬਜੁਰਗ ਉਮਰ ਦੀ ਮੰਨੀ ਜਾਂਦੀ  ਬੇਬੇ ਭਗਵਾਨ ਕੌਰ 117 ਸਾਲ ਦੀ ਉਮਰ ਭੋਗ ਕੇ ਆਖਰ ਇਸ ਫਾਨੀ ਸੰਸਾਰ ਨੂੰ ਬੀਤੇ ਦਿਨ ਅਲਵਿਦਾ ਕਹਿ ਗਏ। ਸਭ ਤੋਂ ਬਜੁਰਗ ਉਮਰ ਦੀ ਬੇਬੇ ਭਗਵਾਨ ਕੌਰ ਦੇ ਦੇਹਾਂਤ ਨਾਲ ਇਲਾਕੇ ਅੰਦਰ ਸੋਗ ਦੀ ਲਹਿਰ ਪਾਈ ਜਾ ਰਹੀ ਹੈ।
ਸਰਬੱਤ ਖਾਲਸਾ ਜਥੇਦਾਰ ਭਾਈ ਬਲਜੀਤ ਸਿੰਘ ਦਾਦੂਵਾਲ ਦੇ ਸੇਵਾਦਾਰ ਅਤੇ ਬੇਬੇ ਭਗਵਾਨ ਕੌਰ ਦੇ ਪੋਤਰੇ ਭਾਈ ਸੁਖਪਾਲ ਸਿੰਘ ਨੇ ਦੱਸਿਆ ਕਿ ਭਾਵੇਂ ਬੇਬੇ ਭਗਵਾਨ ਕੌਰ ਦੀ ਉਮਰ ਨੂੰ ਤਸਦੀਕ ਕਰਦਾ ਕੋਈ ਜਨਮ ਸਰਟੀਫਿਕੇਟ ਤਾਂ ਪਰਿਵਾਰ ਕੋਲ ਨਹੀਂ ਹੈ ਪ੍ਰੰਤੂ ਬੇਬੇ ਜੀ ਦੇ ਆਪਣੇ ਦੱਸਣ ਅਨੁਸਾਰ ਉਨ੍ਹਾਂ ਦਾ ਜਨਮ 1901 ਵਿੱਚ ਹੋਇਆ ਸੀ ਤੇ ਉਨਾਂ ਨੇ ਆਪਣੇ ਜੀਵਨ ਕਾਲ ਵਿੱਚ ਦੇਸ਼ ਵਿੱਚ ਅੰਗਰੇਜੀ ਰਾਜ ਤੇ ਫਿਰ 1947 ਵਿੱਚ ਦੇਸ਼ ਦੀ ਆਜਾਦੀ ਤੇ ਆਜਾਦੀ ਮੌਕੇ ਬਣੇ ਦਹਿਸ਼ਤਜਦਾ ਮਾਹੌਲ ਤੋਂ ਲੈ ਕੇ 1984 ਤੋਂ ਬਾਅਦ ਦੇ ਪੰਜਾਬ ਦੇ ਕਾਲੇ ਦੌਰ ਦੇ ਸਮੇਂ ਨੂੰ ਅੱਖੀਂ ਦੇਖਿਆ ਤੇ ਸੁਖਪਾਲ ਸਿੰਘ ਅਨੁਸਾਰ ਉਹ ਕਈ ਵਾਰ ਛੋਟੇ ਬੱਚਿਆਂ ਨੂੰ ਉਕਤ ਸਮੇਂ ਦੀਆਂ ਕਹਾਣੀਆਂ ਸੁਣਾਉਂਦੇ ਰਹਿੰਦੇ ਸਨ। ਇੱਥੇ ਜ਼ਿਕਰਯੋਗ ਹੈ ਕਿ ਬੇਬੇ ਭਗਵਾਨ ਕੌਰ ਦੇ ਇੱਕ ਪੁੱਤਰ ਰੂੜ ਸਿੰਘ ਤੇ ਤਿੰਨ ਪੋਤਰੇ ਜਲੌਰ ਸਿੰਘ, ਇਕਬਾਲ ਸਿੰਘ, ਸੁਖਪਾਲ ਸਿੰਘ ਹਨ। ਖੇਤਰ ਦੀ ਸਭ ਤੋਂ ਬਜੁਰਗ ਔਰਤਾਂ ਵਿੱਚ ਮੰਨੇ ਜਾਂਦੇ ਬੇਬੇ ਭਗਵਾਨ ਕੌਰ ਦੇ ਅਕਾਲ ਚਲਾਣਾ ਕਰ ਜਾਣ ਨਾਲ ਆਪਣੇ ਅੰਦਰ ਇਤਿਹਾਸ ਦਾ ਅਮੁੱਲ ਵਿਰਸਾ ਸਮੋਈ ਬੈਠੀ ਇੱਕ ਔਰਤ ਸਮਾਜ ਨੇ ਗੁਆ ਲਈ ਹੈ।
Read More

ਗੁਰੂ ਕਾਸ਼ੀ ਸਕੂਲ ਮਲਕਾਣਾ ਵਿਖੇ ਪੌਦੇ ਲਾ ਕੇ ਮਨਾਇਆ ਬੱਚੇ ਦਾ ਜਨਮ

9:50:00 am 0
ਤਲਵੰਡੀ ਸਾਬੋ, 24 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਨਜ਼ਦੀਕੀ ਪਿੰਡ ਮਲਕਾਣਾ ਵਿਖੇ ਪਿਛਲੇ ਸਾਲਾਂ ਤੋਂ ਚੱਲ ਰਹੇ ਗੁਰੂ ਕਾਸ਼ੀ ਪਬਲਿਕ ਸਕੂਲ ਵਿਖੇ ਵਾਤਾਵਰਨ ਦੀ ਸੰਭਾਲ ਸਬੰਧੀ ਬੱਚਿਆਂ ਦੇ ਜਨਮ ਦਿਨ ਪੌਦੇ ਲਾ ਕੇ ਮਨਾਉਣ ਦੀ ਇੱਕ ਵੱਖਰੀ ਪਿਰਤ ਪਾਈ ਜਾ ਰਹੀ ਹੈ। ਸਕੂਲ ਪ੍ਰਿੰਸੀਪਲ ਸ. ਜਗਜੀਵਨ ਸਿੰਘ ਸਿੱਧੂ ਨੇ ਦੱਸਿਆ ਕਿ ਉਹਨਾਂ ਦੇ ਸਟਾਫ ਅਤੇ ਬੱਚਿਆਂ ਨੇ ਦਿਨ ਪ੍ਰਤੀ ਦਿਨ ਦੂਸ਼ਿਤ ਹੋ ਰਹੇ ਵਾਤਾਵਰਨ ਨੂੰ ਬਚਾਉਣ ਦੇ ਉਪਰਾਲੇ ਤਹਿਤ ਬੱਚਿਆਂ ਦੇ ਜਨਮ ਦਿਨ ਮੌਕੇ ਬੂਟੇ ਲਗਾ ਕੇ ਮਨਾਏ ਜਾਂਦੇ ਹਨ। ਸੁਖਬੀਰ ਸਿੰਘ ਨਾਮ ਦੇ ਬੱਚੇ ਦੇ ਜਨਮ ਦਿਨ ਮੌਕੇ ਬੂਟਾ ਲਾਉਣ ਤੋਂ ਬਾਅਦ ਸ. ਸਿੱਧੂ ਨੇ ਸਮਾਜ ਅਤੇ ਵਾਤਾਵਰਨ ਪ੍ਰੇਮੀਆਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਸਾਨੂੰ ਗੰਦਲੇ ਹੋ ਰਹੇ ਵਾਤਾਵਰਨ ਨੂੰ ਬਚਾਉਣ ਲਈ ਅਜਿਹੇ ਸਾਰਥਕ ਉਪਰਾਲੇ ਕਰਨੇ ਚਾਹੀਦੇ ਹਨ ਤਾਂ ਹੀ ਅਸੀਂ ਲੰਬੀ ਜ਼ਿੰਦਗੀ ਜੀਅ ਸਕਦੇ ਹਾਂ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮੈਡਮ ਗੁਰਵੀਰ ਕੌਰ, ਰਜੀਨਾ, ਦੀਪਪਾਲ ਅਤੇ ਅੰੰਿਮ੍ਰਤ ਮਲਕਾਣਾ ਅਤੇ ਸਕੂਲ ਸਟਾਫ ਹਾਜ਼ਰ ਸੀ।
Read More

