BREAKING NEWS

Scroll

ਪੰਜਾਬ ਨਿਊਜ਼ ਚੈਨਲ ਨੂੰ ਹਰ ਦੇਸ਼, ਸ਼ਹਿਰ ਅਤੇ ਕਸਬੇ ਤੋਂ ਪੱਤਰਕਾਰਾਂ ਦੀ ਲੋੜ ਹੈ, ਸੰਪਰਕ : +91-98142-93386 ਜਾਂ ਈਮੇਲ ਕਰੋ punjabnewschannel@gmail.com

ਸਾਹਿਤ


ਇਨਸਾਨੀਅਤ
ਅੱਜ ਸ਼ੋਰ ਬੜਾ ਸੀ ਮਨ ਅੰਦਰ ਸ਼ਾਂਤ ਜਗ੍ਹਾ ਤੇ ਜਾਣਾ
ਉਸ ਜਗ੍ਹਾ ਨੂੰ ਜਾਂਦੀ ਪਗਡੰਡੀ ਦੇਖੀ ਮੈਂ।
ਮੱਲੋ ਮੱਲੀ ਪੈਰ ਮੇਰੇ ਵੀ ਓਧਰੋਂ ਨੂੰ ਹੀ ਤੁਰ ਪਏ
ਡਾਰ ਜਿਧਰ ਨੂੰ ਕਈ ਮਜ੍ਹਬਆਂ ਦੀ ਜਾਂਦੀ ਵੇਖੀ ਮੈਂ।
ਸ਼ਾਂਤੀ ਦਾ ਘਰ ਹੁੰਦੇ ਨੇ ਸਭ ਧਰਮਾਂ ਦੇ ਆਸਰੇ
ਸ਼ਇਦ ਏਸੇ ਲਈ ਓਧਰ ਨੂੰ ਜਾਂਦੀ ਬਹੁ ਗਿਣਤੀ ਵੇਖੀ ਮੈਂ।
ਕੁਝ ਦੂਰੀ ਤੇ ਇੱਕ ਸੀ ਉੱਚਾ ਮੰਦਿਰ ਆਇਆ
ਜਿਥੇ ਲਾਲ ਬਸਤਰ ਵਿਚ ਫਿਰਦੀ ਅਧਖੜ ਮਾਈ ਵੇਖੀ ਮੈਂ।
ਗੁੱਸੇ ਵਿਚ ਓਨਾ ਹੀ ਲਾਲ ਹੋਇਆ ਇਕ ਭਾਈ ਅੰਦਰੋਂ ਆਇਆ
ਤੈਨੂੰ ਅਕਲ ਨਹੀਂ ਕਿੱਧਰ ਮੂਹ ਚੱਕਿਆ ਡਾਂਟ ਜਹੀ ਪਾਈ ਵੇਖੀ ਮੈਂ।
ਉਹ ਭਰੀ ਪੀਤੀ ਸੀ ਤੁਰ ਗਈ ਓਥੋਂ ਮਸਜਿਦ ਦੇ ਰਾਹ ਵੱਲ ਨੂੰ
ਸਿਰ ਪਾਟੀ ਚੁੰਨੀ ਪੈਰੀਂ ਟੁੱਟੀ ਚੱਪਲ ਪਾਈ ਵੇਖੀ ਮੈਂ।
ਮਸਜਿਦ ਵਿਚੋਂ ਉੱਚੀ ਆਵਾਜ਼ ਆਈ ਉਹ ਧੁਰ ਅੰਦਰ ਤੱਕ ਕੰਬ ਗਈ
ਏਥੋਂ ਵੀ ਆਸ ਟੁੱਟ ਗਈ ਲਗਦਾ ਸੋਚਦੀ ਵੇਖੀ ਮੈਂ।
ਇੰਝ ਲਗਦਾ ਸੀ ਉਹ ਥੱਕ ਗਈ ਐ ਲੰਬੇ ਪੈਂਡੇ ਕਰਕੇ
ਤਾਂਹੀ ਅਗਲੇ ਦਰ ਦੀ ਕੁੰਡ ਵਾਲੀ ਟੂਟੀ ਮੂੰਹ ਨੂੰ ਲਾਈ ਵੇਖੀ ਮੈਂ।
ਤੂੰ ਜੂਠਾ ਕਰਤਾ ਸਾਰਾ ਕੁੰਡ ਹੁਣ ਧੋਣਾ ਪਊ ਕਹਿ ਧੱਕਾ ਦਿੱਤਾ ਤਿੱਖੀ ਮੁੱਛ ਵਾਲੇ ਨੇ
ਪਰ ਦੂਰੋਂ ਬੜੀ ਸੀ ਆਈ ਪੁੱਤ ਘੁੱਟ ਪਾਣੀ ਪੀਤਾ ਮੈਂ।
ਭੀੜ ਇਕੱਠੀ ਹੋਈ ਆਕੜ ਕ ਉਹ ਕਹਿੰਦਾ ਲੈਜੋ ਇਹਨੂੰ ਕਿਸ ਮਜ਼੍ਹਬ ਦੀ ਏ
ਪੁੱਛਾਂ ਮਾਈ ਕੋਲੋ ਉੱਚੀ ਉੱਚੀ ਬੜੀ ਬੁਲਾਈ ਮੈਂ।
ਸ਼ਇਦ ਉਹ ਅਧੂਰੀ ਹੀ ਚੱਲ ਵੱਸੀ ਇਸ ਦੁਨੀਆ ਤੋਂ
ਇਹ ਪੂਰੀ ਹੋਗੀ ਕੋਲ ਖੜੀ ਲੋਕ ਦੀ ਭੀੜ ਕਹਿੰਦੀ ਵੇਖੀ ਮੈਂ।
ਮੈਂ ਨਹੀਂ ਜਾਣਦਾ ਕੌਣ ਸੀ ਤੇ ਕਿਸ ਮਜ਼ਹਬ ਦੀ ਸੀ ਉਹ
ਪਰ ਬਿਲਕੁਲ ਆਪਣੇ ਵਰਗੀ ਇਨਸਾਨ ਸੀ ਵੇਖੀ ਮੈਂ।
ਦਿਲ ਅਸ਼ਾਂਤ ਹੋਇਆ ਤੂਫ਼ਾਨ ਬਣਿਆ ਕੁਝ ਲਿਖਦਿਆਂ ਓਹਦੇ ਨਾਮ ਲਈ
ਸੱਚ ਸਿੱਧੂ ਧਰਮਾਂ ਦੇ ਦੇਸ਼ ਚ ਇਨਸਾਨੀਅਤ ਮਰਦੀ ਵੇਖੀ ਮੈਂ।
-ਸਤਨਾਮ ਸਿੰਘ ਜੌੜਕੀਆਂ, ਪਿੰਡ ਜੌੜਕੀਆਂ, 94650-10304
------------------------------------------------------------------------------------------------------
ਵਕਤ ਕੇ ਹਾਂਥੋਂ
ਵਕਤ ਕੇ ਹਾਂਥੋਂ ਹਾਰੇ ਹੂਏ ਲੋਗੋ ਸੇ ਜੀਨੇ ਕੇ ਸਲੀਕੇ ਸੀਖੇਂ ਮੈਨੇ,
ਛੁੱਪਾ ਕਰ ਦਰਦੇ ਸੀਨੇ ਮੇਂ ਮੁਸਕਰਾਤੇ ਵੋਹੀ ਚਿਹਰੇ ਦੇਖੇਂ ਮੈਨੇ।

ਬੱਦਤਰ ਹਾਲ ਮੇਂ ਰਹਿਤੇ ਥੇ ਜੋ ਵੋਹੀ ਇਨਸਾਨੀਅਤ ਖਿਲਾਫ਼ ਹੂਏ,
ਹੋ ਗਏ ਜ਼ੋ ਇਸ਼ਕ ਦਿਵਾਨੇ ਮਹਿਲੋ ਵਾਲੇ ਗਲੀ ਕੂਚੋਂ ਮੇ ਦੇਖੇਂ ਮੈਨੇ।

ਆਸ ਵਸਲ ਕੀ ਦਿਲ ਮੇਂ ਸਿਮਟੇ ਫਿਰਤੇ ਪਲ ਜੁਦਾਈ ਕੇ ਝੇਲੇ ,
ਯਾਰ ਕੇ ਦਰ ਪੇ ਨਜ਼ਰ ਟਿਕੀ ਕਭੀ ਤੋਂ ਦੇਖੇ ਐਸੇ ਦੀਵਾਨੇ ਦੇਖੇ ਮੈਨੇ।

ਲੇਕਿਨ ਦਿਲ ਜਲਿਆ ਨਾ ਆਸ ਹੀ ਮੁੱਕੀ ਐਸੀ ਤੜਪ ਮੈਨੂੰ ਲਗੀ,
ਦਿਲ ਵਾਲ ਪ੍ਰੀਤਮ ਕੇ ਆਨੇ ਕੀ ਉਮੀਦੋਂ ਪੇ ਜਿੰਦਾ ਰਹਿਤੇ ਦੇਖੇ ਮੈਨੇ।

ਛੋੜ ਨਾ ਜਾਏ ਤੁਝੇ ਕਭੀ 'ਫ਼ਕੀਰਾ' ਐਸੀ ਉਸ ਸੇ ਨਿਹ ਲਗਾਲੈ,
ਜਿਸ ਨਾ ਕੋਈ ਹੋਤਾਂ ਦਿਲਬਾਰ ਰਾਹੋਂ ਰੁਲਤੇ ਕਈ ਦੇਖੇ ਮੈਨੇ।
-ਵਿਨੋਦ ਫ਼ਕੀਰਾ, ਸਟੇਟ ਐਵਾਰਡੀ, ਆਰੀਆ ਨਗਰ
ਕਰਤਾਰਪੁਰ, ਜਲੰਧਰ, ਮੋ.098721 97326
------------------------------------------------------------------------------------------------------
ਮਾਂ ਦੀ ਪੁਕਾਰ
ਕਮਲਿਆ, ਤੂੰ ਇੱਕ ਵਾਰੀ ਵੀ ਨਈਂ ਸੋਚਿਆ
ਮੈਂ ਕੀ ਵਿਗਾੜਿਆ ਸੀ ਤੇਰਾ?
ਕੀ ਨਈਂ ਕੀਤਾ ਤੇਰੇ ਲਈ, ਤੇਰੇ ਬੱਚਿਆਂ ਲਈ,
ਤੇਰੇ ਵੱਡੇ-ਵਡੇਰਿਆਂ ਲਈ?
ਜੰੰਮਣ ਤੋਂ ਲੈ ਕੇ ਅਖੀਰ ਤੱਕ, ਤੇਰਾ ਸਾਥ ਦਿੱਤਾ,
ਹਰ ਚਾਅ ਪੂਰੇ ਕੀਤੇ।

ਦੁਸ਼ਮਣਾ, ਤੂੰ ਇੱਕ ਵਾਰੀ ਵੀ ਨਈਂ ਸੋਚਿਆ
ਕਦੇ ਤਾਂ ਸੋਚਦਾ, ਕਦੇ ਤਾਂ ਦੇਖਦਾ ਮੇਰੇ ਵੱਲ,
ਕਿੰਨੇ ਦੁੱਖ ਸਹਿੰਦੀ ਹਾਂ ਮੈਂ ਤੇਰੇ ਲਈ।
ਆਪਣੇ ਪੈਰੀਂ ਆਪ ਕੁਹਾੜਾ ਮਾਰ ਰਿਹੈਂ,
ਕਰ ਰਿਹੈਂ ਕਤਲ ਤੂੰ ਆਪਣੀ ਹੀ ਜ਼ਿੰਦਗੀ
ਆਪਣੇ ਹੀ ਹੱਥੀਂ, ਮੈਨੂੰ ਜ਼ਹਿਰ ਦੇ ਕੇ।