ਪਿੰਡ ਭੂੰਦੜ ਦੀ ਬੇਅਦਬੀ ਘਟਨਾ ਕਿਸੇ ਗਹਿਰੀ ਸਾਜਿਸ਼ ਦਾ ਹਿੱਸਾ- ਗਿਆਨੀ ਹਰਪ੍ਰੀਤ ਸਿੰਘ

9:49:00 am 0
ਤਲਵੰਡੀ ਸਾਬੋ, 24 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਪਿਛਲੇ ਦਿਨੀਂ ਪਿੰਡ ਭੂੰਦੜ ਦੇ ਗੁਰਦੁਆਰਾ ਸਾਹਿਬ ਵਿਖੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹੋਈ ਬੇਅਦਬੀ ਘਟਨਾ ਦੇ ਤਿੱਖਾ ਪ੍ਰਤੀਕਰਮ ਦਿੰਦਿਆਂ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਦੋਸ਼ੀਆਂ ਨੂੰ ਸਖਤ ਸਜਾਵਾਂ ਦੇਣ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਮਾਮਲਾ ਧਿਆਨ ਵਿੱਚ ਆਉਂਦਿਆਂ ਤੁਰੰਤ ਹੀ ਸ੍ਰੀ ਦਰਬਾਰ ਸਾਹਿਬ ਸ੍ਰੀ ਮੁਕਤਸਰ ਸਾਹਿਬ ਦੇ ਮੈਨੇਜਰ ਬਲਦੇਵ ਸਿੰਘ, ਐਡੀਸ਼ਨਲ ਮੈਨੇਜਰ ਮਨਿੰਦਰ ਸਿੰਘ, ਹੈੱਡ ਗ੍ਰੰਥੀ ਬਲਵਿੰਦਰ ਸਿੰਘ ਤੇ ਗ੍ਰੰਥੀ ਗੁਰਮੇਲ ਸਿੰਘ ਨੂੰ ਘਟਨਾ ਦਾ ਜਾਇਜ਼ਾ ਲੈਣ ਲਈ ਭੇਜਿਆ। ਜਾਇਜ਼ਾ ਲੈਣ ਉਪਰੰਤ ਉਹਨਾਂ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਿੰਡ ਦੀ ਸਪਨਾ ਰਾਣੀ ਨਾਮ ਦੀ ਔਰਤ, ਉਸਦੇ ਦਿਉਰ ਚਰਨਦਾਸ ਜੋ ਕਿ ਡੇਰਾ ਪ੍ਰੇਮੀ ਹੈ, ਦੇ ਉਕਸਾਉਣ 'ਤੇ ਗੁਰਦੁਆਰਾ ਸਾਹਿਬ ਵਿੱਚ ਦਾਖਲ ਹੋਈ ਅਤੇ ਇਸ ਘਿਨੌਣੀ ਅਤੇ ਨਿੰਦਣਯੋਗ ਘਟਨਾ ਨੁੂੰ ਅੰਜਾਮ ਦਿੱਤਾ। ਇਸ ਘਟਨਾ ਨੇ ਦੇਸ਼ ਵਿਦੇਸ਼ ਵਿੱਚ ਵਸਦੇ ਸਮੂਹ ਸਿੱਖ ਪੰਥ ਦੇ ਹਿਰਦਿਆਂ ਨੂੰ ਵਲੂੰਧਰ ਕੇ ਰੱਖ ਦਿੱਤਾ ਹੈ। ਸਿੰਘ ਸਾਹਿਬ ਨੇ ਇਸ ਘਟਨਾ ਦੀ ਪੁਰਜ਼ੋਰ ਨਿੰਦਿਆ ਕਰਦਿਆਂ ਪ੍ਰਸ਼ਾਸ਼ਨ ਨੂੰ ਇਸ ਗਹਿਰੀ ਸਾਜਿਸ਼ ਦੀ ਨਿਰਪੱਖ ਪੜਤਾਲ ਕਰਨ ਅਤੇ ਇਸ ਪਿੱਛੇ ਸ਼ਾਮਲ ਹੋਰਨਾਂ ਤਾਕਤਾਂ ਤੇ ਵਿਅਕਤੀਆਂ ਵਿਰੁੱਧ ਸਖਤ ਤੋਂ ਸਖਤ ਕਾਰਵਾਈ ਕਰਨ ਦੀ ਅਪੀਲ ਕੀਤੀ।  ਭਾਵੇਂ ਕਿ ਦੋਵਾਂ ਦੋਸ਼ੀਆਂ 'ਤੇ ਪਰਚਾ ਦਰਜ ਹੋ ਚੁੱਕਿਆ ਹੈ ਅਤੇ ਆਸ ਕੀਤੀ ਜਾ ਰਹੀ ਹੈ ਕਿ ਜਲਦ ਹੀ ਦੋਸ਼ੀ ਸਲਾਖਾਂ ਦੇ ਪਿੱਛੇ ਹੋਣਗੇ। ਉਨਾਂ ਸਮੂਹ ਗੁਰਦੁਆਰਾ ਕਮੇਟੀਆਂ ਅਤੇ ਸੰਗਤਾਂ ਨੂੰ ਅਪੀਲ ਕੀਤੀ ਇਨਾਂ ਘਟਨਾਵਾਂ ਨੂੰ ਰੋਕਣ ਲਈ ਸਾਰੇ ਪਿੰਡਾਂਫ਼ਸ਼ਹਿਰਾਂ ਦੇ ਗੁਰਦੁਆਰਾ ਸਾਹਿਬਾਨ ਦੀ ਸੁਰੱਖਿਆ ਵਧਾਈ ਜਾਵੇ, ਕਿਸੇ ਵੀ ਕੀਮਤ ਤੇ ਗੁਰਦੁਆਰਾ ਸਾਹਿਬ ਦਾ ਪ੍ਰਕਾਸ਼ ਸਥਾਨ ਖਾਲੀ ਨਾ ਛੱਡਿਆ ਜਾਵੇ, ਲੋੜ ਪੈਣ 'ਤੇ ਪਹਿਰੇਦਾਰ ਨਿਯੁਕਤ ਕੀਤੇ ਜਾਣ ਜਾਂ ਸੰਗਤਾਂ ਦੀਆਂ ਡਿਊਟੀਆਂ ਲਗਾ ਕੇ ਪਹਿਰਾ ਸਖਤ ਕੀਤਾ ਜਾਵੇ ਤਾਂ ਜੋ ਸ਼ਰਾਰਤੀ ਅਨਸਰ ਮੌਕੇ ਦਾ ਫਾਇਦਾ ਨਾ ਉਠਾ ਸਕਣ। ਉਨਾਂ ਆਖਿਆ ਕਿ ਜਿਵੇਂ ਅਸੀਂ ਆਪਣੇ ਨਿੱਜੀ ਘਰ ਦੀ ਸੁਰੱਖਿਆ ਲਈ ਹਰ ਤਰਾਂ ਦੇ ਪ੍ਰਬੰਧ ਕਰਦੇ ਹਾਂ, ਉਸੇ ਤਰਾਂ ਗੁਰੂ ਘਰ ਦੀ ਸੁਰੱਖਿਆ ਯਕੀਨੀ ਬਣਾਉਣ ਲਈ ਵੀ ਸਾਨੂੰ ਹਰ ਤਰਾਂ ਦੇ ਸਾਰਥਕ ਯਤਨ ਆਰੰਭਣ ਦੀ ਲੋੜ ਹੈ।
Read More

ਐੱਫ. ਐੱਸ. ਡੀ ਸੀਨੀ. ਸੈਕੰਡਰੀ ਸਕੂਲ ਜੋਧਪੁਰ ਪਾਖਰ ਦਾ ਨਤੀਜਾ 100 ਫੀਸਦੀ ਰਿਹਾ

9:47:00 am 0
ਤਲਵੰਡੀ ਸਾਬੋ, 24 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋ ਐਲਾਨੇ ਗਏ ਨਤੀਜਿਆ ਵਿੱਚ ਐੱਫ. ਐੱਸ. ਡੀ ਸੀਨੀ. ਸੈਕੰਡਰੀ ਸਕੂਲ ਜੋਧਪੁਰ ਪਾਖਰ ਦਾ ਨਤੀਜਾ 100 ਫੀਸਦੀ ਰਿਹਾ। ਬਾਰਵੀਂ ਕਲਾਸ ਵਿੱਚ ਕੁੱਲ 17 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ ਸੀ ਜਿਸ ਵਿੱਚ ਸਾਰੇ ਹੀ ਵਿਦਿਆਰਥੀ ਫਸਟ ਡਵੀਜ਼ਨ ਲੈ ਕੇ ਪਾਸ ਹੋਏ। ਇਹਨਾਂ ਵਿੱਚ ਹਰਮਨਦੀਪ ਸਿੰਘ (83.5 %), ਮਮਤਾ ਰਾਣੀ (83.1 %) ਅਤੇ ਰਮਨਦੀਪ ਕੌਰ (81 %) ਨੇ ਕ੍ਰਮਵਾਰ ਪਹਿਲੀ, ਦੂਸਰੀ ਅਤੇ ਤੀਸਰੀ ਪੁਜੀਸ਼ਨ ਹਾਸਲ ਕੀਤੀ ।
ਸਕੂਲ ਮੈਨੇਜਿੰਗ ਕਮੇਟੀ ਦੇ ਪ੍ਰਧਾਨ  ਸੁਖਮੰਦਰ ਸਿੰਘ ਮਾਨ, ਹਰਪਾਲ ਸਿੰਘ ਸਰਾਂ ਅਤੇ ਮੈਡਮ ਕਿਰਨਪਾਲ ਨੇ ਵਿਦਿਆਰਥੀਆਂ ਨੂੰ ਚੰਗੀਆਂ ਪੁਜੀਸ਼ਨਾਂ ਲੈ ਕੇ ਪਾਸ ਹੋਣ ‘ਤੇ ਵਧਾਈ ਦਿੰਦਿਆਂ ਉਹਨਾਂ ਦੇ ਉਜਵਲ ਭਵਿੱਖ ਦੀ ਕਾਮਨਾ ਕੀਤੀ ਅਤੇ ਸਾਰੇ ਅਧਿਆਪਕਾਂ ਦੀ ਉਹਨਾਂ ਦੇ ਉੱਦਮ ਲਈ ਪ੍ਰਸੰਸਾ  ਕੀਤੀ। ਇਸ ਮੌਕੇ  ਕੁਲਦੀਪ ਸਿੰਘ ਮਾਨ, ਮੈਡਮ ਸੁਖਪਾਲ ਕੌਰ, ਅਜੀਤ ਸਿੰਘ, ਮਲਕੀਤ ਸਿੰਘ, ਸਮੂਹ ਸਟਾਫ ਅਤੇ ਵਿਦਿਆਰਥੀ ਮੌਜੂਦ ਸਨ।
Read More

ਗੁਰੂ ਹਰਗੋਬਿੰਦ ਪਬਲਿਕ ਸਕੂਲ ਲਹਿਰੀ ਦੀ ਬਾਰਵੀਂ ਜਮਾਤ ਦਾ ਨਤੀਜ਼ਾ ਰਿਹਾ ਸੌ ਫੀਸਦੀ

9:46:00 am 0
ਤਲਵੰਡੀ ਸਾਬੋ, 24 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਪੰਜਾਬ ਸਕੂਲ ਸਿੱਖਿਆ ਬੋਰਡ ਮੁਹਾਲੀ ਵੱਲੋਂ ਐਲਾਨੇ ਗਏ ਬਾਰਵੀਂ ਜਮਾਤ ਦੇ ਨਤੀਜ਼ਿਆਂ 'ਚੋਂ ਗੁਰੂ ਹਰਗੋਬਿੰਦ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਲਹਿਰੀ ਦਾ ਨਤੀਜ਼ਾ ਸੌ ਫੀਸਦੀ ਰਿਹਾ ਹੈ। ਉਕਤ ਨਤੀਜ਼ੇ ਸਬੰਧੀ ਸਕੂਲ ਪ੍ਰਿੰਸੀਪਲ ਸ. ਲਖਵਿੰਦਰ ਸਿੰਘ ਸਿੱਧੂ ਨੇ ਖੁਸ਼ੀ ਜ਼ਾਹਿਰ ਕਰਦਿਆਂ ਦੱਸਿਆ ਕਿ ਉਹਨਾਂ ਦੇ ਸਕੂਲ ਦੇ 27 ਵਿਦਿਆਰਥੀਆਂ ਨੇ ਇਮਤਿਹਾਨ ਦਿੱਤੇ ਸਨ ਜਿਨ੍ਹਾਂ ਵਿੱਚੋਂ ਰਮਨਦੀਪ ਸਿੰਘ ਪੁੱਤਰ ਸ. ਜਗਜੀਤ ਸਿੰਘ ਮਿਰਜ਼ੇਆਣਾ ਨੇ 91.11% ਅੰਕ ਲੈ ਕੇ ਪਹਲਾ ਸਥਾਨ, ਮਨਪ੍ਰੀਤ ਕੌਰ ਪੁੱਤਰੀ ਇਕਬਾਲ ਸਿੰਘ ਜਗਾ ਰਾਮ ਤੀਰਥ ਨੇ 89.33% ਅੰਕ ਲੈ ਕੇ ਦੂਜਾ ਸਥਾਨ ਹਾਸਲ ਕੀਤਾ ਹੈ ਅਤੇ ਹਰਪ੍ਰੀਤ ਕੌਰ ਪੁੱਤਰੀ ਸ. ਬੂਟਾ ਸਿੰਘ ਜਗਾ ਰਾਮ ਤੀਰਥ ਨੇ 87.78% ਅੰਕਾਂ ਨਾਲ ਤੀਜਾ ਸਥਾਨ ਲਿਆ ਜਦੋਂ ਕਿ ਬਾਕੀ ਸਾਰੇ ਵਿਦਿਆਰਥੀਆਂ ਨੇ ਪਹਿਲੇ ਦਰਜ਼ੇ ਵਿੱਚ ਬਾਰਵੀਂ ਦੀ ਪ੍ਰੀਖਿਆ ਪਾਸ ਕਰਕੇ ਸਕੂਲ ਅਤੇ ਆਪਣੇ ਮਾਪਿਆਂ ਦਾ ਨਾਮ ਰੌਸ਼ਨ ਕੀਤਾ ਹੈ। ਇਸ ਮੌਕੇ ਬੱਚਿਆਂ ਦਾ ਮੂੰਹ ਮਿੱਠਾ ਕਰਵਾਉਂਦੇ ਹੋਏ ਸ. ਸਿੱਧੂ ਤੋਂ ਇਲਾਵਾ ਮੈਡਮ ਜਸਵਿੰਦਰ ਕੌਰ ਸਿੱਧੂ, ਮੈਡਮ ਪਰਮਜੀਤ ਕੌਰ ਜਗਾ ਨੇ ਜਿੱਥੇ ਵਿਦਿਆਰਥੀਆਂ ਅਤੇ ਉਹਨਾਂ ਦੇ ਮਾਪਿਆਂ ਨੂੰ ਵਧਾਈ ਦਿੱਤੀ ਉੱਥੇ ਬਹੁਤ ਹੀ ਵਧੀਆ ਨਤੀਜ਼ੇ ਦਾ ਸਿਹਰਾ ਮਿਹਨਤੀ ਸਟਾਫ ਦੇ ਸਿਰ ਬੰਨ੍ਹਿਆ।
Read More

ਪ੍ਰੇਮਚੰਦ ਮਾਰਕੰਡਾ ਐਸ. ਡੀ. ਕਾਲਜ ਫਾਰ ਵਿਮਨ ਦਾ ਪੀ. ਜੀ. ਡਿਪਲੋਮਾ ਇਨ ਗਾਰਮੈਂਟ ਕੰਸਟਰਕਸ਼ਨ ਐਂਡ ਫੈਸ਼ਨ ਡਿਜਾਇਨਿੰਗ ਦਾ ਦਸਬੰਰ 2017 ਦਾ ਨਤੀਜਾ ਵਧੀਆ ਰਿਹਾ

9:10:00 am 0
ਜਲੰਧਰ 24 ਅਪ੍ਰੈਲ (ਜਸਵਿੰਦਰ ਆਜ਼ਾਦ)- ਪ੍ਰੇਮਚੰਦ ਮਾਰਕੰਡਾ ਐਸ. ਡੀ. ਕਾਲਜ ਫਾਰ ਵਿਮਨ, ਜਲੰਧਰ ਦਾ ਪੀ. ਜੀ. ਡਿਪਲੋਮਾ ਇਨ ਗਾਰਮੈਂਟ ਕੰਸਟਰਕਸ਼ਨ ਐਂਡ ਫੈਸ਼ਨ ਡਿਜਾਇਨਿੰਗ ਸਮੈਸਟਰ ਪਹਿਲੇ ਦਾ ਗੁਰੂ ਨਾਨਕ ਦੇਵ ਯੂਨਿਵਰਸਿਟੀ ਦਾ ਦਸਬੰਰ 2017 ਦਾ ਨਤੀਜਾ ਵਧੀਆ ਰਿਹਾ । ਜਿਸ ਵਿਚ ਕੁਮਾਰੀ ਸੋਨਾਲੀ ਅਰੋੜਾ 350 ਵਿਚੋਂ 326 ਅੰਕ ਲੈ ਕੇ ਕਾਲਜ ਵਿਚ ਪਹਿਲੇ ਸਥਾਨ ਤੇ ਰਹੀ ਅਤੇ ਕੁਮਾਰੀ ਪੂਜਾ ਵਰਮਾ ਨੇ 319 ਅੰਕ ਲੈ ਕੇ ਕਾਲਜ ਵਿਚ ਦੂਜੇ ਸਥਾਨ ਤੇ ਰਹੀ । ਪ੍ਰਿ੍ਰੰਸੀਪਲ ਡਾ. ਕਿਰਨ ਅਰੋੜਾ ਨੇ ਵਿਦਿਆਰਥਣਾਂ ਨੂੰ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ।

Read More

ਅਮਰਦੀਪ ਸਿੰਘ ਸ਼ੇਰਗਿੱਲ ਮੈਮੋਰੀਅਲ ਕਾਲਜ ਬੀ.ਏ. ਸਮੈਸਟਰ ਤੀਸਰਾ ਦਾ ਨਤੀਜਾ ਸ਼ਾਨਦਾਰ ਰਿਹਾ

9:04:00 am 0
ਜਲੰਧਰ 24 ਅਪ੍ਰੈਲ (ਜਸਵਿੰਦਰ ਆਜ਼ਾਦ)- ਪਿਛਲੇ ਦਿਨੀਂ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ, ਅੰਮ੍ਰਿਤਸਰ ਵਲੋਂ ਬੀ.ਏ. ਸਮੈਸਟਰ ਤੀਸਰਾ ਦਾ ਨਤੀਜਾ ਐਲਾਨਿਆ ਗਿਆ।ਜਿਸ ਵਿੱਚ ਅਮਰਦੀਪ ਸਿੰਘ ਸ਼ੇਰਗਿੱਲ ਮੈਮੋਰੀਅਲ ਕਾਲਜ, ਮੁਕੰਦਪੁਰ ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦਾ ਨਤੀਜਾ ਸ਼ਾਨਦਾਰ ਰਿਹਾ।ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਕਾਲਜ ਪ੍ਰਿੰਸੀਪਲ ਡਾ. ਗੁਰਜੰਟ ਸਿੰਘ ਨੇ ਦੱਸਿਆ ਕਿ ਕਾਲਜ ਵਿਦਿਆਰਥਣ ਪੂਜਾ ਰਾਣੀ ਸਪੁੱਤਰੀ ਸ. ਜਸਵਿੰਦਰ ਸਿੰਘ ਨੇ 67.25 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕਰਕੇ ਕਾਲਜ ਵਿੱਚੋਂ ਪਹਿਲਾ, ਵਿਦਿਆਰਥਣ ਹਰਪ੍ਰੀਤ ਕੌਰ ਸਪੁੱਤਰੀ ਸ. ਅਵਤਾਰ ਚੰਦ ਨੇ 67 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕਰ ਦੂਜਾ ਅਤੇ ਕਾਜਮ ਸਪੁੱਤਰੀ ਸ. ਮਸਤਾਕ ਨੇ 66.25 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕਰਕੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ। ਇਸ ਸ਼ਾਨਦਾਰ ਪ੍ਰਾਪਤੀ ਲਈ ਉਨ੍ਹਾਂ ਨੇ ਵਿਭਾਗ ਦੇ ਮੁਖੀ ਪੋ੍ਰ. ਸ਼ਮਸ਼ਾਦ ਅਲੀ, ਡਾ. ਚਰਨਜੀਤ ਕੌਰ, ਪ੍ਰੋ. ਜਗਵਿੰਦਰ ਸਿੰਘ, ਪ੍ਰੋ. ਰੁਪਿੰਦਰ ਸਿੰਘ ਅਤੇ ਸਮੂਹ ਪ੍ਰਾਧਿਆਪਕਾਂ ਨੂੰ ਮੁਬਾਰਕਬਾਦ ਦਿੱਤੀ ਅਤੇ ਵਿਦਿਆਰਥੀਆਂ ਨੂੰ ਹੋਰ ਮਿਹਨਤ ਕਰਨ ਲਈ ਪ੍ਰੇਰਿਆ।ਕਾਲਜ ਦੇ ਬਾਨੀ ਚੇਅਰਮੈਨ ਸ. ਗੁਰਚਰਨ ਸਿੰਘ ਸ਼ੇਰਗਿੱਲ ਅਤੇ ਸ. ਸੁਰਿੰਦਰ ਸਿੰਘ ਢੀਂਡਸਾ ਨੇ ਆਰਟਸ ਵਿਭਾਗ ਦੇ ਪ੍ਰਾਧਿਆਪਕਾਂ ਨੂੰ ਮੁਬਾਰਕਬਾਦ ਦਿੰਦਿਆਂ ਉਨ੍ਹਾਂ ਦੀ ਸ਼ਲਾਘਾ ਕੀਤੀ।
Read More