ਚੰਦਰਿਆ, ਇੱਕ ਵਾਰੀ ਵੀ ਨਈਂ ਸੋਚਿਆ
ਕਿੰਨਾ ਦਰਦ ਹੁੰਦੈ, ਜਦੋਂ ਜ਼ਹਿਰ ਦਿੰਨੈਂ ਤੂੰ ਮੈਨੂੰ,
ਉਹ ਜ਼ਹਿਰ ਜਿਸ ਨਾਲ ਤੂੰ ਮਰਦੈਂ,
ਤੇਰੇ ਬੱਚੇ ਮਰਦੇ ਨੇ, ਤੇਰੇ ਜੰਮਣ ਵਾਲੇ ਮਰਦੇ ਨੇ।
ਕਿਸੇ ਦਾ ਅਚਨਚੇਤ ਬਦਲ ਜਾਣਾ ਕਿੰਨਾ ਦੁੱਖ ਦਿੰਦੈ,
ਕਿੰਨਾ ਦੁੱਖ ਦਿੰਦੈ, ਮੋਇਆਂ ਨੂੰ ਹੋਰ ਮਾਰ ਦੇਣਾ।

ਭੈੜਿਆ, ਹੁਣ 'ਤੇ ਇੱਕ ਵਾਰ ਕੁੱਝ ਸੋਚ ਲਾ
ਮੈਂ ਮਾਂ ਹਾਂ ਤੇਰੀ, ਤੇਰੀ ਧਰਤੀ ਮਾਂ
ਜਿਹਨੂੰ ਗੁਰੂਆਂ, ਪੀਰਾਂ, ਫਕੀਰਾਂ ਨੇ ਵੀ ਨਿਵਾਜਿਆ
ਪਰ ਤੂੰ, ਤੂੰ ਨਿੱਤ ਜ਼ਹਿਰਾਂ ਪਾ ਕੇ ਮੇਰੀ ਸੰਘੀ ਘੁੱਟ ਰਿਹੈਂ
ਮੇਰਾ ਕਤਲ ਕਰ ਰਿਹੈ, ਕਦੇ ਮਾਂ ਨੂੰ ਵੀ ਮਾਰਦੈ ਕੋਈ?
ਜ਼ਰਾ ਸੋਚ, ਕੋਈ ਮਾਂ ਨਾਲ ਵੀ ਕਰਦੈ ਐਸਾ ਵਰਤਾਓ?
ਧਰਤੀ ਮਾਂ ਨਾਲ, ਕੁੱਝ ਤਾਂ ਸੋਚ, ਕੁੱਝ ਤਾਂ ਵਿਚਾਰ ਕਰ।
-ਗੁਰਜੰਟ ਸਿੰਘ ਨਥੇਹਾ, ਪਿੰਡ ਨਥੇਹਾ (ਬਠਿੰਡਾ), 8968727272
------------------------------------------------------------------------------------------------------
ਮੱਲ੍ਹਮ ਦੀ ਆਸ
ਮੱਲ੍ਹਮ ਦੀ ਆਸ ਲੈ ਕੇ ਫੱਟ ਦਿਲ ਦੇ  ਜੋ ਦਿਖਾਏ
ਭੁੱਕ ਲੂਣ  ਆਖਰਾਂ ਦਾ ਰੱਜ ਕੇ ਉਹ ਮੁਸਕੁਰਾਏ ।

ਕਰ ਕੇ ਕਹਿਰ ਗਿਆ ਸੀ ਲਾਂਬੂ ਜੋ ਸੀਨੇ ਮੱਚਿਆ ,
ਬੇਸ਼ੱਕ ਅੰਬਰਾਂ ਨੇ ਹੰਝੂ ਸੀ ਲੱਖ ਵਹਾਏ ।

ਉਹ ਫੁੱਲ ਅਣਗਿਣਤ ਜੋ ਬਾਗਾਂ ਦੇ ਵਿੱਚ ਖਿੜੇ ਸੀ ,
ਪਤਝੜ ਨੇ ਜ਼ੁਲਮ ਕਰਕੇ ਮਿੱਟੀ ਦੇ ਵਿੱਚ ਮਿਲਾਏ ।

ਨਿਸ਼ਚਾ ਅਟੱਲ ਰਿਹਾ ਨਾ ਜਗਦੇ ਹੋਏ ਦੀਵਿਆਂ ਦਾ ,
ਤੱਕ ਸ਼ੂਕੀਆਂ ਹਵਾਵਾਂ ਖੌਰੇ ਕਿਉਂ ਡਗਮਗਾਏ ।

'ਰੱਤੀ' ਨੇ ਬੰਨ੍ਹ ਕੇ ਰੱਖੇ ਮੋਹ ਵਾਲੇ ਧਾਗਿਆਂ ਵਿੱਚ
ਰਿਸ਼ਤੇ ਕਈ ਤਾਂ ਐਪਰ ਫਿਰ ਵੀ ਸੰਭਲ ਨਾ ਪਾਏ ।
-ਅੰਜੂ ਵ ਰੱਤੀ
------------------------------------------------------------------------------------------------------
ਗਜ਼ਲ
ਭਾਰੀ ਖਾਕੇ ਸੱਟ ਮੁਸਕਰਾਉਣਾ ਕੋਈ ਹੀ ਜਾਣੇ।
ਨ੍ਹੇਰੀਆਂ ਵਿੱਚ ਦੀਵਾ ਵੀ ਜਲਾਉਣਾ ਕੋਈ ਹੀ ਜਾਣੇ।

ਲਿਖ ਬਹਿੰਦੇ ਲੋਕੀ ਇਸਕੇ ਵਿਚ ਦਿਲ ਤੇ ਨਾਂ ਅਕਸਰ ਹੀ,
ਪਾ ਧੋਖੇ ਕਰਦੇ ਯਾਰ ਮਿਟਾਉਣਾ ਕੋਈ ਹੀ ਜਾਣੇ।

ਤੇਰੇ ਸਬਰ ਲਿਆ ਹਰ ਟੈਸਟ ਤੇਰਾ ਸੀ ਹਰ ਪੱਖ਼ੋਂ।
ਸਭ ਕੁਝ ਸਹਿਕੇ ਵੀ ਸਭ ਕੁਝ ਭੁਲਾਉਣਾ ਕੋਈ ਹੀ ਜਾਣੇ।

ਪਾ ਲੈਂਦਾ ਏਂ ਭੰਗੜੇ ਯਾਰਾਂ ਦੇ ਖੁਸ ਹੋਵਣ ਤੇ ਤੂੰ,
ਬਿਨ ਮੌਕੇ ਵੀ ਰੂਹੋਂ ਭੰਗੜੇ ਪਾਉਣਾ ਕੋਈ ਹੀ ਜਾਣੇ।

ਜਿੱਤਣ ਵਾਲੀ ਤਾਂ ਬਾਜ਼ੀ ਨੂੰ ਹਰ ਕੋਈ ਹੀ ਖੇਡੇ,
ਹਰਦੀ ਨੂੰ ਹਿੰਮਤ ਕਰ ਪਲਟਾਉਣਾ ਕੋਈ ਹੀ ਜਾਣੇ।

ਮਹਿਫਿਲ ਵਿੱਚ ਚੋਰੀ ਚੋਰੀ ਨੈਣਾਂ ਦੀ ਖੇਡ ਕਈ ਖੇਡਣ,
ਬੇਝਾਕੇ ਦਿਲਬਰ ਕਹਿਕੇ ਬੁਲਾਉਣਾ ਕੋਈ ਹੀ ਜਾਣੇ।

ਘੰਟੀਆਂ ਖੜਕਣ ਤੇਜ਼ ਬੜੀ ਦਿਲ ਦੀਆਂ ਉਸਨੂੰ ਤੱਕ,
ਉਸਦੇ ਦਿਲ ਦੀ ਘੰਟੀ ਖੜਕਾਉਣਾ ਕੋਈ ਹੀ ਜਾਣੇ।
-ਹਰਦੀਪ ਬਿਰਦੀ 9041600900
------------------------------------------------------------------------------------------------------
ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਗੁਰਪੁਰਬ ਤੇ ਸਮਰਪਿੱਤ
ਕਦੀ ਉਤਰੇ ਨਾ ਨਾਮ ਖ਼ੁਮਾਰੀ ਮੇਰੇ ਸਤਿਗੁਰੂ ਨਾਨਕ,
ਮੇਰੀ ਹਰ ਪਲ ਤੁਸਾਂ ਦੇ ਅੱਗੇ ਇਹੋ ਹੀ ਅਰਜ਼ ਹੈ।

ਭਵ ਸਾਗਰ ਤੋਂ ਪਾਰ ਕਿਨਾਰੇ ਲਾ ਦਿਓ ਜੀ ,
ਅਨਹੱਦ ਬਾਣੀ ਕੱਟ ਦਿੰਦੀ ਹਰ ਮਰਜ਼ ਹੈ।

ਤੁਸਾਂ ਵਲੀ ਕੰਧਾਰੀ , ਕੋਡੇ ਰਾਖਸ਼ ਤਾਰੇ ਨੇ,
ਥੁਡੀ ਇਹ ਵੀ ਸਿਫ਼ਤ ਬਾਣੀ ਦੇ ਵਿੱਚ ਦਰਜ਼ ਹੈ।

ਐਵੇਂ ਆਵਾਗੌਣ ਦੇ ਚੱਕਰਾਂ ਵਿੱਚ ਮੈ ਫਸਿਆ,
ਇਹ ਦੁਨਿਆਵੀ ਵਾਲਾ ਸਿਰ ਮੇਰੇ ਤੇ ਕਰਜ਼ ਹੈ।

ਵਿੱਚ ਹੰਕਾਰ ਦੇ ਮੈਂ ਮੈਂ ਕਰਦਾ ਫਿਰੇ 'ਫ਼ਕੀਰਾ'
ਔਗਣਾਂ ਭਰੇ ਨੂੰ ਪਾਰ ਲਗਾਵੋ ਅਰਜ਼ ਹੈ।

ਕਦੀ ਉਤਰੇ ਨਾ ਨਾਮ ਖ਼ੁੁਮਾਰੀ ਮੇਰੇ ਸਤਿਗੁਰੂ ਨਾਨਕ,
ਮੇਰੀ ਹਰ ਪਲ ਤੁਸਾਂ ਦੇ ਅੱਗੇ ਇਹੋ ਹੀ ਅਰਜ਼ ਹੈ।
-ਵਿਨੋਦ ਫ਼ਕੀਰਾ, ਸਟੇਟ ਐਵਾਰਡੀ, ਆਰੀਆ ਨਗਰ
ਕਰਤਾਰਪੁਰ, ਜਲੰਧਰ, ਮੋ.098721 97326
------------------------------------------------------------------------------------------------------
ਸਨ ਸੰਤਾਲੀ
ਸਨ ਸੰਤਾਲੀ ਵਾਲਾ ਲੋਕੋ ਦੁੱਖ ਬਹੁਤ ਸੀ ਭਾਰਾ ਬਈ !
ਵਾਹਗੇ ਦੀ ਲੀਕ ਵਾਹ ਗਿਆ ਫਰੰਗੀ ਵਾਲਾ ਕਾਰਾ ਬਈ !

ਕਿਥੇ ਸ਼ੋਂਕ ਰਹਿ ਗਿਆ ਪੌਣੇ ਗਜਰੇ ਗੁੱਤਾਂ ਗੁੰਦਣ ਦਾ
ਲੱਭਿਆ ਵੀ ਨਹੀਂ ਲੱਭਦਾ ਚੂੜੀਆਂ ਵੇਚਦਾ ਕੋਈ ਵਣਜਾਰਾ ਬਈ !