ਪੀ. ਐਸ. ਈ . ਬੀ ਨਤੀਜਿਆਂ ਵਿੱਚ ਜੀ. ਬੀ. ਡਿੱਲਵਾਂ ਅਤੇ ਬੇਗੋਵਾਲ ਦਾ ਸ਼ਾਨਦਾਰ ਪ੍ਰਦਰਸ਼ਨ

8:51:00 am 0
ਜਲੰਧਰ 24 ਅਪ੍ਰੈਲ (ਜਸਵਿੰਦਰ ਆਜ਼ਾਦ)- ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਬਾਹਰਵੀਂ ਦੀ ਪਰੀਖਿਆ ਦੇ ਐਲਾਨੇ ਗਏ ਨਤੀਜਿਆਂ ਵਿਚ ਡਿਪਸੀਯਨਜ਼ ਨੇ ਪਹਿਲੇ ਦਰਜੇ  ਵਿੱਚ ਸੌ ਪ੍ਰਤੀਸ਼ਤ ਰਿਜ਼ਲਟ ਹਾਸਿਲ ਕੀਤਾ। ਡਿਪਸ ਡਿੱਲਵਾਂ ਦੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਮਾਨਤਾ ਪ੍ਰਾਪਤ ਜੀ.ਬੀ. ਡਿੱਲਵਾਂ ਦੇ ਕਾਮਰਸ ਦੀ ਵਿਦਿਆਰਥਨ ਖ਼ੁਸ਼ਪ੍ਰੀਤ ਕੌਰ ਨੇ 90 ਪ੍ਰਤੀਸ਼ਤ ਅੰਕ ਹਾਸਿਲ ਕਰ ਕੇ ਸਕੂਲ ਵਿੱਚ ਪਹਿਲਾ, ਆਯੂਸ਼ੀ ਨ ੇ 89 ਪ੍ਰਤੀਸ਼ਤ ਨਾਲ ਦੂਸਰੇ ਅਤੇ ਅਰਸ਼ਦੀਪ ਨੇ 88 ਪ੍ਰਤੀਸ਼ਤ ਅੰਕਾਂ ਨਾਲ ਸਕੂਲ ਵਿੱਚੋਂ ਤੀਸਰਾ ਸਥਾਨ ਹਾਸਿਲ ਕੀਤਾ।ਨੋਨ ਮੈਡੀਕਲ ਵਿੱਚ ਤਨਬੀਰ ਨੇ 87 ਪ੍ਰਤੀਸ਼ਤ ਅਤੇ ਸੁਨਿਤੀ ਨੇ 86 ਪ੍ਰਤੀਸ਼ਤ ਅੰਕ ਹਾਸਿਲ ਕਰ ਪਹਿਲਾ ਅਤੇ ਦੂਜਾ ਸ਼ਥਾਨ ਹਾਸਿਲ ਕੀਤਾ। ਆਰਟਸ ਵਿੱਚ ਸਪਨਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰ ਪਹਿਲਾ ਸ਼ਥਾਨ ਹਾਸਿਲ ਕੀਤਾ। ਡਿਪਸ ਬੇਗੋਵਾਲ ਵਿੱਚ ਕਾਮਰਸ ਦੀ ਸੰਦੀਪ ਕੌਰ ਨੇ 82.2 ਪ੍ਰਤਿਸ਼ਤ , ਅਮਰਜੀਤ ਨੇ 81 ਪ੍ਰਤਿਸ਼ਤ ਅਤੇ ਸੁਮਨਦੀਪ ਕੌਰ ਨੇ 80.4 ਪ੍ਰਤੀਸ਼ਤ ਅੰਕ ਹਾਸਿਲ ਕਰ ਪਹਿਲਾ, ਦੂਜਾ ਅਤੇ ਤੀਸਰਾ ਸਥਾਨ ਹਾਸਿਲ ਕੀਤਾ। ਹੋਨਹਾਰ ਵਿਦਿਆਰਥੀਆਂ ਨੂੰ ਡਿਪਸ ਦੇ ਚੇਅਰਮੈਨ ਸਰਦਾਰ ਗੁਰਬਚਨ ਸਿੰਘ , ਸੀ.ਈ.ੳ ਮੋਨਿਕਾ ਮੰਡੋਤਰਾ ਨੇ ਸਕੂਲ ਦੇ ਪਿ੍ਰੰਸੀਪਲ ਗੁਰਿੰਦਰ ਕੌਰ, ਪਿ੍ਰੰਸੀਪਲ ਗੁਰਪ੍ਰੀਤ ਨਰੂਲਾ ਅਤੇ ਕੌਆਡਿਨੇਟਰ ਰਜਿੰਦਰ ਨੈਯਰ ਨੇ ਸਾਰੇ ਵਿਦਿਆਰਥੀਆਂ ਨੂੰ ਸ਼ਾਨਦਾਰ ਨਤੀਜਿਆਂ ਲਈ ਵਧਾਈ ਦਿੱਤੀ ਅਤੇ ਉਹਨਾਂ ਦੇ ਉਜਵਲ ਭਵਿੱਖ ਦੀ ਕਾਮਨਾ ਕੀਤੀ ਅਤੇ ਹਮੇਸ਼ਾ ਅੱਗੇ ਵੱਧਣ ਦੀ ਪ੍ਰੇਰਣਾ ਦਿੱਤੀ।
Read More

Monday, 23 April 2018

ਆਲ ਇੰਡੀਆ ਕਾਂਗਰਸ ਕਮੇਟੀ ਮੈਂਬਰ ਖੁਸ਼ਬਾਜ਼ ਜ਼ਟਾਣਾ ਦੀ ਹੋਈ ਡਾ. ਗਿੱਲ ਨਾਲ ਵਿਸ਼ੇਸ਼ ਮੁਲਾਕਾਤ

7:08:00 pm 0
ਤਲਵੰਡੀ ਸਾਬੋ, 23 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਡਾਇਰੈਕਟਰ ਸਿੱਖਸ ਆਫ ਅਮਰੀਕਾ ਡਾ. ਸੁਰਿੰਦਰ ਸਿੰਘ ਗਿੱਲ ਜੋ ਕਿ ਇਨੀਂ ਦਿਨੀਂ ਪੰਜਾਬ ਦੀ ਫੇਰੀ 'ਤੇ ਆਏ ਹੋਏ ਹਨ, ਨਾਲ ਤਲਵੰਡੀ ਸਾਬੋ ਦੇ ਕਾਂਗਰਸੀ ਹਲਕਾ ਸੇਵਾਦਾਰ ਅਤੇ ਆਲ ਇੰਡੀਆ ਕਾਂਗਰਸ ਕਮੇਟੀ ਦੇ ਮੈਂਬਰ ਸ. ਖੁਸ਼ਬਾਜ਼ ਸਿੰਘ ਜਟਾਣਾ ਨੇ ਵਿਸ਼ੇਸ਼ ਤੌਰ 'ਤੇ ਮੁਲਾਕਾਤ ਕੀਤੀ। ਇਸ ਮੁਲਾਕਾਤ ਦੌਰਾਨ ਸ. ਜਟਾਣਾ ਨੇ ਜਿੱਥੇ ਉਹਨਾਂ ਪੰਜਾਬ ਦੀ ਫੇਰੀ ਲਈ ਜੀਅ ਆਇਆਂ ਕਿਹਾ ਉਥੇ ਤਲਵੰਡੀ ਸਾਬੋ ਹਲਕੇ ਦੇ ਅਧੂਰੇ ਪਏ ਵਿਕਾਸ ਕਾਰਜ਼ਾਂ ਨੂੰ ਮੁਕੰਮਲ ਕਰਨ ਅਤੇ ਖੇਤਰ ਦੇ ਪਿੰਡਾਂ ਵਿੱਚ ਹੋਰ ਸੁੱਖ ਸਹੂਲਤਾਂ ਦੇਣ ਲਈ ਸੁਝਾਅ ਦਿੱਤੇ। ਸਾਡੇ ਪੱਤਰਕਾਰ ਨਾਲ ਫੋਨ 'ਤੇ ਹੋਈ ਗੱਲਬਾਤ ਦੌਰਾਨ ਸ. ਜਟਾਣਾ ਨੇ ਦੱਸਿਆ ਕਿ ਜਿੱਥੇ ਸ. ਗਿੱਲ ਨੇ ਦਿੱਤੇ ਗਏ ਸੁਝਾਵਾਂ ਨੂੰ ਲਾਗੂ ਕਰਨ ਲਈ ਤੁਰੰਤ ਕਾਰਵਾਈ ਕਰਨ ਸਬੰਧੀ ਖੁੱਲਦਿਲੀ ਦਿਖਾਈ ਉੱਥੇ ਉਹਨਾਂ ਜਾਤੀ ਰੰਜ਼ਿਸ਼ ਅਤੇ ਸ਼ਰਾਰਤੀ ਅਨਸਰਾਂ ਤੋਂ ਵੀ ਸੁਚੇਤ ਰਹਿਣ ਦੀ ਅਪੀਲ ਕੀਤੀ।
ਸ. ਗਿੱਲ ਨਾਲ ਹੋਈ ਸੰਖੇਪ ਭੇਂਟ ਵਾਰਤਾ ਬਾਰੇ ਦਸਦਿਆਂ ਸ. ਜਟਾਣਾ ਨੇ ਜਿੱਥੇ ਗਿੱਲ ਦੇ ਅਕਾਦਮਿਕ ਤਜ਼ਰਬੇ ਅਤੇ ਦੂਰ ਅੰਦੇਸ਼ੀ ਸੋਚ ਦੀ ਸਰਾਹਨਾ ਕੀਤੀ ਅਤੇ ਉਹਨਾਂ ਤਲਵੰਡੀ ਸਾਬੋ ਨੂੰ ਬਿਹਤਰ ਰੁਤਬਾ ਦਿਵਾਉਣ ਲਈ ਹਰ ਕੋਸ਼ਿਸ਼ ਨੂੰ ਅੰਤਿਮ ਰੂਪ ਦੇਣ ਦੀ ਵਚਨਵੱਧਤਾ ਦੁਹਰਾਉਣ ਦੇ ਨਾਲ ਨਾਲ ਤਲਵੰਡੀ ਸਾਬੋ ਸ਼ਹਿਰ ਨੂੰ ਇੱਕ ਮਾਡਲ ਗਰਾਮ ਅਤੇ ਹਰਿਆ ਭਰਿਆ ਪ੍ਰਦੂਸ਼ਣ ਰਹਿਤ ਇਲਾਕਾ ਬਣਾਉਣ ਦੀ ਗੱਲ ਕਹੀ ਉੱਥੇ ਡਾ. ਗਿੱਲ ਨੇ ਕਿਹਾ ਕਿ ਜਦ ਕਦੇ ਉਹ ਮੁੜ ਭਾਰਤ ਆਏ ਤਾਂ ਉਸ ਵੇਲੇ ਉਹਨਾਂ ਵੱਲੇ ਦਿੱਤੇ ਸੁਝਾਵਾਂ ਦੀ ਸ਼ੁਰੂਆਤ ਅਤੇ ਪੂਰਾ ਕਰਨ ਦੇ ਉਪਰਾਲਿਆਂ ਦੀ ਘੋਖ ਕਰਕੇ ਇਲਾਕੇ ਨੂੰ ਜਾਗਰੂਕ ਕਰਨਗੇ। ਇਸ ਮੁਲਾਕਤ ਦੌਰਾਨ ਸ. ਜਟਾਣਾ ਦੇ ਨਾਲ ਅੰਮਿਰਤਪਾਲ ਕਾਕਾ, ਕ੍ਰਿਸ਼ਨ ਸਿੰਘ ਭਾਗੀਵਾਂਦਰ ਆਦਿ ਨਾਲ ਸਨ।
Read More