ਪਰਦੇ ਵਾਲੀ ਗੱਲ ਨੂੰ ਤਾਂ ਢਕੀ ਰੱਖਣਾ ਹੀ ਚੰਗਾ ਹੈ
ਮੂਹੋ ਨਿਕਲੀ ਗੱਲ ਮੂੰਹ ਵਿੱਚ ਨਾ ਪਵੇ ਦੁਬਾਰਾ ਬਈ !

ਹਾੜੀ ਸੋਣੀ ਅੱਧੇ ਜੱਟਾਂ ਦੀ ਕੋਰਟ ਕਚਹਿਰੀ ਲੱਗ ਜਾਵੇ
ਗ਼ਲਤੀ ਨਾਲ  ਵਡਿਆ ਜਾਵੇ ਜੇ ਕਿਸੇ ਦਾ ਬੰਨਾ  ਕਿਆਰਾ ਬਈ !

ਮੰਨਿਆ ਕੇ ਮੀਂਹ ਪੈਣ ਤੇ ਚੋਂਦੀਆਂ ਸਾਡੇ ਘਰ ਦੀਆਂ ਛੱਤਾਂ
ਉਨ੍ਹਾਂ ਵੱਲ ਵੀ ਵੇਖੋ ਜੋ ਕਰਦੇ ਸੜਕਾਂ ਤੇ ਰਹਿ ਕੇ ਗੁਜਾਰਾ ਬਈ !

ਟੀ ਵੀ ਚੈਨਲ ਵਾਲੇ ਸਾਥੋਂ ਸਾਡਾ ਵਿਰਸਾ ਖੋਈ ਜਾਂਦੇ ਨੇ
ਖੇਤੀਬਾੜੀ ਲੋਕ ਗੀਤ ਭੁੱਲੂ ਔਂਦਾ ਕਦੋ ਸੀ ਲਿਸ਼ਕਾਰਾ ਬਈ !

ਗਲਾ  ਵਿੱਚ ਹਾਰ ਪਵਾਏ ਬੱਚਿਆਂ ਦੇ ਦਰਦੀ ਓਹਨਾ ਮਾਵਾਂ ਨੇ
ਜਿਨ੍ਹਾਂ ਨੂੰ ਸੀ ਆਪਣੇ ਨਾਲੋਂ ਵੱਧ ਕੇ ਸਿੱਖੀ ਸਿਦਕ ਪਿਆਰਾ ਬਈ !
-ਦਿਲਰਾਜ ਸਿੰਘ ਦਰਦੀ
------------------------------------------------------------------------------------------------------
ਹੱਥ ਮਿਲਾਕੇ ਤੁਰੋ
ਨਵੀਆਂ ਬਹਾਰਾਂ ਨਾਲ ਹੱਥ ਮਿਲਾਕੇ ਤਾਂ ਤੁਰੋ।
ਨਵੇਂ ਦਿਲਦਾਰਾਂ ਨਾਲ ਹੱਥ ਮਿਲਾਕੇ ਤਾਂ ਤੁਰੋ।

ਦੋਸਤੀ ਹੁੰਦੀ ਹੈ ਸੱਚੇ ਰੱਬ ਜਿਹੀ ਪਤਾ ਲੱਗੂ,
ਜ਼ਰਾ ਯਾਰਾਂ ਨਾਲ ਹੱਥ ਮਿਲਾਕੇ ਤਾਂ ਤੁਰੋ।

ਸਿਰ ਝੁਕਣਗੇ ਨਹੀਂ ਤਾਂ ਕੱਟ ਹੋਣਗੇ ਹੀ ਫਿਰ,
ਤੁਸੀਂ ਤਲਵਾਰਾਂ ਨਾਲ ਹੱਥ ਮਿਲਾਕੇ ਤਾਂ ਤੁਰੋ।

ਲੁੱਟਿਉ ਮੁਲਕ ਨੂੰ ਜਿਵੇਂ ਦਿਲ ਚਾਹੇ ਤੁਹਾਡਾ ਹੀ,
ਬਸ ਸਰਕਾਰਾਂ ਨਾਲ ਨਾਲ ਹੱਥ ਮਿਲਾਕੇ ਤਾਂ ਤੁਰੋ।

ਕਹਿਕੇ ਲੋਕ ਖਾਲਸਾ ਜੀ ਕਰਨਗੇ ਮਾਣ ਤੁਹਾਡਾ,
ਪੰਜ ਕਕਾਰਾਂ ਨਾਲ ਨਾਲ ਹੱਥ ਮਿਲਾਕੇ ਤਾਂ ਤੁਰੋ।

ਬਦਲ ਜਾਵੇਗੀ ਜ਼ਿਦੰਗੀ ਸਭਦੀ, ਤੁਸੀਂ ਬਸ,
ਸੱਚੇ ਵਿਚਾਰਾਂ ਨਾਲ ਹੱਥ ਮਿਲਾਕੇ ਤਾਂ ਤੁਰੋ।

ਜ਼ਿੰਦਗੀ ਦੀ ਪੇਚੌਦਾ ਮੀਨਾਕਾਰੀ ਸਿੱਖ ਲਵੋਗੇ,
ਸੁਲਝੇ ਕਲਾਕਾਰਾਂ ਨਾਲ ਹੱਥ ਮਿਲਾਕੇ ਤਾਂ ਤੁਰੋ।

ਕੋਕੇ ਘੜਨੇ ਮਹਿਬੂਬ ਲਈਈ ਸਿੱਖ ਜਾਵੋਗੇ ਤੁਸੀਂ,
ਸੁਲਝੇ ਸੁਨਿਆਰਾਂ ਨਾਲ ਹੱਥ ਮਿਲਾਕੇ ਤਾਂ ਤੁਰੋ।

ਹਰ ਗਾਹਕ ਕਰੇਗਾ ਖਾਲੀ ਅਪਣੀ ਜੇਬ ਖੁਦ ਹੀ,
ਜੋਂਕ ਬਜ਼ਾਰਾਂ ਨਾਲ ਹੱਥ ਮਿਲਾਕੇ ਤਾਂ ਤੁਰੋ।
-ਹਰਦੀਪ ਬਿਰਦੀ 9041600900
------------------------------------------------------------------------------------------------------
ਗੁਰਪੁਰਬ
ਆਓ ਜਨਮ ਦਿਹਾੜਾ ਮਨਾਈਏ ਬਾਬੇ ਨਾਨਕ ਦਾ ।
ਘਰ-ਘਰ  ਸੁਨੇਹਾ  ਪਹੁੰਚਾਈਏ  ਬਾਬੇ ਨਾਨਕ ਦਾ ।

ਜਬਰ-ਜੁਲਮ ਦੇ ਖਿਲਾਫ਼ ਆਵਾਜ਼ ਯਾਰੋ ਉਠਾਣੀ ਹੈ ,
ਗਰੀਬ ਤੇ ਭੁੱਖਿਆਂ ਨੂੰ ਰੋਟੀ ਵੀ ਹਮੇਸ਼ਾਂ  ਖੁਆਣੀ ਹੈ ।
ਮਹਿਮਾ  ਰੱਬ ਦੀ ਗਾਈਏ  ਸੁਨੇਹਾ ਬਾਬੇ ਨਾਨਕ ਦਾ ,
ਆਓ ਮਿਲ ਕੇ ਗੁਰਪੁਰਬ ਮਨਾਈਏ ਬਾਬੇ ਨਾਨਕ ਦਾ...

ਦਸਾਂ ਨਹੁੰਆਂ ਦੀ ਕਿਰਤ ਕਰਨੀ ਬਾਬੇ ਸਿਖਾਈ ਹੈ ।
ਨਾਰੀ ਦੇ ਹੱਕਾਂ ਲਈ ਆਵਾਜ਼ ਵੀ  ਉਸ ਉਠਾਈ ਹੈ ,
ਪਾਪ ਦੀ ਕਮਾਈ ਨ ਖਾਈਏ ਸੁਨੇਹਾ ਬਾਬੇ ਨਾਨਕ ਦਾ ,
ਆਓ ਜਨਮ ਦਿਹਾੜਾ ਮਨਾਈਏ ਬਾਬੇ ਨਾਨਕ ਦਾ...

ਬਾਬੇ  ਨੇ ਖੰਡਨ ਕੀਤਾ ਹੈ  ਹਮੇਸ਼ਾਂ  ਜਾਤਾ-ਪਾਤਾਂ ਦਾ ,
ਵਹਿਮ-ਭਰਮ ਤੇ ਲੋਕਾਂ ਨੂੰ ਲੁੱਟਦੀਆਂ ਕਰਾਮਾਤਾਂ ਦਾ।
ਮਨਦੀਪ ਆਓ ਸਮਾਜ ਸਿਰਜੀਏ ਬਾਬੇ ਨਾਨਕ ਦਾ ,
ਆਓ ਜਨਮ ਦਿਹਾੜਾ ਮਨਾਈਏ ਬਾਬੇ ਨਾਨਕ ਦਾ...
-ਮਨਦੀਪ ਗਿੱਲ ਧੜਾਕ, 9988111134
------------------------------------------------------------------------------------------------------
ਗਜ਼ਲ ਅਧੂਰੀ
ਕਦੇ ਕਦੇ ਕੁੱਝ ਹਰਫ਼ਾਂ ਕਰਕੇ ਗਜ਼ਲ ਅਧੂਰੀ ਰਹਿ ਜਾਂਦੀ,
ਕੁਝ ਵਿਛੜੇ ਮਿਲਦੇ ਨਾ ਕਦੇ ਕੁੱਝ ਕਦਮ ਦੀ ਦੂਰੀ ਰਹਿ ਜਾਂਦੀ,
ਕੁੱਝ ਰਿਸ਼ਤੇ ਕਦੇ ਸਿਰੇ ਨਾ ਚੜ੍ਹਦੇ ਸਬਬ ਲਾਚਾਰੀ ਬਣ ਜਾਂਦੀ
ਇਕ ਮਜ਼ਬੂਰੀ ਮੁੱਕਦੀ ਤੇ ਇਕ ਮਜ਼ਬੂਰੀ ਰਹਿ ਜਾਂਦੀ,
ਜਾਂ ਚੜ੍ਹ ਜਾਵੇ ਪਿਆਰ ਸਿਰੇ,ਜਾਂ ਦਗਾ ਪਿਆਰ ਚੋਂ ਮਿਲ ਜਾਵੇ
ਜੇ ਨਾ ਇੰਝ ਹੋਵੇ ਉਲਝਣ ਵਿਚ ਜਿੰਦਗੀ ਪੂਰੀ ਰਹਿ ਜਾਂਦੀ,
ਫ਼ਰਜ ਗਿਣਾ ਦੇਂਦੇ ਜਦ ਮਾਪੇ ਰਾਂਝੇ ਬਣਨਾ ਭੁੱਲ ਜਾਂਦਾ
ਹੀਰ ਨੂੰ ਮਿਲਣ ਨਾ ਜਾ ਹੁੰਦਾ ਉਹਦੇ ਹੱਥ ਵਿਚ ਚੂਰੀ ਰਹਿ ਜਾਂਦੀ,
ਕਦੇ ਕਦੇ ਇਸ਼ਕੇ ਦੇ ਰਾਹ ਵਿੱਚ ਮੰਜਿਲ ਨੇੜੇ ਹੁੰਦੀ ਏ
ਫਿਰ ਵੀ ਪੁੱਜਿਆ ਜਾਂਦਾ ਨਾ ਰੱਬ ਦੀ ਮੰਜੂਰੀ ਰਹਿ ਜਾਂਦੀ,
ਖਾਸ ਕੋਈ ਗੱਲ ਜਿਸਨੂੰ ਦੱਸਣੀ ਉਸਨੂੰ ਹੀ ਦਸ ਹੁੰਦੀ ਨਾ
"ਸ਼ਾਯਦ" ਵੇ ਫਿਰ ਦਿਲ ਵਿੱਚ ਦਬ ਕੇ ਗੱਲ ਜ਼ਰੂਰੀ ਰਹਿ ਜਾਂਦੀ,
-ਬਸੰਤ ਕੁਮਾਰ "ਸ਼ਾਯਦ", ਜਲੰਧਰ
ਮੋ. 09855178626
------------------------------------------------------------------------------------------------------
ਅਪਨੇ
ਕੋਈ ਜਾਨਤਾ ਥਾ ਨਹੀਂ, ਕਭੀ ਮੁਝ ਕੋ ਇਸ ਸ਼ਹਿਰ ਮੇਂ,
ਅਭ ਤੇਰੇ ਹੀ ਨਾਮ ਸੇ, ਸਭੀ ਸ਼ਖ਼ਸ ਮੁਝ ਕੋ ਬੁਲਾਨੇ ਲਗੇ।