ਮਾਤਾ ਗੁਰਦਿਆਲ ਕੌਰ ਦੀ ਨਿੱਘੀ ਯਾਦ 'ਚ ਬੱਚਿਆਂ ਨੂੰ ਵੰਡੀਆਂ ਕਾਪੀਆਂ

7:07:00 pm 0
ਤਲਵੰਡੀ ਸਾਬੋ, 23 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਨਜ਼ਦੀਕੀ ਪਿੰਡ ਕੌਰੇਆਣਾ ਵਿਖੇ ਸਵਰਗਵਾਸੀ ਮਾਤਾ ਗੁਰਦਿਆਲ ਕੌਰ ਦੀ ਨਿੱਘੀ ਯਾਦ ਨੂੰ ਸਪਰਪਿਤ ਉਹਨਾਂ ਦੇ ਪਰਿਵਾਰ ਵੱਲੋਂ ਸਰਕਾਰੀ ਪ੍ਰਾਇਮਰੀ ਸਕੂਲ ਕੌਰੇਆਣਾ ਵਿਖੇ ਪੜਾਈ ਦੇ ਸ਼ੁਰੂਆਤੀ ਸੈਸ਼ਨ ਨੂੰ ਧਿਆਨ 'ਚ ਰਖਦਿਆਂ ਸਕੂਲ ਦੇ ਬੱਚਿਆਂ ਨੂੰ ਕਾਪੀਆਂ ਭੇਂਟ ਕੀਤੀਆਂ ਗਈਆਂ। ਬੱਚਿਆਂ ਨੂੰ ਕਾਪੀਆਂ ਵੰਡਣ ਦੀ ਸੇਵਾ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਕੌਰੇਆਣਾ ਦੇ ਨਵੇਂ ਨਿਯੁਕਤ ਹੋਏ ਪ੍ਰਿੰਸੀਪਲ ਮੈਡਮ ਸ੍ਰੀਮਤੀ ਸੋਨੀਆ ਧਵਨ ਵੱਲੋਂ ਨਿਭਾਈ ਗਈ। ਇਸ ਮੌਕੇ ਪ੍ਰਿੰਸੀਪਲ ਸੋਨੀਆ ਵੱਲੋਂ ਇਸ ਨੇਕ ਕੰਮ ਦੀ ਸ਼ਲਾਘਾ ਕੀਤੀ ਅਤੇ ਭਵਿੱਖ ਵਿੱਚ ਵੀ ਅਜਿਹੀ ਸੇਵਾ ਦੀ ਨਵੀ ਪ੍ਰਿਤ ਪਾਉਣ ਦੀ ਅਪੀਲ ਕੀਤੀ। ਅਖੀਰ ਸਕੂਲ ਮੁਖੀ ਮੈਡਮ ਕਰਮਜੀਤ ਕੌਰ ਵੱਲੋਂ ਸਮੂਹ ਦਾਨੀ ਪਰਿਵਾਰ ਦਾ ਅਤੇ ਪਹੁੰਚੇ ਪਤਵੰਤੇ ਸੱਜਣਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਪਰਿਵਾਰਿਕ ਮੈਂਬਰਾਂ ਵਿੱਚੋਂ ਮਾਤਾ ਗੁਰਦਿਆਲ ਕੌਰ ਦਾ ਸਪੁੱਤਰ ਅਬਬੇਲ ਸਿੰਘ, ਬਘੇਲ ਸਿੰਘ ਅਤੇ ਬਲਦੇਵ ਸਿੰਘ, ਪੋਤਰਾ ਗੁਰਮੀਤ ਸਿੰਘ ਕਲੱਬ ਸਲਾਹਕਾਰ, ਰਿਟਾ. ਮੁੱਖ ਅਧਿਆਪਕ ਦਲ ਸਿੰਘ ਅਤੇ ਸਮੁੱਚਾ ਸਕੂਲ ਸਟਾਫ ਹਾਜ਼ਰ ਸੀ।
Read More

ਤਹਿਸੀਲ ਕੰਪਲੈਕਸ ਤਲਵੰਡੀ ਸਾਬੋ ਦੀ ਤਿੰਨ ਲੱਖ ਵੀਹ ਹਜ਼ਾਰ ਵਿੱਚ ਠੇਕੇ ਤੇ ਚੜ੍ਹੀ ਪਾਰਕਿੰਗ ਉੱਪਰ ਬਹੱਤਰ ਹਜ਼ਾਰ ਵਾਲਿਆਂ ਦਾ ਕਬਜ਼ਾ

7:03:00 pm 0
ਤਲਵੰਡੀ ਸਾਬੋ, 23  ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)-- ਸਥਾਨਕ ਤਹਿਸੀਲ ਕੰਪਲੈਕਸ ਅੰਦਰ ਬਣੀ ਕੰਟੀਨ ਅਤੇ ਪਾਰਕਿੰਗ ਦੇ ਠੇਕੇ ਦੀ ਬੋਲੀ ਤਹਿਸੀਲਦਾਰ ਸ. ਸੁਖਰਾਜ ਸਿੰਘ ਢਿੱਲੋਂ ਦੀ ਨਿਗਰਾਨੀ ਹੇਠ ਕਰਵਾਈ ਗਈ ਸੀ  ਜਿਸ ਦੌਰਾਨ ਪਾਰਕਿੰਗ ਦੀ ਬੋਲੀ ਤਿੰਨ ਲੱਖ ਵੀਹ ਹਜ਼ਾਰ ਵਿੱਚ ਹੋਈ ਜਦੋਂ ਕਿ ਫ਼ਾਰਮਾਂ ਦੇ ਠੇਕੇ ਦੀ ਬੋਲੀ ਨਹੀਂ ਹੋ ਸਕੀ।
ਪਾਰਕਿੰਗ, ਕੰਟੀਨ ਅਤੇ ਸਰਕਾਰੀ ਫ਼ਾਰਮਾਂ ਦੇ ਠੇਕੇ ਦੀ ਬੋਲੀ ਮਾਰਚ ਮਹੀਨੇ ਨਿਰਧਾਰਤ ਤਾਰੀਖ ਤੇ ਦੁਪਿਹਰ ਕਰੀਬ ਸਾਢੇ ਬਾਰਾਂ ਵਜੇ ਆਰੰਭ ਹੋਈ ਜਿਸ ਵਿੱਚ ਕੰਟੀਨ ਦਾ ਠੇਕਾ ਇੱਕ ਲੱਖ ਬਾਰਾਂ ਹਜ਼ਾਰ ਵਿੱਚ ਰਾਜਵਿੰਦਰ ਸਿੰਘ ਦੇ ਨਾਮ ਹੋ ਗਿਆ ਜਦੋਂ ਕਿ ਪਾਰਕਿੰਗ ਦਾ ਠੇਕਾ ਭੁਪਿੰਦਰ ਸਿੰਘ ਨੇ ਰਿਕਾਰਡ ਬੋਲੀ ਬਹੱਤਰ ਹਜ਼ਾਰ ਤੋਂ ਇੱਕਦਮ ਤਿੰਨ ਲੱਖ ਵੀਹ ਹਜ਼ਾਰ ਦੀ ਬੋਲੀ ਦੇ ਕੇ ਆਪਣੇ ਨਾਮ ਕਰ ਲਿਆ ਸੀ।ਸਰਕਾਰੀ ਫ਼ਾਰਮਾਂ ਦੇ ਠੇਕੇ ਦੀ ਬੋਲੀ ਦੇਣ ਲਈ ਕੋਈ ਵੀ ਇਸ ਕਰਕੇ ਤਿਆਰ ਨਾ ਹੋਇਆ ਕਿਉਂਕਿ ਬਹੁਤੇ ਫ਼ਾਰਮ ਆਨ ਲਾਈਨ ਹੋਣ ਅਤੇ ਸੇਵਾ ਕੇਂਦਰਾਂ 'ਚੋਂ ਲੱਗਣ ਕਾਰਨ ਸਰਕਾਰੀ ਠੇਕੇ ਤੇ ਫ਼ਾਰਮਾਂ ਦੀ ਵਿੱਕਰੀ ਨਹੀਂ ਰਹੀ।
ਤਹਿਸੀਲ ਦਫ਼ਤਰ ਦੇ ਮੀਟਿੰਗ ਹਾਲ ਵਿੱਚ ਹੋਈ ਇਸ ਬੋਲੀ ਸਮੇਂ ਪਾਰਕਿੰਗ ਦੀ ਬੋਲੀ ਵਿੱਚ ਚਾਰ ਅਤੇ ਕੰਟੀਨ ਦੀ ਬੋਲੀ ਵਿੱਚ ਕੁੱਲ ਸੱਤ ਬੋਲੀਕਾਰਾਂ ਨੇ ਹਿੱਸਾ ਲਿਆ।ਪ੍ਰੰਤੂ ਪਾਰਕਿੰਗ ਦਾ ਠੇਕਾ ਲੈਣ ਵਾਲਾ ਵਿਅਕਤੀ ਫਰਾਡ ਨਿਕਲਿਆ ਅਤੇ ਉਸਨੇ ਪੈਸੇ ਨਾ ਭਰੇ ਅਤੇ ਹੁਣ ਪਾਰਕਿੰਗ ਦੇ ਪੁਰਾਣੇ ਠੇਕੇਦਾਰ ਵੱਲੋਂ ਹੀ ਅਫਸਰਾਂ ਨਾਲ ਮਿਲੀਭੁਗਤ ਕਰਕੇ ਪਾਰਕਿੰਗ ਫੀਸ ਦੀ ਨਾਜ਼ਾਇਜ਼ ਉਗਰਾਹੀ ਕੀਤੀ ਜਾ ਰਹੀ ਹੈ, ਜਿਸ ਦੀ ਜਾਣਕਾਰੀ ਤਹਿਸੀਲ ਦੇ ਸਾਰੇ ਉੱਚ ਅਧਿਕਾਰੀਆਂ ਨੂੰ ਹੋਣ ਦੇ ਬਾਵਜ਼ੂਦ ਕੋਈ ਕਾਰਵਾਈ ਨਹੀਂ ਕੀਤੀ ਜਾ ਰਹੀ।
ਇਸ ਸੰਬੰਧੀ ਪੱਖ ਪੁੱਛੇ ਜਾਣ ਤੇ ਅੈੱਸ. ਡੀ. ਐੱਮ ਤਲਵੰਡੀ ਸਾਬੋ ਸ੍ਰੀ ਵਰਿੰਦਰ ਸਿੰਘ ਨੇ ਕਿਹਾ ਕਿ ਤਿੰਨ ਲੱਖ ਵੀਹ ਹਜ਼ਾਰ ਰੁਪਏ ਵਿੱਚ ਪਾਰਕਿੰਗ ਨੂੰ ਠੇਕੇ ਤੇ ਲੈਣ ਵਾਲੇ ਵਿਅਕਤੀਆਂ ਦੇ ਨਾਂ ਆਉਣ ਕਾਰਨ ਖੁੱਲ੍ਹੀ ਬੋਲੀ ਦੌਰਾਨ ਹੋਏ ਇਸ ਪਾਰਕਿੰਗ ਦੇ ਠੇਕੇ ਨੂੰ ਪਹਿਲਾਂ ਵਾਲੇ ਵਿਅਕਤੀਆਂ ਨੂੰ ਹੀ ਦੇ ਦਿੱਤਾ ਗਿਆ ਹੈ ਜਦੋਂ ਉਨ੍ਹਾਂ ਦਾ ਧਿਆਨ ਖੁੱਲ੍ਹੀ ਬੋਲੀ ਅਤੇ ਬੰਦ ਟੈਂਡਰਾਂ ਵਿਚਕਾਰ ਫਰਕ ਵੱਲ ਦਿਵਾਇਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਉਹ ਪੜਤਾਲ ਕਰਨਗੇ ਅਤੇ ਇਸ ਸਬੰਧ ਵਿੱਚ ਬਣਦੀ ਕਾਰਵਾਈ ਜਲਦੀ ਅਮਲ ਵਿੱਚ ਲਿਆਂਦੀ ਜਾਵੇਗੀ। ਹੁਣ ਦੇਖਣਾ ਇਹ ਹੈ ਕਿ ਤਹਿਸੀਲ ਕੰਪਲੈਕਸ ਤਲਵੰਡੀ ਸਾਬੋ ਦੀ ਪਾਰਕਿੰਗ ਤੇ ਨਾਜਾਇਜ਼ ਕਬਜ਼ਾ ਕਰੀ ਬੈਠੇ ਵਿਅਕਤੀਆਂ ਖ਼ਿਲਾਫ਼ ਇਸ ਨੂੰ ਮਿਲੀ ਭੁਗਤ ਨਾਲ ਚਲਾਉਣ ਵਾਲੀ ਅਫ਼ਸਰਸ਼ਾਹੀ ਕੀ  ਕਾਰਵਾਈ ਕਰਦੀ ਹੈ?
Read More