ਖੋਅ ਗਿਆ ਦਿਲ ਮੇਰੇ ਕਾ ਸਕੂਨ, ਅਭ ਹੈ ਤੁਮਹਾਰਾ ਜਨੂਨ,
ਤੇਰੀ ਯਾਦੋਂ ਸੇ ਹੀ ਦਿਲ ਕੇ, ਅਰਮਾਂ ਅਭੀ ਸੁਲਗਨੇ ਲਗੇ।

ਬਿਆਂ ਕਰਤੇ ਥੇ ਤੁਮ ਜਬ, ਆਪਨੇ ਇਜਹਾਰੇ ਇਸ਼ਕ ਕੋ,
ਵੋਹੀ ਅਲਫ਼ਾਜ ਆਜ, ਫਿਰ ਸੇ ਜ਼ਿਹਨ ਮੇ ਬਿਖ਼ਰਨੇ ਲਗੇ।

ਜਿਸ ਕਦੱਰ ਛੋੜ ਕਰ ਤਨਹਾ, ਮੁਝੇ ਚੱਲ ਦਇਏ ਹੋ ਤੁਮ,
ਜੋ ਮੈਨੇ ਸਪਨੇ ਸੰਯੋਏ, ਵੋਹ ਏਕ ਏਕ ਕਰਕੇ ਟੂਟਨੇ ਲਗੇ।

ਮੈਂ ਤੋ ਜ਼ੀਅ ਰਹਾਂ ਹੂੰ, ਲੇਕਿਨ ਮਾਲੂਮ ਨਹੀਂ ਕਿਸ ਕੀ ਲੀਏ,
ਦਿਨ ਗੁਜ਼ਰ ਹੋ ਰਹੇ ਹੈਂ, ਉਮੀਦੋਂ ਕੇ ਪਲ ਅਭ ਸਿਮਟਨੇ ਲਗੇ।

'ਫ਼ਕੀਰਾ' ਕੇ ਦਿਲ ਪੇ ਛਾ ਗਿਆ, ਵੈਰਾਨੀ ਕਾ ਆਲਮ,
ਛੋਡ ਦੇ ਅਭ ਯੇਹ ਦੁਨੀਆਂ, ਅਪਨੇ ਹੀ ਦਿਲ ਦੁਖਾਨੇ ਲਗੇ।

ਕੋਈ ਜਾਨਤਾ ਥਾ ਨਹੀਂ, ਕਭੀ ਮੁਝ ਕੋ ਇਸ ਸ਼ਹਿਰ ਮੇਂ,
ਅਭ ਤੇਰੇ ਹੀ ਨਾਮ ਸੇ, ਸਭੀ ਸ਼ਖ਼ਸ ਮੁਝ ਕੋ ਬੁਲਾਨੇ ਲਗੇ।
-ਵਿਨੋਦ ਫ਼ਕੀਰਾ, ਸਟੇਟ ਐਵਾਰਡੀ, ਆਰੀਆ ਨਗਰ
ਕਰਤਾਰਪੁਰ, ਜਲੰਧਰ, ਮੋ.098721 97326
------------------------------------------------------------------------------------------------------
ਦੀਵਾਲੀ
ਖੁਸ਼ੀਆਂ ਵੰਡਦੀ ਹੈ ਫਿਰ ਰਾਤ ਕਾਲ੍ਹੀ ,
ਜਦੋਂ ਆਉਦੀ ਹੈ ਸਾਲ ਪਿੱਛੋ ਦੀਵਾਲੀ ।

ਲੋਕੀ ਕਰਦੇ ਨੇ ਘਰਾਂ ਦੀ ਸਫਾਈ ,
ਰਹਿੰਦੀ ਬਜਾਰਾਂ ਚੋਂ ਮਸਤੀ ਛਾਈ ।
ਹਰ ਥਾਂ ਰੌਣਕ ਹੁੰਦੀ ਹੈ ਬਾਹਲੀ....

ਬੱਚਿਆਂ ਦੇ ਚਾਅ ਨਹੀਂ ਸੰਭਾਲੇ ਜਾਂਦੇ ,
ਸਭ ਰਲ-ਮਿਲ ਕੇ ਦੀਪ ਨੇ ਜਲਾਂਦੇ ।
ਕੋਈ ਲੜ੍ਹੀ ਚਲਾਏ ਪਟਾਕਿਆਂ ਵਾਲੀ...

ਸਾਨੂੰ ਇਤਿਹਾਸ ਨਾਲ ਹੈ ਇਹ ਜੋੜਦੀ,
ਗਿੱਲ ਬੁਰੇ ਕੰਮਾਂ ਤੋਂ ਵੀ ਇਹ ਹੈ ਮੋੜਦੀ ।
ਕਰੀਏ ਹਰ ਧੀ-ਭੈਣ ਦੀ ਰਖਵਾਲੀ....
-ਮਨਦੀਪ ਗਿੱਲ ਧੜਾਕ, 9988111134
------------------------------------------------------------------------------------------------------
ਅਾਵੇ ਦੀਵਾਲ਼ੀ
ਜਗਮਗ ਬਨੇਰੇ ਨੇ, ਦੀਵੇ ਚੁਫ਼ੇਰੇ ਪਰ
ਸੁੱਖਾਂ ਦੀ ਅਾਵੇ, ੲਿਹ ਦਾਤਾ ਦੀਵਾਲ਼ੀ
ਕਿਰਤੀ ਦਾ ਖ਼ੀਸਾ ਰਹੇ ਭਰਿਅਾ- ਭਰਿਅਾ
ਖੁਸ਼ੀਅਾਂ ਮਨਾਵੇ ੳੁਹਦੀ, ਕਰਮਾਂਵਾਲੀ
ਬ੍ਰਿਹਾ ਦੀ ਰੁੱਤੇ ਜੋ ਪਲ਼ ਵੀ ਨਾ, ਸੁੱਤੇ ਜੋ
ਬੇਨੂਰ ਮੁੱਖੜਾ ਹੁਣ, ਖੋ ਬੈਠੇ ਲ਼ਾਲ਼ੀ
ਜੋ ਦੂਰ ਤੁਰ ਗੲੇ, ੳੁਹ ਮੁੜਕੇ ਨਾ ਅਾੲੇ
ਕਿਸ ਬਿਧ ਜਲ਼ਾਵਾਂ, ਜੋ ਦੀਵੇ ਹੀ ਖਾਲ਼ੀ
ਕਰਜ਼ੇ ਦੇ ਥੱਲ਼ੇ ਸੀ, ਦੱਬੀ ਕਿਸਾਨੀ ਜੋ
ਬਣ ਬੈਠੀ ਫੰਦਾ ਹੀ, ਖੇਤਾਂ ਦੀ ਟਾਹਲ਼ੀ
ਖਿੜੀਅਾਂ ਸੀ ਕਲ਼ੀਅਾਂ, ਜੋ ਮੁਰਝਾ ਤਾਂ ਗੲੀਅਾਂ
ਕਿ ੳੁਹਨਾਂ ਦੀ ਖ਼ੁਸ਼ਬੂ ਦੇ, ਨਾਬਰ ਸੀ  ਮਾਲ਼ੀ
ਕਿਰਨੋਂ ਅਾ ਝੀਥਾਂ ਚੋਂ ਹੂੰਝੋ ਸਵੇਰਾ ਕਿ,
ਹਰ ਕੋਨੇ ਪਹੁੰਚੇ, ੲਿਹ ਸੂਰਜ਼ ਦੀ ਲ਼ਾਲ਼ੀ
-ਰਾਜਵਿੰਦਰ ਕੌਰ 'ਜਟਾਣਾ'
------------------------------------------------------------------------------------------------------
ਦਿਵਾਲੀ
ਤੇਲ ਅਤੇ ਬੱਤੀ ਨੂੰ ਦੀਵਾ ਪਿਆ ਆਖਦਾ,
ਆਪਾਂ ਹਰ ਕੋਨੇ ਕੋਨੇ ਨੂੰ ਹੈ ਰੁਸ਼ਨਾਉਣਾ।

ਮਹਿਲਾਂ ਤੇ ਝੁੱਗੀਆਂ, ਰਾਹੇ ਤੇ ਚੋਰਾਹੇ ਵਿੱਚ,
ਹਰ ਇੱਕ ਦੇ ਦਰਾਂ ਉੱਤੇ ਟਿਮਟਮਾਉਣਾ।

ਟੁੱਟਦੇ ਨੇ ਪਏ ਇੱਥੇ ਸਾਂਝ ਵਾਲੇ ਰਿਸ਼ਤੇ,
ਪਰ ਆਪਾਂ ਤਿੰਨਾਂ ਨੇ ਹੈ ਸਾਥ ਨਿਭਾਉਣਾ।

ਵੇਖਾਂਗੇ ਨਜ਼ਾਰੇ ਜੱਦ ਪਈਆਂ ਤਰਕਾਲਾਂ,
ਬੱਚਿਆਂ ਨੇ ਫੁੱਲਝੜੀਆਂ ਨੂੰ ਫੇਰ ਘੁਮਾਉਣਾ।

ਮੰਗਣੀਆਂ ਸੁੱਖਾਂ ਬਾਲ ਪਰਿਵਾਰ ਦੀਆਂ,
ਸ਼ਰਧਾ ਦੇ ਵਿੱਚ ਸਿਰਾਂ ਨੂੰ ਝੁਕਾਉਣਾ।

ਸਤਿਗੁਰਾਂ ਰਾਜਿਆਂ ਨੂੰ ਮੁਕਤ ਕਰਾਇਆ ਸੀ,
ਬੰਦੀਛੋੜ ਦਿਨ ਦੀ ਯਾਦ ਵਿੱਚ ਵੀ ਸਾਨੂੰ ਰੁਸ਼ਨਾਉਣਾ।

ਤੇਲ ਅਤੇ ਬੱਤੀ ਮੁੜ ਦੀਵੇ ਨੂੰ ਪਏ ਆਖਦੇ,
ਭਾਗਾਂ ਵਾਲੇ ਦਿਨ ਅਸਾਂ ਸਾਥ ਤੇਰਾ ਹੈ ਨਿਭਾਉਣਾ।

ਲੈ ਕੇ ਆਵੇ ਸਭ ਲਈ ਖੁੱਸੀਆਂ ਤੇ ਖੇੜੇ,
ਰੀਝਾਂ ਸੰਗ ਅਸੀਂ ਦਿਵਾਲੀ ਨੂੰ ਮਨਾਉਣਾ,

ਸਾਡੀਆਂ ਦੁਆਵਾਂ ਵੀ ਸਾਰਿਆਂ ਦੇ ਨਾਲ ਨੇ,
'ਫ਼ਕੀਰਾ' ਨੇ ਵੀ ਆਪਣੇ ਪਿਆਰੇ ਲਈ ਜਗਾਉਣਾ।

ਤੇਲ ਅਤੇ ਬੱਤੀ ਨੂੰ ਦੀਵਾ ਪਿਆ ਆਖਦਾ,
ਆਪਾਂ ਹਰ ਕੋਨੇ ਕੋਨੇ ਨੂੰ ਹੈ ਰੁਸ਼ਨਾਉਣਾ।
-ਵਿਨੋਦ ਫ਼ਕੀਰਾ, ਸਟੇਟ ਐਵਾਰਡੀ, ਆਰੀਆ ਨਗਰ
ਕਰਤਾਰਪੁਰ, ਜਲੰਧਰ, ਮੋ.098721 97326
------------------------------------------------------------------------------------------------------

ਗੀਤ
ਐਸੀ ਪਾਈ ਤੂੰ ਕਹਾਣੀ, ਮੈਥੋਂ ਜਾਵੇ ਨਾ ਸੁਣਾਈ ਸਜੱਣਾ ਵੇ,
ਮੁੱਕਾ ਅੱਖੀਆਂ ਦਾ ਪਾਣੀ, ਦਿੰਦੀ ਫਿਰਾਂ ਮੈਂ ਦੁਹਾਈ ਸਜੱਣਾ ਵੇ।
ਐਸੀ ਪਾਈ ਤੂੰ ਕਹਾਣੀ, ਮੈਥੋਂ ਜਾਵੇ ਨਾ ਸੁਣਾਈ ਸਜੱਣਾ ਵੇ ।

ਟੁੱਟੇ ਹੋਏ ਤਾਰੇ ਵਾਂਗਰਾਂ, ਲੱਗੇ ਹੁਣ ਟੁੱਟੀ ਮੇਰੀ ਤਕਦੀਰ,
ਰਾਂਤੀਂ ਨੀਂਦਰ ਨਾ ਨੈਣੀ, ਰਹੇ ਖਿਆਲਾਂਵਿੱਚ ਤੇਰੀ ਤਸਵੀਰ,
ਦਿਲ ਕੱਲੀ ਦਾ ਨਾ ਲੱਗੇ, ਲੋਕੀ ਆਖ਼ਦੇ ਹੋ ਗਈ ਸੁyਦਾਈ ਵੇ।
ਐਸੀ ਪਾਈ ਤੂੰ ਕਹਾਣੀ, ਮੈਥੋਂ ਜਾਵੇ ਨਾ ਸੁਣਾਈ ਸਜੱਣਾ ਵੇ ।

ਐਸੀ ਇਸ਼ਕੇ ਵਿੱਚ ਰੰਗੀ, ਗਲ ਲੱਗੇ ਨਾ ਕੋਈ ਮੰਦੀ ਚੰਗੀ,
ਸੁਣ ਜੱਗ ਦੀਆਂ ਗੱਲਾਂ, ਜਿੰਦ ਸੂਲੀ ਉੱਤੇ ਗਈ ਮੇਰੀ ਟੰਗੀ,
ਸੀਨਾ ਨਾਲ ਲਾ ਲੈ ਆ ਕੇ, ਜਿੰਦ ਹੋ ਨਾ ਜਾਏ ਜਗ ਤੋਂ ਪਰਾਈ ਵੇ।
ਐਸੀ ਪਾਈ ਤੂੰ ਕਹਾਣੀ, ਮੈਥੋਂ ਜਾਵੇ ਨਾ ਸੁਣਾਈ ਸਜੱਣਾ ਵੇ।

ਦਿੱਤੀ ਵਕਤ ਨੇ ਹਾਰ ਮੈਨੂੰ, ਵਿਛੜਿਆ ਪਿਆਰਾ ਮੈਂਥੋਂ ,
ਦਿਲ ਵਾਲੀ ਗੱਲ ਕਿਸ ਨੂੰ ਸੁਣਾਵਾਂ,ਭੇਦ ਲੈਦੇਂ ਸਾਰੇ ਮੈਂਥੋਂ,
ਹੁਣ ਬੈਠੀ ਤੱਕਾਂ ਜਿੰਦਗੀ 'ਫ਼ਕੀਰਾ' ਦੀ ਗਈ ਕੁਮਲਾਈ ਵੇ,
ਐਸੀ ਪਾਈ ਤੂੰ ਕਹਾਣੀ, ਮੈਥੋਂ ਜਾਵੇ ਨਾ ਸੁਣਾਈ ਸਜੱਣਾ ਵੇ,

ਮੁੱਕਾ ਅੱਖੀਆਂ ਦਾ ਪਾਣੀ, ਦਿੰਦੀ ਫਿਰਾਂ ਮੈਂ ਦੁਹਾਈ ਸਜੱਣਾ ਵੇ।
ਐਸੀ ਪਾਈ ਤੂੰ ਕਹਾਣੀ, ਮੈਥੋਂ ਜਾਵੇ ਨਾ ਸੁਣਾਈ ਸਜੱਣਾ ਵੇ ।
-ਵਿਨੋਦ ਫ਼ਕੀਰਾ, ਸਟੇਟ ਐਵਾਰਡੀ, ਆਰੀਆ ਨਗਰ
ਕਰਤਾਰਪੁਰ, ਜਲੰਧਰ, ਮੋ.098721 97326
------------------------------------------------------------------------------------------------------
ਦੀਵਾਲੀ / ਬੰਦੀ ਛੋੜ
ਹਰ ਸਾਲ ਦੇ ਵਾਗੂ ੲਿਸ ਵਾਰ ਵੀ ਦੀਵਾਲੀ ਅਾੳੁਣੀ ੲੇ
ਪਹਿਲਾ ਵਾਗੂ ਹੱਸ ਖੇਡ ਕੇ ਪਰਿਵਾਰ ਨਾਲ ਮਨਾੳੁਣੀ ੲੇ

ਬੜੇ ਹੀ ਯਾਰ ਵਧਾੲੀਆ ਦੇ ਵੀ ਮੈਸਿਜ ਅਾੳੁਣੇ ਫੋਨਾ ਤੇ
ਬੇਸ਼ੱਕ ਜਿੰਦਗੀ ਗੁਜਰ ਰਹੀ ੲੇ ਸਰਕਾਰੀ ਹੀ ਲੋਨਾ ਤੇ

ਅਾਂਡੇ ਮੀਟ ਸ਼ਰਾਬਾ ਦਾ ਵੀ ੲਿੱਥੇ ਬਹੁਤੇ ਦੌਰ ਚਲਾਵਣਗੇ
ਗੁਰੂ ਘਰਾਂ ਵਿੱਚ ਵੇਖ ਲਿੳੁ ੲਿੱਕ ੲਿੱਕ ਜੀ ਹੀ ਜਾਵਣਗੇ

ਚਲੋ ਪਟਾਕੇ ਬੇਸ਼ੱਕ ਤੁਸੀ ਮਹਿੰਗੇ ਹੀ ਯਾਰ ਚਲਾਉਦੇ ਰਹੋ
ਬੱਚਿਆ ਨੂੰ ਬੰਦੀ ਛੋੜ ਦਿਵਸ ਵੀ ਚੇਤੇ ਤੁਸੀਂ ਕਰਾੳੁਦੇ ਰਹੋ

ਦੱਸਿੳੁ ਮੀਰੀ ਪੀਰੀ ਵਾਲੇ ਦਾਤੇ ਕਿੱਥੋਂ ਵਾਪਿਸ ਆਏ ਸੀ
ਨਾਲ ਅਾਪਣੇ ਕਿੰਨੇ ਕੈਦੀ ਰਾਜੇ ਹੋਰ ਵੀ ਨਾਲ ਲਿਅਾੲੇ ਸੀ

ਸ਼ਹਿਰ ਕਿਹੜਾ ਸੀ ਜਿੱਥੋਂ ਅਾੲੇ ਕਿੱਥੇ ੳੁਸ ਦਿਨ ਪਹੁੰਚੇ ਸੀ
ਕਿਹੜਾ ਰਾਜਾ ਸੀ ਦੱਸ ਦੇਣਾ ਜਿਸਦੇ ਕੀਤੇ ਦੂੁਰ ਭੁਲੇਖੇ ਸੀ

ਇਤਿਹਾਸ ਆਪਣਾ ਯਾਦ ਰੱਖਿੳੁ ਵਿਸਾਰ ਨਾ ਦੇਣਾ ਖਿਅਾਲਾਂ ਤੋਂ
ਦੱਸ ਚੜਤ ਸਿੱਖਾਂ ਕੀ ਲੈਣਾ ਰਾਮ ਚੰਦਰ ਜੀ ਦੇ ਚੌਦਾਂ ਸਾਲਾ ਤੋਂ
-ਚੜਤ ਬੋਦੇਵਾਲੀਆ, 9915077153
------------------------------------------------------------------------------------------------------
ਇੱਕ ਸਿਵਾ ਮਨ ਅੰਦਰ
ਸੁਲਗਦਾ ਰਹਿੰਦਾ ਹੈ ਇੱਕ ਸਿਵਾ ਮਨ ਅੰਦਰ..
ਕੀ ਲੋੜ ਸੀ ਤੈਨੂੰ ਓਥੇ ਖੁਦ ਨੂੰ ਮੁਕਾਉਣ ਦੀ..

ਮੇਰੀ ਰੂਹ ਤਾਂ ਮਰਨੀ ਨਹੀਂ ਤੇਰੇ ਜ਼ੁਲਮ ਨਾਲ..
ਕੀ ਲੋੜ ਸੀ ਮੈੁਨੂੰ ਦੱਸ ਜ਼ਿੰਦਾ ਦਫ਼ਨਾਉਣ ਦੀ..

ਖਿਡਾਉਣਿਆਂ ਦੀ ਭਰਮਾਰ ਹੈ ਬਜ਼ਾਰਾਂ ਅੰਦਰ..
ਮੈਂ ਚੀਜ਼ ਨਹੀਂ ਸੀ ਤੇਰੇ ਚਿੱਤ ਪਰਚਾਉਣ ਦੀ..

ਮੇਰਾ ਦਿਲ ਤਾਂ ਤੇਰੇ ਤੇ ਨਹੀਂ ਆਉਣਾ ਕਦੇ ਵੀ ..
ਨਾ ਕੋਸ਼ਿਸ਼ ਨਾਕਾਮ ਕਰ ਮੈਨੂੰ ਭਰਮਾਉਣ ਦੀ..

ਮੈਂ ਸਦਕੇ ਜਾਂਦਾ ਹਾਂ ਤੇਰੇ ਅਣਥੱਕ ਹੌਂਸਲੇ ਦੇ..
ਛੱਡੀ ਨਹੀਂ ਉਮੀਦ ਜਿਸਨੇ ਵਾਪਿਸ ਆਉਣ ਦੀ..

ਮੈਂ ਤੇਰਾ ਹੀ ਸੀ ਤੇ ਰਹਿਣਾ ਸੀ ਸਦਾ ਹੀ ਤੇਰਾ ..
ਲੈ ਡੁੱਬੀ ਤੈਨੂੰ ਆਦਤ ਨਿੱਤ ਹੀ ਅਜਮਾਉਣ ਦੀ..

ਤੂੰ ਆਉਣਾ ਤਾਂ ਨਹੀਂ ਕਦੇ ਮੇਰੇ ਸੁਨੇਹੇ ਘੱਲਿਆਂ ਤੇ..
ਦੇਖ ਲਾ, ਮੈਨੂੰ ਆਦਤ ਨਾ ਰੁੱਸੇ ਹੋਏ ਮਨਾਉਣ ਦੀ..