ਬਲਾਤਕਾਰ ਦਾ ਸ਼ਿਕਾਰ ਹੋਈ ਆਸਿਫ਼ਾ ਨੂੰ ਇਨਸਾਫ਼ ਦਿਵਾਉਣ ਲਈ ਕੀਤਾ ਰੋਸ ਪ੍ਰਦਰਸ਼ਨ

6:43:00 pm 0
ਤਲਵੰਡੀ ਸਾਬੋ, 23 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)-ਬੀਤੇ ਦਿਨੀਂ ਜੰਮੂ-ਕਸ਼ਮੀਰ ਦੇ ਜਿਲ੍ਹਾ ਕਠੂਆ ਵਿੱਚ ਬਲਾਤਕਾਰ ਦਾ ਸ਼ਿਕਾਰ ਅਤੇ ਕਤਲ ਕੀਤੀ ਗਈ ਆਸਿਫ਼ਾ ਦੇ ਕਾਤਿਲਾਂ ਨੂੰ ਸਖਤ ਤੋਂ ਸਖਤ ਸਜਾਵਾਂ ਦਿਵਾਉਣ ਦੇ ਮਕਸਦ ਨਾਲ ਦੇਸ਼ ਭਰ ਵਿੱਚ ਕੱਢੇ ਜਾ ਰਹੇ ਰੋਸ ਮੁਜ਼ਾਰਿਆਂ ਦੀ ਅਵਾਜ਼ ਹੁਣ ਪਿੰਡਾਂ ਦੇ ਲੋਕਾਂ ਤੱਕ ਵੀ ਪਹੁੰਚ ਗਈ ਹੈ ਜਿਸਦੇ ਚਲਦਿਆਂ ਅੱਜਵ ਖੇਤਰ ਦੇ ਪਿੰਡ ਲਹਿਰੀ ਵਿਖੇ ਪਿੰਡ ਵਾਸੀਆਂ ਵੱਲੋਂ ਰੋਸ ਮਾਰਚ ਕੱਢਿਆ ਗਿਆ ਜਿਸ ਵਿੱਚ ਪਿੰਡ ਵਾਸੀਆਂ,ਗੁਰੂ ਹਰਗੋਬਿੰਦ ਪਬਲਿਕ ਸਕੂਲ ਦੇ ਬੱਚਿਆਂ, ਸਟਾਫ ਅਤੇ ਗੁਰਦੁਆਰਾ ਕਮੇਟੀ ਪ੍ਰਬੰਧਕਾਂ ਨੇ ਸ਼ਮੂਲੀਅਤ ਕੀਤੀ।
ਇਸ ਮਾਰਚ ਮੌਕੇ ਬੁਲਾਰਿਆਂ ਵਿੱਚੋਂ ਪਿ੍ਰੰਸੀਪਲ ਲਖਵਿੰਦਰ ਸਿੰਘ ਸਿੱਧੂ, ਭਾਈ ਗੁੁਰਸੇਵਕ ਸਿੰਘ ਹੈੱਡ ਗ੍ਰੰਥੀ ਗੁਰਦੁਆਰਾ ਸਾਹਿਬਵ ਲਹਿਰੀ, ਭਾਈ ਗੁਰਮੇਲ ਸਿੰਘ ਮੈਨੂਆਣਾ, ਸੁਖਦੇਵ ਸਿੰਘ ਲੀਲਾ ਨੇ ਇਸ ਘਟਨਾ ਦੀ ਸਖ਼ਤ ਨਿੰਦਿਆ ਕਰਦਿਆਂ ਇਸ ਘਟਨਾ ਨੂੰ ਅਤਿ ਘਿਣਾਉਣੀ ਘਟਨਾ ਦੱਸਿਆ। ਉਹਨਾਂ ਕਿਹਾ ਕਿ ਅਜਿਹੇ ਅਪਰਾਧ ਅਤੇ ਅਪਰਾਧੀਆਂ ਲਈ ਇੱਕ ਵੱਖਰਾ ਅਤੇ ਸਖ਼ਤ ਕਾਨੂੰਨ ਬਣਾਉਣਾ ਚਾਹੀਦਾ ਹੈ ਤਾਂ ਕਿ ਅਜਿਹੇ ਜ਼ੁਰਮਾਂ ਨੂੰ ਠੱਲ੍ਹ ਪਾਈ ਜਾ ਸਕੇ। ਇੱਕ ਸਵਾਲ ਦੇ ਜ਼ਵਾਬ ਵਿੱਚ ਸ. ਲਖਵਿੰਦਰ ਸਿੰਘ ਨੇ ਕਿਹਾ ਕਿ ਲੋਕਾਂ ਦੀ ਅਵਾਜ਼ ਕਾਨੂੰਨ ਸਿਰਜਕ ਅਤੇ ਸਰਕਾਰਾਂ ਤੱਕ ਜ਼ਰੂਰ ਪਹੁੰਚੇਗੀ ਅਤੇ ਉਮੀਦ ਹੈ ਕਿ ਪੀੜਤ ਬੱਚੀ ਦੇ ਪਰਿਵਾਰ ਨੂੰ ਜ਼ਰੂਰ ਇਨਸਾਫ ਮਿਲੇਗਾ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਦਾ ਬਲਾਕ ਆਗੂ ਦਲਜੀਤ ਸਿੰਘ, ਜਸਵੀਰ ਕੌਰ, ਸੁਖਦੇਵ ਸਿੰਘ ਖਾਲਸਾ ਪ੍ਰਧਾਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਮੈਡਮ ਜਸਵਿੰਦਰ ਕੌਰ, ਨਸੀਬ ਕੌਰ, ਤਿੱਤਰ ਸਿੰਘ ਮੈਂਬਰ, ਬਲਦੇਵ ਸਿੰਘ ਢਿੱਲੋਂ ਅਤੇ ਸਕੂਲ ਦੇ ਸਮੁੱਚੇ ਸਟਾਫ ਨੇ ਸ਼ਿਰਕਤ ਕੀਤੀ।
Read More