ਇਹ ਮਹਿਲ ਜੋ ਤੇਰੇ ਮੇਰੇ ਪਿਆਰ ਦਾ ਹੈ ਰੇਤ ਦਾ..
ਕਰੀਂ ਨਾ ਹਰਕਤ ਬਣੇ ਵਜਾਹ ਜੋ ਇਹ ਢਾਹੁਣ ਦੀ..
-ਹਰਦੀਪ ਬਿਰਦੀ, 9041600900
------------------------------------------------------------------------------------------------------
ਗਜ਼ਲ
ਤੇਰੇ ਨੈਣਾਂ ਚੋਂ ਬਣ ਹੰਝੂ ਮੇਰਾ ਨਾਂ ਰੁੜ੍ਹ ਗਿਆ ਹੋਣਾ,
ਮੇਰਾ ਟੁੱਟਿਆ ਤੇਰਾ ਦਿਲ ਹੋਰ ਦੇ ਨਾਲ ਜੁੜ ਗਿਆ ਹੋਣਾ,
ਕਹਾਣੀ ਤੇਰੇ ਜੀਵਨ ਦੀ ਛਪਣ ਦੁੱਖੋਂ ਪਈ ਹੋਣੀ
ਕੋਈ ਤਾਂ ਵਾਕ ਇਸ ਬੇਕਾਰ ਕਰਕੇ ਥੁੜ੍ਹ ਗਿਆ ਹੋਣਾ,
ਪਤੇ ਤੇਰੇ ਦਾ ਨਾ ਮੈਨੂੰ ਪਤਾ ਫਿਰ ਵੀ ਤੂੰ ਨਾ ਸੋਚੀਂ
ਕੇ ਉਹ ਥੱਕ ਹਾਰ ਕੇ ਪਿੱਛੇ ਵਿਚਾਰਾ ਮੁੜ ਗਿਆ ਹੋਣਾ,
ਮੈਂ ਪਾਗਲ ਸੋਚਦਾ ਸੀ ਤੂੰ ਮੇਰੀ ਪੁਸਤਕ ਪੜ੍ਹੀ ਹੋਣੀ
ਤੂੰ ਜਦ ਸੁੱਟੀ ਵਗਾਹ ਕੇ ਤਦ ਇਹ ਵਰਕਾ ਮੁੜ ਗਿਆ ਹੋਣਾ,
ਮੇਰੇ ਸੀਨੇ ਤੇ ਯਾਦਾਂ ਤੇਰੀਆਂ ਦੇ ਤੀਰ ਵੱਜਦੇ ਨੇ
ਕੋਈ ਤਾਂ ਖ਼ਾਰ ਤੇਰੇ ਵੀ ਕਲੇਜੇ ਪੁੜ ਗਿਆ ਹੋਣਾ,
ਜਦੋਂ "ਸ਼ਾਯਦ" ਦੇ ਪਿੰਡ ਤੂੰ ਸਾਰ ਉਸਦੀ ਲੈਣ ਆਵੇਂਗਾ
ਓਦੀ ਹਸਤੀ ਦਾ ਬਣ ਪੰਛੀ ਜਿਹਾ ਤੱਦ ਉੱਡ ਗਿਆ ਹੋਣਾ,
-ਬਸੰਤ ਕੁਮਾਰ "ਸ਼ਾਯਦ", ਜਲੰਧਰ
ਮੋ. 09855178626
------------------------------------------------------------------------------------------------------
ਗ਼ਜ਼ਲ
ਲਾ ਕੇ  ਤੀਲੀ  ਵੇਖੇ  ਹਰ  ਕੋਈ  ਰੰਗ   ਤਮਾਸ਼ਾ  ,
ਚਿੜੀਆਂ ਦਾ ਮਰਨਾ ਹੁੰਦਾ ਹੈ ਗਵਾਰਾ ਦਾ ਹਾਸਾ ।

ਮੰਗਤਿਆਂ ਨੂੰ  ਲੋਕੀ ਤਾਂ ਬੜਾ ਹੀ ਕੁਝ ਕਹਿੰਦੇ ਨੇ ,
ਸੌਖਾਂ  ਨਈ  ਉਂਝ ਯਾਰੋ  ਹੱਥਾ  ਚੋਂ ਫੜ੍ਹਨਾ  ਕਾਸਾ ।

ਇੱਟਾਂ, ਪੱਥਰਾਂ ਨਾਲ ਨਹੀਂ ਇਹ ਘਰ ਬਣਦੇ ਯਾਰੋ ,
ਘਰ  ਚੋਂ ਹੋਵੇ ਪਿਆਰ, ਮੁਹੱਬਤ ਤੇ ਮੋਹ ਦਾ ਵਾਸਾ I

ਲੱਖਾਂ  ਹੀ  ਹੋਵਣ  ਭਾਵੇਂ  ਹੱਥ  ਮਿਲਾਉਂਦੇ  ਦੋਸਤ ,
ਆਪਣਿਆਂ ਬਿਨ ਨਾ  ਦੇਵੇ  ਯਾਰੋ ਕੋਈ ਦਿਲਾਸਾ ।

ਜਿੱਤੀ  ਹੋਈ  ਬਾਜ਼ੀ  ਵੀ  ਮੈ  ਕਈ  ਹਰਦੇ  ਵੇਖੇ  ,
ਜਦ  ਪੈਦਾ  ਹੈ ਕਿਸਮਤ  ਦਾ ਯਾਰੋ  ਪੁੱਠਾ ਪਾਸਾ ।

ਪੈਸੇ ਨਾਲ ਨੇ ਬਣਦੇ ਗਿੱਲ ਇਹ ਸਭ ਰਿਸ਼ਤੇ ਨਾਤੇ ,
ਜਿਉਂ ਪਾਣੀ ਵੀ ਬਣੇ ਸ਼ਰਬਤ ਜੇ ਘੁੁਲੇ ਵਿੱਚ ਪਤਾਸਾ I
-ਮਨਦੀਪ ਗਿੱਲ ਧੜਾਕ, 9988111134
------------------------------------------------------------------------------------------------------
ਇੱਕ ਰਾਹ
ਸੀਅ ਲਵਾਂ ਬੁੱਲਾਂ ਨੂੰ..
ਭੁੱਲ ਜਾਵਾਂ ਭੁੱਲਾਂ ਨੂੰ..
ਮੈਨੂੰ ਇਹੋ ਇੱਕ ਬਸ ਰਾਹ ਦਿਸਦਾ..

ਯਕੀਨੀ ਹੈ ਤੈਨੂੰ ਖੋਣਾ..
ਮੇਰਾ ਦਿਲ ਤੋਂ ਰੋਣਾ..
ਮੈਨੂੰ ਹੋਣਾ ਮੇਰਾ ਹੈ ਤਬਾਹ ਦਿਸਦਾ..

ਪੀੜ ਹਿਜ਼ਰਾਂ ਦੀ ਸਹਿਣੀ..
ਸੂਲ ਸੀਨੇ ਵਿੱਚ ਲਹਿਣੀ..
ਮੈਨੂੰ ਕਰਨਾ ਖੁਦ ਨੂੰ ਫ਼ਨਾਹ ਦਿਸਦਾ..

ਜਿਹੜਾ ਰਿੜਕੇ ਜੀ  ਸੱਚ..
ਤੋੜੇ ਝੂਠ ਦੇ ਜੋ ਕੱਚ..
ਮੈਨੂੰ ਕੋਈ ਨਾ ਐਸਾ ਗਵਾਹ ਦਿਸਦਾ..

ਵਾਦੇ ਝੂਠ ਨਾਲ ਸਜਾਕੇ..
ਸਾਡੇ ਮਨ ਚੋਟ ਲਾਕੇ..
ਮੈਨੂੰ ਤੇਰਾ ਇਹ ਜ਼ਬਰ ਜਨਾਹ ਦਿਸਦਾ..

ਖਾਧੀ ਤੇਰੇ ਤੋਂ ਹੈ ਸੱਟ..
ਭੁੱਲ ਜਾਂਦਾ ਵਿੱਚ ਝੱਟ ..
ਦਿਲ ਭਾਲਦਾ ਤੇਰੀ ਹੀ ਪਨਾਹ ਦਿਸਦਾ..
-ਹਰਦੀਪ ਬਿਰਦੀ, 9041600900
------------------------------------------------------------------------------------------------------
ਭਗਵਾਨ ਮਾਲਮੀਕਿ ਜੀ ਦੇ ਜਨਮ ਦਿਵਸ ਨੂੰ ਸਮਰਪਿੱਤ
ਆਦਿ ਕਵੀ, ਬ੍ਰਹਮ ਗਿਆਨੀ ਸ੍ਰਿਸ਼ਟੀ ਦੇ ਸਿਰਜਣਹਾਰੇ,
ਭਗਵਾਨ ਵਾਲਮੀਕਿ ਜੀ ਲਾਉਂਦੇ ਭਵ ਸਾਗਰ ਤੋਂ ਪਾਰ ਕਿਨਾਰੇ।
ਭਗਵਾਨ ਵਾਲਮੀਕਿ ਜੀ ਲਾਉਂਦੇ ਭਵ ਸਾਗਰ ਤੋਂ ਪਾਰ ਕਿਨਾਰੇ।

ਵਿਦਿਆ ਦਾ ਬਖ਼ਸਿਆ ਚਾਨਣ ਐਸਾ ਹਰ ਪਾਸੇ ਰੁਸ਼ਨਾਏ,
ਉਤਰੇ ਬੱਚੇ ਵਿੱਚ ਮੈਦਾਨੇ ਜੰਗ ਦੇ, ਸੂਰਮਿਆਂ ਸੰਗ ਟਕਰਾਏ,
ਵੇਖ ਕੇ ਲਵ ਕੁਸ਼ ਦੀ ਤੀਰ ਅੰਦਾਜੀ, ਸਾਰੇ ਗਏ ਘਭਰਾਏ,
ਰਮਾਇਣ ਉਚਾਰ ਕੇ ਬਚਨਾ ਰਾਂਹੀਂ ਕੀਤੇ ਦੂਰ ਅੰਧਿਆਰੇ।
ਭਗਵਾਨ ਵਾਲਮੀਕਿ ਜੀ ਲਾਉਂਦੇ ਭਵ ਸਾਗਰ ਤੋਂ ਪਾਰ ਕਿਨਾਰੇ।

ਮਾਨਸ ਦੇਹੀ ਵਾਲਾ ਕਿਤੇ ਮੁੱਕ ਜਾਏ ਨਾ ਜਨਮ ਅਣਮੁੱਲਾ,
ਐ ਬੰਦਿਆਂ ਨਾਮ ਹੀ ਜਪਿਆ ਤੇਰੇ ਸੰਗ ਜਾਣਾ ਵੱਡਮੁੱਲਾ,
ਬਾਣੀ ਦੇ ਸੱਚੇ ਮਾਰਗ ਤੇ ਚੱਲੋ ਰੰਗ ਚੜ੍ਹ ਜਾਵੇਗਾ ਅਮੁੱਲਾ,
ਮੋਹ ਮਾਇਆ ਵਾਲੇ ਚੱਕਰਾਂ ਨੂੰ ਛੱਡੋ ਪ੍ਰਭੂ ਆਪੇ ਹੀ ਤਾਰੇ।           
ਭਗਵਾਨ ਵਾਲਮੀਕਿ ਜੀ ਲਾਉਂਦੇ ਭਵ ਸਾਗਰ ਤੋਂ ਪਾਰ ਕਿਨਾਰੇ।

ਦਿਨ ਅੱਜ ਭਾਗਾਂ ਵਾਲਾ ਪ੍ਰਗਟ ਦਿਵਸ ਦਾ ਆਇਆ,
ਹਰ ਵੇਲੇ ਹੀ ਹਰਿ ਹਰਿ ਵਾਲਮੀਕਿ ਜੀ ਜਾਵੇ ਧਿਆਇਆ,
ਰਹਿਮਤ ਕਰਕੇ ਕੌਮ ਦੇ ਉਤੇ ਸਭ ਨੂੰ ਮਾਣ ਦਵਾਇਆ,
ਉਸ ਦੇ ਆਸਰੇ ਬੇਪਰਵਾਹ 'ਫ਼ਕੀਰਾ' ਲੈਂਦਾਂ ਫਿਰੇ ਨਜ਼ਾਰੇ,
ਭਗਵਾਨ ਵਾਲਮੀਕਿ ਜੀ ਲਾਉਂਦੇ ਭਵ ਸਾਗਰ ਤੋਂ ਪਾਰ ਕਿਨਾਰੇ।