ਨਵੇਂ ਸੈਸ਼ਨ 'ਚ ਨੰਨ੍ਹੇਂ ਸੁਪਨਿਆਂ ਦੇ ਨਾਲ ਨੰਨ੍ਹੇਂ ਵਿਦਿਆਰਥੀ ਪਹੁੰਚੇ ਸੇਂਟ ਸੋਲਜਰ

6:18:00 pm 0
ਜਲੰਧਰ 23 ਅਪ੍ਰੈਲ (ਜਸਵਿੰਦਰ ਆਜ਼ਾਦ)- ਸੇਂਟ ਸੋਲਜਰ ਡਿਵਾਇਨ ਪਬਲਿਕ ਸਕੂਲ ਖਾਂਬਰਾ ਬ੍ਰਾਂਚ ਵਿੱਚ ਨਵੇਂ ਸੈਸ਼ਨ ਵਿੱਚ ਨਰਸਰੀ ਵਿੰਗ ਦੇ ਨੰਨ੍ਹੇਂ ਵਿਦਿਆਰਥੀਆਂ ਦਾ ਸਵਾਗਤ ਵੱਖ ਅਤੇ ਅਨੋਖੇ ਢੰਗ ਨਾਲ ਕੀਤਾ ਗਿਆ। ਜਿਸ ਵਿੱਚ ਪ੍ਰਿੰਸੀਪਲ ਸ਼੍ਰੀਮਤੀ ਰੁਪਿੰਧਰ ਕੌਰ ਨੇ ਸਭ ਵਿਦਿਆਰਥੀਆਂ ਨੂੰ ਵੈਲਕਮ ਕੀਤਾ। ਇਸ ਮੌਕੇ “ਪ੍ਰਾਊਡ ਟੂ ਬੀ ਸੇਂਟ ਸੋਲਜਰਿਅਨ ਦੇ ਨਾਲ ਉੱਤੇ ਇੱਕ ਸਪੈਸ਼ਲ ਵੈਲਕਮ ਏਰਿਆ ਬਣਾਇਆ ਗਿਆ ਜਿਸ ਵਿੱਚ ਨੰਨ੍ਹੇਂ ਵਿਦਿਆਰਥੀ ਹਰਲੀਨ, ਏਕਮਜੋਤ, ਯਸ਼, ਅਰਸ਼ਪ੍ਰੀਤ, ਜਸ਼ਨ, ਤਨਵੀ, ਸਲੋਨੀ, ਗੌਰਵੀ, ਹਰਸਿਰਤ, ਦਿਵਾਂਸ਼ੀ, ਗੁਰਪ੍ਰੀਤ, ਸਵਾਤੀ, ਸੌਰਵ ਆਦਿ ਨੇ ਛੁੱਟੀਆਂ ਦੇ ਬਾਅਦ ਸਕੂਲ ਆਕੇ ਆਪਣੀ ਖੁਸ਼ੀ ਨੂੰ ਵਿਅਕਤ ਕੀਤਾ ਉੱਥੇ ਹੀ ਆਪਣੇ ਅਧਿਆਪਕਾਂ ਅਤੇ ਸਹਿਪਾਠੀਆਂ ਨੂੰ ਮਿਲੇ। ਪ੍ਰਿੰਸੀਪਲ ਸ਼੍ਰੀਮਤੀ ਰੁਪਿੰਦਰ ਕੌਰ ਨੇ ਨਵੇਂ ਸੈਸ਼ਨ ਵਿੱਚ ਵਿਦਿਆਰਥੀਆਂ ਨੂੰ ਸ਼ੁਭ ਕਾਮਨਾਵਾਂ ਦਿੱਤੀਆਂ ਅਤੇ ਕਿਹਾ ਕਿ ਇਸ ਸੁਪਨਿਆਂ ਭਰੇ ਬਚਪਨ ਨੂੰ ਸਵਾਰਨ ਲਈ ਹਰ ਜਤਨ ਕਰਾਂਗੇ।
Read More

Sunday, 22 April 2018

ਅਮਰੀਕ ਜੱਸਲ ਦੀ ਆਵਾਜ ਚ ਗਾਇਆ ਰੇਡੀਉ ਦਾ ਟਾਇਟਲ ਗੀਤ ਕੀਤਾ ਗਿਆ ਰਲੀਜ

8:12:00 pm 0
ਪਹਿਲਾ ਰੇਡੀਉ ਲਾਈਵ ਸ਼ੋਅ ਯਾਦਗਾਰੀ ਹੋ ਨਿੱਬੜਿਆ
ਦਸੂਹਾ, 22 ਅਪ੍ਰੈਲ (ਬਿਊਰੋ)- ਦੁਨੀਆਂ ਭਰ ਵਿੱਚ ਸੁਣੇ ਜਾਂਦੇ 'ਦੋਆਬਾ ਰੇਡੀਉ' ਦਾ ਇੱਕ ਸਾਲ ਪੂਰਾ ਹੋਣ ਤੇ ਕਰਵਾਇਆ ਪਹਿਲਾ ਲਾਈਵ ਸ਼ੋਅ ਯਾਦਗਾਰੀ ਹੋ ਨਿੱਬੜਿਆ ਜਿਸ ਵਿਚ ਉੱਘੇ ਸਮਾਜ ਸੇਵੀ ਨਰਿੰਦਰ ਸਿੰਘ ਜੱਸਲ, ਗਜ਼ਲ ਗਾਇਕ ਗੁਰਦੀਪ ਸਿੰਘ ਅਤੇ ਬਲਬੀਰ ਸਿੰਘ ਬਿੱਲਾ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਹੋਏ। 'ਇਸ਼ਕ ਆਖ਼ਦਾ ਏ ...' ਵਰਗੇ ਅਨੇਕਾਂ ਹਰਮਨਪਿਆਰੇ ਗੀਤ ਦੇ ਗਾਇਕੀ ਅਤੇ ਉੱਘੇ ਸੰਗੀਤਕਾਰ ਗੁਰਦੀਪ ਸਿੰਘ ਨੇ ਆਪਣੇ ਸੰਬੋਧਨ ਰਾਹੀਂ ਕਿਹਾ ਕਿ ਪੰਜਾਬੀ ਗਾਇਕਾਂ ਨੂੰ ਗੀਤਾਂ ਦੀ ਚੋਣ ਕਰਨ ਵੇਲੇ ਸਾਹਿਤਿਕ ਰੰਗ ਨੂੰ ਪਹਿਲ ਦੇਣੀ ਚਾਹੀਦੀ ਹੈ ਜਿਸ ਨਾਲ ਗਾਇਕੀ ਦਾ ਘੇਰਾ ਹੋਰ ਮੋਕਲਾ ਅਤੇ ਮਜਬੂਤ ਹੋਵੇਗਾ। ਉਨ੍ਹਾਂ ਦੋਆਬਾ ਰੇਡੀਉ ਵੱਲੋਂ ਪਿਛਲੇ ਇੱਕ ਸਾਲ ਮਿਆਰੀ ਪ੍ਰੋਗਰਾਮ ਪੇਸ਼ ਕਰਨ ਉੱਤੇ ਖ਼ੁਸ਼ੀ ਦਾ ਪ੍ਰਗਟਾਵਾ ਕੀਤਾ। ਉੱਘੇ ਸਮਾਜ ਸੇਵੀ ਅਤੇ ਸ਼ਿਵ ਨਾਮਦੇਵ ਆਪਣਾ ਘਰ ਆਸ਼ਰਮ ਹਰਦੋਖ਼ਾਨਪੁਰ ਦੇ ਮੁਖੀ ਸ. ਨਰਿੰਦਰ ਸਿੰਘ ਜੱਸਲ ਨੇ ਵਧੀਆ ਪ੍ਰੋਗਰਾਮਾਂ ਦੀ ਪੇਸ਼ਕਾਰੀ ਨੂੰ ਪ੍ਰਭਾਵਸ਼ਾਲੀ ਦੱਸਿਆ ਅਤੇ ਕਿਹਾ ਕਿ ਇੰਟਰਨੈੱਟ ਦੇ ਯੁੱਗ ਵਿੱਚ ਮੀਡੀਆ ਸਮਾਜਿਕ ਤਾਣੇ-ਬਾਣੇ ਨੂੰ ਮਜਬੂਤ ਕਰ ਰਿਹਾ ਹੈ ਅਤੇ ਚੰਗੇ ਸੰਸਕਾਰਾਂ ਨਾਲ ਭਰਪੂਰ ਪਰਿਵਾਰ ਮਜਬੂਤ ਹੁੰਦੇ ਹਨ। ਬਲਬੀਰ ਸਿੰਘ ਬਿੱਲਾ ਸੂਬਾ ਕੰਜ਼ਿਉਮਰ ਪ੍ਰੋਟੈਕਸ਼ਨ ਆਰਗੇਨਾਈਜੇਸ਼ਨ ਨੇ ਸੰਚਾਰ ਸਾਧਨਾਂ ਰਾਹੀਂ ਗ੍ਰਾਹਕ ਜਾਗਰੂਕਤਾ ਮੁਹਿੰਮ ਨੂੰ ਕਾਰਗਰ ਬਣਾਉਣ ਦਾ ਸੱਦਾ ਦਿੱਤਾ। ਇਸ ਮੌਕੇ ਨਾਟਕਕਾਰ ਅਤੇ ਅਦਾਕਾਰ ਅਸ਼ੋਕ ਪੁਰੀ ਦੀ ਟੀਮ ਵੱਲੋਂ ਪੇਸ਼ ਨਾਟਕ'ਸੋਨ ਤਰੰਗਾਂ' ਨੇ ਦਰਸ਼ਕਾਂ ਦੇ ਮਨਾਂ ਤੇ ਡੂੰਘੀ ਛਾਪ ਛੱਡੀ। ਸ਼ਾਇਰਾ ਨਿੰਮੀ ਵਸ਼ਿਸ਼ਟ ਅਤੇ ਸ਼ਾਇਰ ਡਾ. ਅਮਰਜੀਤ ਅਨੀਸ ਦੇ ਬਾਕਮਾਲ ਸ਼ਾਇਰੀ ਨਾਲ ਖ਼ੂਬਸੂਰਤ ਮਾਹੌਲ ਸਿਰਜਿਆ। ਅਨਿਲ ਕੁਮਾਰ ਕਾਇਮਜ਼ ਪ੍ਰੋਡੱਕਸ਼ਨ ਅਤੇ ਸਲੀਪਿੰਗ ਡਸਟ ਯੂ. ਕੇ. ਤੋਂ ਇਲਾਵਾ ਪੰਜਾਬੀ ਸਾਹਿਤ ਅਤੇ ਕਲਾ ਮੰਚ (ਰਜਿ: ) ਤਲਵਾੜਾ ਦੇ ਸਹਿਯੋਗ ਨਾਲ ਮਾਵਾਂ ਅਤੇ ਧੀਆਂ ਨੂੰ ਸਮਰਪਿਤ ਇਸ ਸ਼ੋਅ ਵਿੱਚ ਸਮਰਜੀਤ ਸ਼ਮੀ ਦੀ ਬੇਟੀ ਅੰਮ੍ਰਿਤ ਕੌਰ ਦੇ ਜਨਮ ਦਿਨ ਦਾ ਮੰਚ ਤੋਂ ਕੇਕ ਕੱਟਿਆ ਗਿਆ। ਉਂਕਾਰ ਬਾਜਵਾ ਅਤੇ ਰਮਨਪ੍ਰੀਤ ਵੱਲੋਂ ਮੰਚ ਸੰਚਾਲਨ ਕੀਤਾ ਗਿਆ। ਇਸ ਸ਼ੋਅ ਚ ਗਾਇਕ ਅਮਰੀਕ ਜੱਸਲ ਦੀ ਆਵਾਜ ਚ ਗਾਇਆ ਰੇਡੀਉ ਦਾ ਟਾਇਟਲ ਗੀਤ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਗਜਲ ਗਾਇਕ ਮਾਨਯੋਗ ਗੁਰਦੀਪ ਸਿੰਘ ਤੇ ਹੋਰ ਵੀ ਆਏ ਹੋਏ ਮਹਿਮਾਨਾਂ ਤੇ ਗਾਇਕਾਂ ਦੀ ਹਾਜਰੀ ਵੀ ਰਲੀਜ ਕੀਤਾ ਗਿਆ।ਇਸ ਗੀਤ ਦਾ ਸੰਗੀਤ ਅਮਰੀਕਾ ਤੋਂ ਸੰਗੀਤਕਾਰ (ਟੀ.ਐਮ.ਟੀ) ਨੇ ਤਿਆਰ ਕੀਤਾ ਹੈ। ਇਸ ਗੀਤ ਨੂੰ ਰੇਡੀਉ ਦੇ ਮਾਧਿਅਮ ਤੋ ਬਹੁਤ ਹੀ ਪਸੰਦ ਕੀਤਾ ਜਾ ਰਿਹਾ ਹੈ। ਰਾਣਾ ਐਵਰਗ੍ਰੀਨ ਗਰੁੱਪ ਦੇ ਸੰਗੀਤ ਵਿੱਚ ਲੋਕ ਗਾਇਕ ਜੀ. ਪੀ. ਬਾਲੀ, ਪ੍ਰਵੀਨ ਰੰਗੀਲਾ, ਅਮਰੀਕ ਜੱਸਲ, ਅਸਲਮ ਅਲੀ, ਰਣਜੀਤ ਬਿੱਟਾ, ਮਲਕੀਤ ਬੁੱਲਾ, ਡਿੰਪਲ ਰਾਜਾ, ਤਾਜ ਨਗੀਨਾ, ਮਨੋਹਰ ਧਾਰੀਵਾਲ, ਜੱਗੀ ਜੱਟ ਨੇ ਆਪਣੇ ਹਿੱਟ ਗੀਤਾਂ ਨਾਲ ਖ਼ੂਬ ਸਮਾਂ ਬੰਨ੍ਹਿਆ। ਰੇਡੀਉ ਦੀ ਟੀਮ ਵੱਲੋਂ ਗੁਰਜੀਤ ਸਿੰਘ ਭੰਵਰਾ ਵੱਲੋਂ ਮਹਿਮਾਨਾਂ ਸਵਾਗਤ ਕੀਤਾ ਗਿਆ ਅਤੇ ਪ੍ਰਸਾਰਿਤ ਹੁੰਦੇ ਪ੍ਰੋਗਰਾਮਾਂ ਬਾਰੇ ਜਾਣਕਾਰੀ ਦਿੱਤੀ ਗਈ। ਦੋਆਬਾ ਰੇਡੀਉ ਦੀ ਐਪ ਡਿਵੈਲਪ ਕਰਨ ਲਈ ਵਰਿੰਦਰ ਸਿੰਘ (ਐਂਡਰਾਇਡ) ਅਤੇ ਪਰਮ ਦਲਜੀਤ ਸਿੰਘ (ਆਈ. ਓ. ਐੱਸ.) ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਰਵੀ ਮਾਨ ਪ੍ਰੋਮੋਟਰ, ਐਡਵੋਕੇਟ ਨਰਿੰਦਰ ਸ਼ਰਮਾ, ਕੁਲਵਿੰਦਰ ਸਿੰਘ ਜੰਡਾ, ਹਰਦੀਪ ਕੌਰ ਜੱਸਲ, ਰਾਜਿੰਦਰ ਵਸ਼ਿਸ਼ਟ, ਡਾ. ਸੁਰਿੰਦਰ ਮੰਡ, ਹਰਬੰਸ ਹੀਉਂ, ਸੁਰਿੰਦਰ ਸਿੰਘ ਤਲਵਾੜਾ, ਪ੍ਰਿੰ. ਜਨਮੀਤ ਸਿੰਘ, ਮਨਜੀਤ ਸਿੰਘ ਹਾਜੀਪੁਰ, ਜਸਕਰਨ ਸਿੰਘ, ਸਿਮਰਨਪ੍ਰੀਤ ਸਿੰਘ, ਜਸਵੀਰ ਕੌਰ ਜੱਸ, ਹਰਸ਼ਵਿੰਦਰ ਕੌਰ, ਗੁਰਮੀਤ ਸਲੈਚ, ਜੇ. ਐੱਸ. ਗਿੱਲ, ਗੋਬਿੰਦ ਸੁਖੀਜਾ, ਰੂਪ ਜਲੰਧਰ, ਪਰਮ, ਬੇਅੰਤ ਸਿੰਘ, ਪਰਮਜੀਤ ਸਿੰਘ ਪੰਮਾ, ਜਸਵੰਤ ਖ਼ਾਨਪੁਰੀ, ਤੀਰਥ ਚੰਦ ਸਰੋਆ, ਬਲਵਿੰਦਰ ਸਿੰਘ ਸਿੱਧੂ, ਕੁਲਵਿੰਦਰ ਮਠਾਰੂ, ਰਾਜਿੰਦਰ ਸਿੰਘ, ਦਵਿੰਦਰ ਸਿੰਘ, ਡਾ. ਰਾਜ ਕੁਮਾਰ, ਜਰਨੈਲ ਜੈਲੀ, ਨਰੇਸ਼ ਵਰਮਾ, ਆਦਿ ਸਮੇਤ ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਪਤਵੰਤੇ ਹਾਜਰ ਸਨ।
Read More