ਆਦਿ ਕਵੀ, ਬ੍ਰਹਮ ਗਿਆਨੀ ਸ੍ਰਿਸ਼ਟੀ ਦੇ ਸਿਰਜਣਹਾਰੇ,
ਭਗਵਾਨ ਵਾਲਮੀਕਿ ਜੀ ਲਾਉਂਦੇ ਭਵ ਸਾਗਰ ਤੋਂ ਪਾਰ ਕਿਨਾਰੇ।
-ਵਿਨੋਦ ਫ਼ਕੀਰਾ, ਸਟੇਟ ਐਵਾਰਡੀ,
ਆਰੀਆ ਨਗਰ, ਕਰਤਾਰਪੁਰ,
ਜਲੰਧਰ, ਮੋ.098721 97326
------------------------------------------------------------------------------------------------------
ਕਿਊਂ?
ਕੁਝ ਚੀਸਾਂ ਸਹਿਣ-ਸ਼ਕਤੀ ਤੋਂ ਬਾਹਰੀਆਂ ਹੁੰਦੀਆਂ,
ਫਿਰ ਵੀ ਅਸੀਂ ਬਰਦਾਸ਼ਤ ਕਰ ਜਾਂਦੇ ਆ|
ਕਿਊਂ?
ਕਿਊਂਕਿ ਅਸੀਂ ਅਖੋਤੀ ਸਿਆਣੇ ਆ,
ਅਸੀਂ ਝੂਠੀ ਸ਼ਾਨ ਤੇ ਇਜਤ ਦੇ ਪਹਰੇਦਾਰ ਆ|
ਕਿਊਂ?
ਕਿਊਂਕਿ ਅਸੀਂ ਉਤਮ ਆ,
ਪੜੇ-ਲਿਖੇ ਸਭਿਅਕ ਸਮਾਜ ਦੇ ਸਭਿਅਕ ਬਸ਼ਿੰਦੇ ਆ|
ਅਸੀਂ ਮ੍ਖੋਟਾਧਾਰੀ ਆ|
ਕਿਊਂ?
ਕਿਊਂਕਿ ਅਸੀਂ ਆਪਣੀ ਅਸਲੀਅਤ ਛੁਪੋੰਣ ਲਈ
ਚੇਹਰੇ ਉੱਤੇ ਚੇਹਰੇ ਲਗਾਈ ਘੁਮਦੇ ਆ|
ਕਿਊਂ?
ਕਿਊਂਕਿ ਅਸੀਂ ਸਮਾਜ ਵਿਚ ਉਚੇ-ਸੁਚੇ ਬਣੇ ਘੁਮਦੇ ਆ|
ਕਿਊਂ?
ਕਿਊਂਕਿ ਸਾਡੀ ਤਾਕਤ ਸਾਡਾ ਸਾਥ ਦੇ ਰਹੀ ਹੈ|
ਕਿਊਂ?
ਕਿਊਂਕਿ ਸਾਡੇ ਵਰਗਿਆਂ ਦਾ ਕਬੀਲਾ
ਦਿਨ-ਪ੍ਰਤੀ-ਦਿਨ ਬਲਵਾਨ ਹੁੰਦਾ ਜਾਂਦਾ ਏ|
ਕਿਊਂ?
ਕਿਊਂਕਿ ਅਸੀਂ ਆਦ-ਸ਼ਕਤੀ ਦੀ ਹੋਂਦ ਤੋਂ ਮੁਨਕਰ ਆ|
ਕਿਊਂ?
ਕਿਊਂਕਿ ਅਸੀਂ, ਅਸੀਂ ਹਾਂ, ਸਰਵਉੱਤਮ
-ਰੁਪਿੰਦਰ ਸੰਧੂ, ਮੋਗਾ
------------------------------------------------------------------------------------------------------
ਪੰਜਾਬ
ਪੰਜਾਬ ਧਰਤੀ ਪੰਜ ਦਰਿਆਵਾਂ ਦੀ,
ਇੱਥੇ ਗੁਰੂਆਂ, ਪੀਰਾਂ ਦਾ ਵਾਸ ।
ਪੰਜਾਬੀ ਗੱਭਰੂ ਨੋਜਵਾਨ ਨੇ,
ਰੱਖਦੇ ਮਿਹਨਤ ਵਿੱਚ ਵਿਸ਼ਵਾਸ ।
ਝੱਲਦੇ ਨਹੀ ਕਿਸੇ ਦੇ ਜ਼ੁਲਮ ਨੂੰ,
ਇਹ ਗੱਲ ਇਨ੍ਹਾਂ ਦੀ ਖਾਸ ।
ਦਿੰਦੇ ਮਾਪਿਆਂ ਨੂੰ ਰੁਤਬਾ ਰੱਬ ਦਾ,
ਪੂਰੀ ਕਰਨ ਉਹਨਾਂ ਦੀ ਆਸ ।
ਜੇ ਵਿੱਚ ਵਿਦੇਸ਼ਾ ਜਾ ਵੱਸਣ,
ਡਾਢਾ ਉੱਥੇ ਵਖਾਉਣ ਸਾਥ ।
ਕਰਦੇ ਰਲ ਮਿਲ ਕੰਮ ਉੱਥੇ ਵੀ,
ਮਿਹਨਤ ਕਰਦੇ ਨੇ ਦਿਨ ਰਾਤ ।
ਬਜ਼ੁਰਗਾਂ ਦਾ ਕਰਨ ਸਤਿਕਾਰ,
ਕਰਨ ਛੋਟਿਆਂ ਦੇ ਨਾਮ ਪਿਆਰ ।
ਜਿਹੜ੍ਹਾ ਮਰਜੀ ਖੇਤਰ ਵੇਖ ਲਈਏ,
ਹਰ ਪਾਸੇ ਪੰਜਾਬੀ ਛਾਏ ਨੇ ।
ਕ੍ਰਿਕਟ ਵਿੱਚ 'ਹਰਭਜਨ', 'ਯੁਵਰਾਜ' ਨੇ,
ਬੜੇ ਰਕਾਰਡ ਬਣਾਏ ਨੇ ।
ਜੇ ਗੱਲ ਕਰੀਏ ਸੰਗੀਤ ਦੀ,
ਹੰਸ, ਗੁਰਦਾਸ ਨਹੀਂ ਛੱਡ ਸੱਕਦੇ ।
ਮਿਹਰ ਪੰਜਾਬੀਆਂ ਤੇ ਸੋਹਣੇ ਸਤਿਗੁਰੂ ਦੀ,
ਸਭਿਆਚਾਰ ਦਿਲੋ ਨਹੀ ਕੱਢ ਸੱਕਦੇ ।     
-ਸੁਨੀਲ ਕੁਮਾਰ, ਸ.ਮਿ.ਸ. ਮਲਕਪੁਰ
ਮੋ: 75081-85136
------------------------------------------------------------------------------------------------------
ਦੁਵਾਵਾਂ
ਮਾਏਂ ਨੀ ਕਿਤੇ ਮੰਗ ਦੁਵਾਵਾਂ,
ਮੁੜ ਨਾ ਮੈਂ ਇਸ ਜਗ ਤੇ ਆਵਾਂ,
ਹਰ ਪਲ ਨਿਲਕਣ ਹੌਕੇਂ ਹਾਵਾਂ,
ਨਾ ਕਿਧਰੇ ਆਪਣਾ ਮੀਤ ਗਵਾਵਾਂ,
ਸੁਪਨਾ ਪੂਰਾ ਕਦੇ ਕਰ ਨਾ ਪਾਵਾਂ,
ਫਿਰ ਮੁੜ ਕੇ ਰਿਹ ਜਾਏ ਪਛਤਾਵਾ,
ਮਾਏਂ ਨੀ ਕਿਤੇ ਮੰਗ ਦੁਵਾਵਾਂ।

ਲਾਵੇ ਨਾ ਕੋਈ ਝੂਠ ਦੇ ਲਾਰੇ,
ਮੁੜ ਨਾ ਕੋਈ ਫਰੇਬਵਿੱਚ ਮਾਰੇ,
ਗੱਲੀਂ ਬਾਤੀਂ ਲੱਗਣ ਪਿਆਰੇ,
ਵਕੱਤ ਪਏ ਤੇ ਨੱਠਣ ਸਾਰੇ,
ਮੈਂ ਫਿਰ ਦੱਸ ਕਿੰਝ ਹੱਸ ਵਿਖਾਵਾਂ,
ਮਾਏਂ ਨੀ ਕਿਤੇ ਮੰਗ ਦੁਵਾਵਾਂ।

ਐਵੇਂ ਖਿੱਚਾ ਤਾਣੀ ਲੱਗੀ ਰਹਿੰਦੀ,
ਹਰ ਸ਼ੈਅ ਮੈਨੂੰ ਖਾਣ ਨੂੰ ਪੈਂਦੀ,
ਯਾਦਾਂ ਸੰਗ ਜਿੰਦ ਸਮਾਂ ਬਤਾਉਂਂਦੀ,
ਕਦੇ ਰੂਹ ਸੀ ਢੋਲੇ ਦੀਆਂ ਗਾਉਂਦੀ,
ਐਪਰ ਹੁਣ ਤਾਂ ਦਰਦੇ ਹੰਢਾਵਾਵਾਂ,
ਮਾਏਂ ਨੀ ਕਿਤੇ ਮੰਗ ਦੁਵਾਵਾਂ।

ਅੱਧੋਂ ਵੱਧ ਮੈਂ ਹੁਣ ਉਮਰ ਬਿਤਾਈ,
ਆਪਣੇ ਦਿਲ ਦੀ ਹਰ ਸੱਧਰ ਲੁਟਾਈ,
ਸਾਹਾਂ ਵਾਲੀ ਜਾਵਾਂ ਮੈਂ ਖੇਲ ਮੁਕਾਈ,
ਬੀਤੀ ਘੜੀ ਮੁੜ ਕਦੇ ਹੱਥ ਨਾ ਆਈ,
ਕਿਸ ਨਾਲ ਬੈਠ 'ਫ਼ਕੀਰਾ' ਦੱਖ ਵੰਡਾਵਾਂ।
ਮਾਏਂ ਨੀ ਕਿਤੇ ਮੰਗ ਦੁਵਾਵਾਂ,
ਮੁੜ ਨਾ ਮੈਂ ਇਸ ਜਗ ਤੇ ਆਵਾਂ।
-ਵਿਨੋਦ ਫ਼ਕੀਰਾ, ਸਟੇਟ ਐਵਾਰਡੀ,
ਆਰੀਆ ਨਗਰ, ਕਰਤਾਰਪੁਰ,
ਜਲੰਧਰ
------------------------------------------------------------------------------------------------------
ਇਬਾਦਤ ਅੱਜ ਕਲ੍ਹ
ਸੌਦੇ ਵਰਗੀ ਹੋਈ ਇਬਾਦਤ।
ਕੱਲੀ ਬਹਿ ਬਹਿ ਰੋਈ ਇਬਾਦਤ।

ਬਸ ਬੰਦਾ ਹੁਣ ਹਰ ਪਲ ਮੰਗੇ,
ਬਿਨ ਮਤਲਬ ਨਾ ਰਬ ਦਰ ਖੰਗੇ।

ਆਹ ਕਰ ਦਾਤਾ ਆਹ ਕਰਦੂੰ ਮੈਂ,
ਤੇਰੀ ਝੋਲੀ ਹੀ ਭਰਦੂੰ ਮੈਂ।

ਓਦਾਂ ਨਾ ਆਵੇ ਚੇਤੇ ਰਬ,
ਭੀੜ ਪਈ ਤੇ ਬਸ ਤੂੰ ਹੀ ਸਭ।

ਫਿਰ ਇਬਾਦਤ ਚੇਤੇ ਆਵੇ,
ਹਰ ਇਕ ਰੁਹਾਨਤ ਚੇਤੇ ਆਵੇ।

ਦਿਲ ਤੋਂ ਨਾ ਦਾਤੇ ਸੰਗ ਮੁਹਬਤ,
ਮੌਕਾ ਦੇਖ ਕਰੇ ਭਗਤ ਇਬਾਦਤ।

ਰਬ ਵੀ ਕਰਦਾ ਵੈਸੀ ਇੱਜਤ,
ਜੈਸੀ ਉਸਦੀ ਕਰਨ ਇਬਾਦਤ।
-ਹਰਦੀਪ ਬਿਰਦੀ, 9041600900
------------------------------------------------------------------------------------------------------
ਮਾਂ ਦਾ ਪਿਆਰ
ਮਾਂ ਤੂੰ ਦਿੱਤਾ ਪਿਆਰ ਬਥੇਰਾ,
ਦੇਣ ਭਲਾ ਕਿੰਝ ਦੇਵਾਂ ਤੇਰਾ,
ਮੇਰੇ ਲਈ ਦੁੱਖ ਲੱਖਾਂ ਜ਼ਰ ਲਏ
ਰੱਬ ਤੋਂ ਵੱਡਾ ਤੇਰਾ ਜ਼ੇਰਾ,
ਨਾਲ ਤੇਰੇ ਹੈ ਰੌਣਕ ਘਰ ਦੀ
ਚਾਨਣ ਭਰਿਆ ਚਾਰ-ਚੁਫੇਰਾ,
ਸਿਰ ਉੱਤੇ ਜਦ ਹੱਥ ਰੱਖ ਦੇਵੇਂ
ਹੱਲ ਹੁੰਦਾ ਹਰ ਮਸਲਾ ਮੇਰਾ,
ਕਿੱਥੇ ਰੱਬ ਕਦੇ ਤੱਕਿਆ ਨਾਹੀਂ
ਮੇਰੇ ਲਈ ਤੂੰ ਰੱਬ ਹੈਂ ਮੇਰਾ,
ਮੋਹ ਤੇਰੇ ਦੀ ਨਾ ਕੋਈ ਸੀਮਾਂ
ਛੋਟਾ ਏ ਧਰਤੀ ਦਾ ਘੇਰਾ,
"ਸ਼ਾਯਦ" ਵਿਚ ਜੋ ਗੁਣ ਨੇ ਚੰਗੇ
ਤੂੰ ਦਿੱਤੇ ਸਭ ਤੇਰਾ-ਤੇਰਾ,
-ਬਸੰਤ ਕੁਮਾਰ "ਸ਼ਾਯਦ", ਜਲੰਧਰ
ਮੋ. 09855178626
------------------------------------------------------------------------------------------------------
ਗ਼ਜ਼ਲ
ਇੱਕ ਮਿਆਨ  ਦੇ ਵਿੱਚ  ਦੋ ਤਲਵਾਰਾਂ ,
ਹੋ ਨਈ ਸਕਦਾ ਇਹ  ਕਦੇ ਸਰਦਾਰਾਂ ।

ਐ ਜੀਵਨ  ਇੱਕ ਸੰਘਰਸ ਹੈ ਪਿਆਰੇ ,
ਯੋਧੇ   ਗਾਵਣ   ਜੰਗ   ਦੀਆਂ   ਵਾਰਾਂ ।

ਇਸ਼ਕ - ਮੁਹੱਬਤ    ਹੋ  ਜਾਂਦੀ   ਆਪੇ ,
ਇਸ ਤੇ ਨਾ  ਚੱਲੇ  ਵੱਸ  ਮਿਰੇ  ਯਾਰਾਂ ।

ਸਾਉਣ ਮਹੀਨਾਂ ਹੈ  ਹਰਿਆ-ਭਰਿਆ ,
ਨੱਚਦੇ-ਗਾਉਂਦੇ  ਗਭਰੂ ਤੇ ਮੁਟਿਆਰਾਂ ।

ਆਪ ਜੀਓ ਅਤੇ ਹੋਰਾਂ ਨੂੰ ਜੀਣ ਦਿਓ ,
ਐਵੇਂ  ਨਾ ਖਾਓ  ਇੱਕ-ਦੂਜੇ  ਤੋਂ ਖਾਰਾਂ ।

ਗਿੱਲਾਂ ਮੌਤ ਨੂੰ ਨਾ ਮਖੌਲ ਕਦੇ ਕਰੀਏ ,
ਹੱਥ ਨ ਪਾਈਏ ਵੇਖ ਕੇ ਨੰਗੀਆਂ ਤਾਰਾਂ ।
-ਮਨਦੀਪ ਗਿੱਲ ਧੜਾਕ, 9988111134
------------------------------------------------------------------------------------------------------
ਸਿਰਨਾਵਾਂ
ਮੈਂ ਨੀ ਕਹਿੰਦਾ ਲੋਕੀ ਪੁੱਛਦੇ
ਦੱਸਾ ਤੇਰਾ ਸਿਰਨਾਵਾਂ ਕਿੱਥੇ
ਤੂੰਹੀਂ ਦੱਸਦੇ ਰਹਿੰਦਾ ਅੱਜਕੱਲ੍ਹ
ਬੁੱਤ ਬਿਨਾ ਪਰਛਾਵਾਂ ਕਿੱਥੇ
ਉਹ ਨੀ ਆਇਆ ਨਾਹੀਂ ਮੁੜਨਾ
ਭੰਨੇ ਬਨੇਰੇ ਕਾਂਵਾਂ ਕਿੱਥੇ
ਤੇਰੇ ਹਿਜ਼ਰ ਦੇ ਬਾਲ ਰਿਹਾੜੀ
ਰਾਤੀ ਰੋਵਣ ਪਾਵਾਂ ਕਿੱਥੇ
ਤਲ਼ੀਏ ਚੌਗ ਚੁਗਾਵਣ ਵਾਲੇ
ਕਰਦੇ ਨੇ ਹੁਣ ਛਾਂਵਾਂ ਕਿੱਥੇ
ਪੀੜ ਲਕੋਈ ਅੱਥਰੂ ਮੱੁਕ ਗਏ
ਹਾਸੇ ਲੈ ਗਏ ਲਾਵਾਂ ਕਿੱਥੇ
ਸਾਹੀ ਵਸਾਕੇ ਝੱਟ ਭੁੱਲ ਜਾਣਾ
ਤੇਰੇ ਜਹੀਆਂ ਅਦਾਵਾਂ ਕਿੱਥੇ
ਵੇਖ ਚੌਹਾਨ ਹਸ਼ਰ ਇਸ਼ਕ ਦਾ
ਡੇਰੇ ਲਾ ਲਾਏ ਚਾਵਾਂ ਕਿੱਥੇ
-ਸੁਰਿੰਦਰਜੀਤ ਚੌਹਾਨ
------------------------------------------------------------------------------------------------------
ਤੁਮਨੇ.....
ਤੁਮਨੇ ਮੇਰੀ ਬਾਂਹ ਪਕੜ ਕਰ, ਚੋਰਾਹੇ ਪੇ ਲਾ  ਛੋੜਾ!
ਜਿਤਨਾ ਮੈਨੇ ਦਿਲ ਕੋ ਜੋੜਾ, ਤੁਮਨੇ ਉਤਨਾ ਤੋੜਾ!!
ਮੈਨੇ ਫਗੁਨਾਹਟ ਮਾਂਗੀ, ਤੁਮਨੇ ਦੀ ਜਵਾਲਾਏਂ!
ਜੁਲਫੋਂ ਕਾ ਜਬ ਸਾਇਆ ਮਾਂਗਾ, ਦੇ ਦੀ ਸਰਦ ਹਵਾਏਂ!!
ਦਾਮਨ ਮੈਨੇ ਜਬ ਵੀ ਥਾਮਾਂ, ਤੁਮਨੇ ਉਸੇ  ਛੁੜਾਇਆ!
ਬਨਕੇ ਰਹਾ ਮੈਂ ਫਿਰ ਵੀ ਤੇਰਾ, ਕਹੀਂ ਨਹੀਂ ਜਾ ਪਾਇਆ!!
ਜਬ-ਜਬ ਮਾਂਗ ਕੀ ਪਿਆਰ ਕੀ, ਤੁਮਨੇ ਨਫਰਤ  ਦੇ ਦੀ!
ਫਿਰ ਵੀ ਜਾਨ ਤੁਮਾਰੀ ਹੈ, ਨਹੀਂ ਹੈ ਔਰ ਕਿਸੀ ਕੀ!!
-ਹਰੀਸ਼ ਭੰਡਾਰੀ 'ਮਹੇੜੂ', ਮੋ: 98777-73899
------------------------------------------------------------------------------------------------------
ਬੰਦੇ ਦਾ ਬੰਦਾ
ਬੰਦੇ ਦਾ ਬੰਦਾ ਦਾਰੂ ੲੇ ਇਹ ਲੋਕ ਸਿਆਣੇ ਕਹਿ ਗਏ ਨੇ
ਅੱਜ ਕੀ ਹੋੋੲਿਆ ਇਸ ਕਹਾਂਵਤ ਨੂੰ ਕੱਲੇ ਬੋਲ ਕਿੳੁ ਰਹਿ ਗਏ ਨੇ

ਨਾ ਕੋਈ ਫਿਕਰ ਕਿਸੇ ਦੀ ਕਰਦਾ ੲੇ ਨਾਂ ਇੱਜਤਾ ਦੀ ਵੀ ਸਾਂਝ ਰਹੀ
ਅਹਿਸਾਨ ਫਰਾਮੋਸ਼ ਲੋਕ ਹੋਏ ਪੁੱਤਾ ਵਾਲੀ ਮਾਂ ਘੁੰਮਦੀ ਬਾਝ ਜਿਹੀ

ਸੇਵਾ ਦੇ ਨਾ ਤੇ ਹੱਟ ਖੋਲ ਲੲੇ ਤੇ ਸੌਦੇ ਹੁੰਦੇ ਨੇ ਜਿਸਮਾ ਦੇ
ਜਿਹੜੇ ਪਿਅਾਰ ਨਾ ਵੱਸਦੇ ਹੁੰਦੇ ਸੀ ੳੁਹ ਲੋਕ ਸੀ ਕਿੰਨੀਅਾਂ ਕਿਸਮਾ ਦੇ

ਮਾਂ ਬੋਲੀ ਤੱਕ ਵਿਸਾਰ ਰਹੇ ਲੋਕੀ ਪੜਣੀ ਲਿੱਖਣੀ ਭੁੱਲ ਰਹੇ ਨੇ
ਨਾ ਵਿਰਸਾ ਅੱਜ ਸੰਭਾਲ ਰਹੇ ਲੱਗਦਾ ਛਿੱਲੜਾ ਤੇ ਡੁੱਲ ਗਏ ਨੇ

ਬੜੇ ਇੱਜਤਾ ਵਾਲੇ ਹੁੰਦੇ ਸੀ ਦੁੱਖ ਸ਼ਭ ਦਾ ਨਿੱਤ ਵਡਾਉਦੇ ਰਹੇ
ਹੁਣ ਝੂਠੀ ਸਾਨ ਬਨਾਵਣ ਲਈ ਧੀਆ ਵਰਗੀਆ ਨਾਲ ਨਚਾਉਦੇ ਨੇ

ਬੰਦੇ ਦਾ ਬੰਦਾ ਦਾਰੂ ੲੇ ਗੱਲ ਹਰ ਕੋਈ ਦਿਲੋ ਵਿਸਾਰ ਗਿਆ
ਦੁਨੀਆ ਨੂੰ ਜਿੱਤ ਕੇ ਕੀ ਲੈਣਾ ਚੜਤ ਜਦ ਅਾਪਣਿਅਾਂ ਤੋ ਹਾਰ ਗਿਆ.
-ਚੜਤ ਬੋਦੇਵਾਲੀਆ, 9915077153