ਵਿਆਹੁਤਾ ਨਾਲ ਘਰ ਵਿੱਚ ਵੜ ਕੇ ਬਲਾਤਕਾਰ ਕਰਨ ਦੇ ਦੋਸ਼ਾਂ ਤਹਿਤ ਇੱਕ 'ਤੇ ਮਾਮਲਾ ਦਰਜ

7:27:00 pm 0
ਤਲਵੰਡੀ ਸਾਬੋ, 22 ਅਪ੍ਰੈਲ (ਗੁਰਜੰਟ ਸਿੰਘ ਨਥੇਹਾ)- ਸਬ ਡਵੀਜਨ ਤਲਵੰਡੀ ਸਾਬੋ ਦੇ ਪਿੰਡ ਸ਼ੇਖਪੁਰਾ ਵਿਖੇ ਇੱਕ ਵਿਆਹੁਤਾ ਔਰਤ ਨਾਲ ਇੱਕ ਨੌਜਵਾਨ ਵੱਲੋਂ ਉਸ ਦੇ ਘਰ ਵਿੱਚ ਦਾਖਲ ਹੋ ਕੇ ਉਸ ਨਾਲ ਬਲਾਤਕਾਰ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਪੁਲਸ ਨੇ ਪੀੜਿਤ ਔਰਤ ਦੇ ਬਿਆਨਾਂ 'ਤੇ ਮਾਮਲਾ ਦਰਜ ਕਰਕੇ ਜਾਂਚ ਆਰੰਭ ਦਿੱਤੀ ਹੈ।
ਇਕੱਤਰ ਜਾਣਕਾਰੀ ਅਤੇ ਦਰਜ ਮਾਮਲੇ ਅਨੁਸਾਰ ਪਿੰਡ ਸ਼ੇਖਪੁਰਾ ਦੀ ਵਿਆਹੁਤਾ ਔਰਤ ਰਾਣੀ ਕੌਰ (ਕਾਲਪਨਿਕ ਨਾਮ) ਨੇ ਪੁਲਿਸ ਕੋਲ ਦਰਜ ਕਰਵਾਈ ਸ਼ਿਕਾਇਤ ਵਿੱਚ ਕਿਹਾ ਕਿ ਦੁਪਿਹਰ ਸਮੇਂ ਉਹ ਘਰ ਵਿੱਚ ਇਕੱਲੀ ਸੀ ਕਿ ਉਸ ਦੇ ਪਿੰਡ ਦਾ ਮੁੰਡਾ ਉਸ ਦੇ ਘਰ ਵਿੱਚ ਦਾਖਲ ਹੋ ਗਿਆ ਤੇ ਉਸ ਨਾਲ ਬਲਾਤਕਾਰ ਕੀਤਾ। ਪੀੜਿਤਾ ਬਠਿੰਡਾ ਵਿਖੇ ਹਸਪਤਾਲ ਵਿੱਚ ਦਾਖਲ ਹੋ ਗਈ ਜਿਥੇ ਤਲਵੰਡੀ ਸਾਬੋ ਪੁਲਸ ਨੇ ਪੀੜਤਾ ਦੇ ਬਿਆਨ ਦਰਜ ਕਰਕੇ ਮਲਕੀਤ ਸਿੰਘ ਵਾਸੀ ਸ਼ੇਖਪੁਰਾ ਖਿਲਾਫ ਧਾਰਾ 376, 452,506 ਆਈ. ਪੀ. ਸੀ. ਤਹਿਤ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਥਾਣਾ ਮੁਖੀ ਜਸਵਿੰਦਰ ਸਿੰਘ ਨੇ ਕਿਹਾ ਕਿ ਕਥਿਤ ਦੋਸ਼ੀ ਨੂੰ ਜਲਦੀ ਕਾਬੂ ਕਰ ਲਿਆ ਜਾਵੇਗਾ।
Read More

Post Top Ad

Your Ad Spot